Joni 10:1 - Godido Vua Maeje

¹ Jesu fu vua ije kuariama arema una vua be ijiege mena kuariae. Fu kiae, Naka ma kuariavo fiefo. E ije fu mave-sifi ijiebuo viene bu umateva ije fu aregaro fume mujuebe ijia ajia urana aru vako e ije fuka e inieki ro kuke fu e kaniamo.

Joni 10:1 ပူးပေါင်းရင်းမြစ်များ

Matiu 7:15

Jesu fu ijiege kuariama areme kiae, Ja oenoekuva ni e iti kufuiki ije bu vua none abe kuaenoejo ije mukoe giakinu oenoefo. Bu ja kariva ijia ruovo ije buka e ma ro mukoe kenoejo igeki. Rove oe buone ijia izege bu vierafenoejo ije buka siroe kuriae igeki. Bu jone ja ma vierafevo ije kame arafiriakuae renoeve.

Joni 10:7

Ijadufuo Jesu fu una kiae, Na ma kuariave, naeje na mave-sifi ijiebuo viene ijene. Ro e ije gue bu ude ruaeva ije buka e inieki ro kuke bu e kaniavo. Ro bu e mave-sifi samuagiavo baki ijadufuo mave-sifi ije bu itire buone ije buka naebe fie.

Joni 3:3

Fu ijiege kuaramoga Jesu fu una kuae, Vua ige na ma kuarave. E ije erare fu vierafe fuka e ije Godi fu oe buone ije samuagiamo ijena maziekuma nika Godi kuaga fu Kavene Akae abe nujaejane. Areme Kavene Akae ije fu oe fuone ijia fina daro maga fu una e iviaeko reno kuae.

Romeni 10:15

Ro Godi fu naebe e ije Jesudo vua abe oenoejo ije kiaga bu vua maeje abe usiae vakuva bu izege vua maeje abe e gue kuariake? Rove e ije bu Jesu Kuraesido vua ije bune fie. Ijadufuo maeje vua ijafiki be bune isuibe buki akae ijia ijiege isoena kuae, Magoedo e ije ruovo ije bu Godido vua maeje abe ruovono kuae.

Romeni 16:18

Ijadufuo maeje e ijieki ije bu E Ireobo nuvuone Jesu Kuraesido imevo baki. Ro bume ire ije vajae surive buone bu oemadiavo ije vierafena kenoeve. E ijieki ije buka oenoekinu e ije bu Jesu ma vierafevo baki ije biesiriave. Bu biesiriana vua soesoegi kuariakinu oe buone ije kame kuderiave.

Taetasi 1:11

Rove Timoti na vierafe aka vua buone kufui ije bu kuaenoevo ije kuriaerena kiaga bu aredufuo. Ijadufuo maeje bu vua ise na nijasiavo baki bu ije nijasiave. Bu ijiege revo ijia buka e agane bino ijiebuo vierafe ije kame iserejiave. Bu vua kufui ijiaru kuaenoevo baki ro buka moni amaeriakuae vierafevo.

Iburu 5:4

Ro i ije Godi zinone ifaejavo ije fume ebe fu korufuo mekuma baki. Ro fune Godire izege fu Eroni abema ijiege fu e fu vierafeva ije kiaga bu i ije mevo.

1 Fita 1:10

E Godido vua vierafena kuaevo ijiebe Godi izege fu ja karauniadufuo ijene dabe kuaenoe. Bu ijiege kuaenoekinu karina kuae ire ije fute veze reke ro kuke Godi fu izege e boeje karauniakono kuae. Ijadufuo buka uri giriesana rerenoe. Bu ijiege rerenoevoga Kuraesido Kavene ijare vame izege Kuraesi fu ume igia isejavaena barone areme rade fu una urina Godido sanaema ijia manidufuo ije nijasiae.

2 Fita 2:1

Isuibe e Isureroko bu kari ruaeva ijia e gue buka e biesiriana kuae bu Godire kiaga bu vua fuone abe kuaenoevono kuae. Ijadufuo e gue buka ja afuina karinoevo ijia vua iviaeko kufui bino e gue nijasiake. Ro e ije eranebe bu mauike nuriete vua buone fienoekuva buka vame maeje ijuoneke. Ro vua kufui ije bu nijasiavo ije bu Jesu Kuraesi fu ise nuvuone ijadufuo kurosi ijia baronema ije nijasiavo baki ijadufuo Godi fuka bu kame isekafiake.

2 Fita 2:3

Ro e ije buka buosukua vierafena e biesirianoekinu vua kufui ije e nijasiana moni buone karike. Ro Godi fu isuibe e ijieki ije fu kena isekafiakiro kuaema ije fu naebe totei ro fu uria vierafedo fu reke.

1 Joni 4:1

Kairafa none maegie ja e binobe oenoene biesiriana kiako, Noeje no kavene maeje abevano kiaga jade vua buone fiena ma vierafevo. Ro nine oenoekinu giaga kavene ije fune ma Godido ijare oe buone ijia fijoga ni ijare vua buone fiefo. Ijadufuo maeje e boeje buka kufuimena oenoekinu kiavo, Noeje no ma Godido vua abe oenoevono kiavo.