Joni 11:4 - Godido Vua Maeje

⁴ Ijadufuo Jesu fu vua ije fiena uri kuae, E Rasarosi adame fu abeno ije fu baronedufuo. Rove rade fu una uriga e bu ijia Godido daro ije fu izege imeno ije gake. Areme bu ijia una Godi dabe aroekinu ro Fari fuone ige na aroriekono kiae.

Joni 11:4 ပူးပေါင်းရင်းမြစ်များ

Una Kaenamiae 16:7

Ro isuome suoke ja E Ireobo ijadufuo sanaema ije gake ijadufuo maeje jane fuesina kuaevo fune fie. Nono irere rekuva baki ro jame ijia nuvuesina kuaevono kiae.

Joni 10:38

Ro ja naebe vua none na kuariavo ije fiena una na ma vierafekuva nive ire sumiki ige na renoevo ijia giana na ma vierafefo. Ja ijiege rekuva ja ijia vierafero Asoe none fu nosiki oenoe ro nadua na Asoe none ijiaki oeonoevoro ja ijiege vierafekono kiae.

Joni 11:40

Mata fu ijiege kuaramoga Jesu fu una kuae, Mata nabe ude kuarana kua a ma vierafekuma Godido sanaema ije a gakono kuae?

Joni 12:28

Ijadufuo fune una Asoefuo baname isoena kuae, Ate Asoeno ni e boeje nijasiaga bu ive one dabe aroeno kuae. Areme e vua fuone fievo bu fieke Godi fu saove gufia ijiege kumei, Na ive none sanaema ije nane isuibe abena e boege nijasiae. Ro iviama na una kuke sanaema none nijasiaga bu gana ive none dabe aroriekono kumei.

Joni 17:1

Jesu fu vua ijiege kuariama furi areme fu uri kake kave gufia rerekinu baname ijiege isoe. Fu kuae, Asoeno mazani ije na barone areme una uridufuo ije fune ruae. Ijadufuo ni e boeje ijiebuo nidua ijia na aroriena nidosiekina na ive one dabe arorakinu nidosane.

Joni 17:10

Ijadufuo maeje e none ije bu e one ro e one ije bu e none. Ro e none boeje na kaenamiaeva ije bu ive none dabe arorieve.

Joni 17:5

O Asoeno, ni iviama sanaema one ije abe miene. Ni sanaema one ije a isuibe aesakae ige naebe amaerima ijia na osiki besu fivo a miemo ijene abe una miene.

Joni 2:11

Jesu ire sumiki ije fu zinuevena remoga e boeje bu gaeva ije fu are Keina sakae Gareri guove ijia rei. Fu are ijia vame fuone sanaema ije remoga e boeje bu gae. Ro e vua fuone fievo boeje bu ijia gana uri fu ma vierafei.

Joni 5:23

Ro na ijiege revo ijadufuo e boeje bu izege Asoe none ije bu aroevo ijiege buka una na dabe arorieke. Ijadufuo eranebe bu naebe na arorievo ije bu kuke Asoe none fu kiemo na ari ruaeva ije aroevo baki.

Joni 8:54

Bu ijiege kuaravoga fu una kiae, Na kono sanaema none ije abe aroevo ije fu naebe marei. Ro e ije fu sanaema none ije abe aroriedufuo ije fune Asoe none e ije ja kuae fu Godi joneno kuaevo ijare fuosukua arorieke.

Joni 9:24

Ijadufuo e Jiusi ije bune una e ije fu ni nafaema ijene kuae, No vierafega e ije ni one amaerijaema ije fuka ise renoeno. Ijadufuo a iviama Godido ive ijia kurana vua ije ka visuna kuaruono kuae.

Joni 9:3

Bu ijiege kuaravoga fu kiae, E gure ni ije fu kuzema ije fu ise fuone ro orafa fuone ijiebuo ise ijare ni kuzema baki. Ro ni fuone ije fume ijiege kuzekina bu rade Godido daro ijia fu kenuja fu una ni nafaega e bu gake.

Romeni 11:11

Ro ja vierafe e Jiusi buka ise uruvana revo ijadufuo Godi fube bu mukoreigia ijuemiae ke fu baki? Na vierafe ije fuka baki. Ro bu ise reva ijadufuo Godi fu una e Jiusi baki ije ifejiana karauniame. Godi fu ijiege e Jiusi baki ije karauniaga e Jiusi ije bu vame maeje Godi fu buone remo ije giaga buka naebe oemadiakuva bute una oe kuderiana Jesu Kuraesi ma vierafedufuo.

Firifiani 1:11

Ro kuke ja Jesudo daro ijadufuo duvado ijia Godido vame ma ijia kenoega e bu ire maeje ja e guebuo revo ije giana una Godido ive dabe aroeke.

Firifiani 1:20

Ro naka ireobo vierafe iviama ro ba maza boeje vua none na e kuariavo ijia nabe mamoeke. Ro kuke na vierafe na barone ro na uria fivo ijia nabe jume ro jaeveke. Ro naka ireobo oemarekinu oe none boeje ijiakuma Kuraesi dabe aroedufuo.

1 Fita 1:21

Ijadufuo iviama jane Godi mukoreigia vierafe ijadufuo maeje Kuraesire vame jone maeje amaeri. Kuraesi fu baronemoga Godire kenujamo fu una urimoga fu dabe aroena nidoe. Ijadufuo iviama oe jone boeje jaka Godi fu rade una ro ifejiadufuo ja ije ma vierafekinu karinoeve.

1 Fita 4:11

Ijadufuo erare a Godido vua ije e gue kuariakuma nika daro fuone ijia vua fuone ma ijiaru kuariane. Ro erare a e gue ifejiakuma ni daro ije fu maema ijia ifejiane. Ja ijiege renoekuva e boeje buka Jesudo ive ijia una Godi dabe nidoeke. Ro na baname isoega sanaema fuone ijiakiro daro fuone ije buka maza boeje ijiege naona vake. Marei.

1 Fita 4:14

Ja Jesu Kuraesido imenoevo ijadufuo e bu ja madiakinu vua ise kuariakuva janika oemarefo. Ijadufuo maeje Godido Kavene ije ka sanaema ije fuka jaena fino.