Joni 13:1 - Godido Vua Maeje

^1-2 Areme maza Fasova ije e Jiusi bu iro ivo ije fune ivuare. Ro Jesu fu vierafero maza ijia fu ume ige arena una Asoe fuone ijadufuo vadufuo ije fune ivuaremaro fu ijiege vierafei. Ro maza fuone boege fu ume igia oenoema ijia fuka e fuone ije oetuana ruoma ka maza radekuma ijia kekei. Ijadufuo Jesu fu mu be e vua fuone fievo ijena fina ire i. Ro Setani fune ude Judasi e Saemoni Isekariotido fari ije biesirikiro fu oe fuone ijia ari. Ijadufuo fu Jesu abe e ani ije miakiro vierafei.

Joni 13:1 ပူးပေါင်းရင်းမြစ်များ

Matiu 26:45

Areme fune una kekena e vua fuone fievo ije kiae, Jaeje jaka uria ninaokuae vierafe? Rove igia fie, maza ije bu Ema ijiebuo Fari ige na abena una e ise revo ije miadufuo ije fune ivuare.

Matiu 28:20

Ro kuke janika vua none boeje na kuariaeva ijene e nijasiaga bu ijia iriniana kenoefo. Ro igia fie, Naeje nabe ja uniakoke ro naka maza boeje jaena fivakuma ka maza radekuma ijia kekekono kiae.

Ruki 22:53

Na maza boeje naka Godido Are ijia aruna vua kuariakinu nijasianoe rove ja naebe ijia na toenamie. Rove na vierafe maza ige fune maza jone. Ijadufuo fune Setanire ja samuagiamo ijadufuo ja na tonamiekuae ruaevano kiae.

Ruki 9:51

Areme maza ije Jesu fu una saove gufia ajia vadufuo ije fune ivuaremoga fu una Jerusareme vakiro vierafei.

Joni 11:55

Ro maza Fasova ije e Jiusi bu iro ijo ije fune ivuare. Ijadufuo e boeje bune are buone ije arena una iro ijadufuo kanafuikuae una Jerusareme ijia besu afui.

Joni 12:23

Rove Jesu fu una kiae, Na vierafe maza ije e bu Ema ijiebuo Fari ije abe kurosi kanaga Godi fu kuaga fu una urina sanaema fuone ijia vadufuo ije fune igifureki.

Joni 13:29

Ro e Judasi moni buone ije fure samuagiamo ijadufuo bu vierafero fute kuaga fu moni ijia bino kena una va ire bino fuaevekiro kuaemaro bu ijiege vierafei. Ro be fute kuaga fu moni ijia bino kena una va e sinuome baki ije vajiakiro kuaraema ro bu ijiege vierafei.

Joni 13:3

Ro Jesu fu vierafero ire boege fune Asoe fuone ijare kena daro fuone rotire ijia naejae. Ro kuke fune fure kuamo fu ari ruaedo fune una fu fino ijia vakiro fu ijiege vierafei.

Joni 13:34

Ijadufuo na akae iviaeko be kuariako ni fiefo. Ro akae iviaeko ijeja nika jone oetuanamifo. Ni izege nare ja oetuana ruaeva ijiege una jone oetuanamifo.

Joni 14:28

Ro vua ije na vaekiro una ruadufuo ije nane kuariavo jane fie. Ro ja na mukoe oetuakuva jaka none oemareke na una Asoe none fu fino ijia vake. Ijadufuo maeje Asoe none fuka e anuigi fure na asidie.

Joni 16:28

Naeje na Asoe none fu fino ijia arina ume igia ruae. Ro iviama nane ume ige arena una Asoe none ijadufuo vakono kiae.

Joni 17:1

Jesu fu vua ijiege kuariama furi areme fu uri kake kave gufia rerekinu baname ijiege isoe. Fu kuae, Asoeno mazani ije na barone areme una uridufuo ije fune ruae. Ijadufuo ni e boeje ijiebuo nidua ijia na aroriena nidosiekina na ive one dabe arorakinu nidosane.

Joni 17:16

Ro naeje nana e ume igeko baki ijadufuo budua bu e ume igeko baki.

Joni 17:26

Na a e izeki ije nane bu kuariana nijasiae ro na vierafe naka uria kuke kuariadufuo. Na ijiege kuariakina bu izege a na oetuamo ijiege bu una e gue oetuakina na maza boeje oe buone ijia finoeno kuae.

Joni 17:5

O Asoeno, ni iviama sanaema one ije abe miene. Ni sanaema one ije a isuibe aesakae ige naebe amaerima ijia na osiki besu fivo a miemo ijene abe una miene.

Joni 18:4

Ro Jesu fu vame boeje izege bu fuone rekuvejo ije fune giana vierafei. Ijadufuo e ije bune fu rerena vakoga fu biona ruakinu kiae, E gare juvuamagu abe ruovo garie ja era rerenoevono kiae?

Joni 19:28

Areme Jesu fune vierafega ire boeje fu ume igia rekiro ruaema ije fune rema furi. Ro kuke vua ije bu buki akae ijia isoena kuaeva ije fuka riarekiro fu kume, Naka do duadiemano kumei.

Joni 2:13

Areme e Jiusi ijiebuo mazani ije bu kua Fasovano kuavo ije fune ivuare ijadufuo Jesu fune Jerusareme ijia vae. Ro iro Fasova ijadufuo maeje e Jiusi bu iro ije ikinu izege asaerafa buone bu aesakae Ijifiti ijia imekinu isejavaevoga Godi fu karauniaema ije vierafevo.

Joni 6:4

Ro maza ije e Jiusi bu iro Fasova ivo ije fune ivuaremo ijia bu ijiege rei.

Joni 7:30

Ijadufuo e gue bune uri fare dabe dibure nujakuae vierafe rove e besukua be fu naebe uri vajae fuone ijia niriae. Ijadufuo maeje maza ije bu fu kanadufuo ije fu naebe abema ijadufuo bu ijia arei.

Joni 7:6

Ijadufuo Jesu fu una kiae, Jaeje ja maza binobino e bu iro ikuae afuivo ije maza bino ja va ro bino ja arevo ije fune marei. Rove naeje na maza none fu naebe abema ijadufuo nabe vake.

Joni 8:20

Ro Jesu vua ije fu kuariaema ije fu Godido Are guove be bu mavua moni rievo bu naeva ivuake ijia manina kuariae. Rove e mamekanu ije bu naebe ijia urina fu toe. Ijadufuo maeje maza fuone fu naebe abema ijadufuo bume karina vua fuone ijiaru fiejae.

Romeni 8:37

Rove bu ire ise boeje ije nuvuone ruovo ijiebe no maniaeruga no Jesu Kuraesi izege fu no oetuamo ije arena vako baki. Ro fuka daro muoga no giriesana ire ise boeje bu nuvuone ruovo ije kame garege koreve.

1 Koriniti 1:8

Ro kuke na vierafe Kuraesi fu ifejiaga jaka giriesana ma vierafena karivakuma maza radekuma ijia usiaeke. Ja ijiege rekina maza ije E Ireobo Jesu Kuraesi fu una ruomo ijia jaka maturaena ise bino baki ja nidua fuone ijia iredufuo.

Iburu 3:14

Ro no vua amure no fieva ije mukoreigia vierafena abe gikikimana fare vakuva maza rade no Kuraesido sanaema ije akaegue abeke.

Iburu 3:6

Ro una Kuraesi fuje fu ma Godido Fari. Ijadufuo fu ma vierafena Godido i ije mukoreigia oe vafaena ame fari ije fu agane fuone samuagiamo ijiege e fuone samuagiame. Ro no mukoreigia Kuraesido vua irere no fiena ma vierafeva ije giriesa farena oemarekinu Godi irere fu nuvuefuo rekuveno ije samuakuva ije noeje none Godido agane ijena besu reve.

Iburu 6:11

Ijadufuo no vierafe e besubesu jaka giriesana ijiege renoeke. Jaka maza boeje ijiege urukeigia renoekina ja maza rade irere ja oe vafaena samuavo ije kedufuo.

1 Fita 1:13

Ijadufuo jade una oe kuderiana ire binobino vierafenoevo. Ro oe jone nika mukoreigia Jesu izege fu una ro ja marejiadufuo ije vierafekinu karinoefo.

1 Joni 4:19

Ro Godi fune isuibe no oetuaema ijadufuo no ije kairafa nuvuone ijene oetuave.

Revaresoni 1:5

Ro na baname isoega Jesu Kuraesi e ije fu ijuebaki rena Godido vua maeje abena ruaema ije fudua ja ma rejiakinu ifejiadufuo. Fure amure baronena una urina E Ireobo rena ume igadufuo e mamekanu boeje samuagiana fine. Ro kuke fuka no oetuamo ijadufuo fu baronena kavuane fuone usiaena ise ije fu no uti faraduema ije soejue.