Jemisi 4:7 - Godido Vua Maeje

⁷ Ijadufuo ni una kuderiana Godido vua ije irinakinu ro irere fu vierafema ijia kenoefo. Ro kuke ka giriesana Setani iraraega fu ja uniana vafo.

Jemisi 4:7 ပူးပေါင်းရင်းမြစ်များ

Matiu 11:29

Na vierafe naka ja samuagiakiro vierafe ijadufuo ni una agane none na samuagiavo ijena maziefo. Ro ni none roga na vame none maeje nijasiafo. Ijadufuo maeje nanaka e oe soegi ro kuke naka kabuaekabuaeki kenoejo. Ja naena maziekuva kavene jone bu dasu karidufuo.

Ekisi 26:19

Ijadufuo Kini Agirifa, na E Ireobo Jesu vua ije fu saove ijia kuariema ije nane irinae.

Ekisi 9:6

Ijadufuo ni urina are Damasikasi ijia vaga e be ijia fino fu irere a redufuo ijene kuarano kumei.

Romeni 10:3

Bu vame maeje Godi fu e karauniamo ije buka naebe gana abei. Rove buka una vame buone bu vierafeva ijene kenoeve. Ijadufuo bu Godido vame maeje fu e karauniamo ije bu naebe abekuae ijafuneve.

Romeni 14:11

Ijadufuo maeje bune isuibe buki akae ijia ijiege isoena kuae, E Ireobo naeje na uria fivo ijadufuo naka ma kuariave. Maza rade e boeje buka nidua none ijia auge sake. Areme bu kieko, Godi aeje aka e boegiebuo E Ireobono kiekono kuae

Ifisiani 4:27

Ro ja naebe ijiege rekuva ije jaka kavene ise Setani are arejavo ijadufuo fu arafiriga jaka ise redufuo.

Ifisiani 5:21

Ro ni izege Kuraesi ja irinana abe E Ireobo kuana nidoevo ijiege una jone irinanamikinu nidoenamifo.

Ifisiani 6:13

Ijadufuo ni urina sinuome irere ja vajae jone samuanamidufuo Godi fu vajiaema ijene kena safo. Ja sinuome ijene kena sakuva ja mazani binobino kavene ise Setani fu jaena bijaekuma jabe fu gana jumeke. Ro jaka uri giriesana fuina bijaena vakuma ka jare uria iraraena Setani asike.

Iburu 12:9

No asoerafa nuvuone bu ume igia no maduona uguare kuaruovo ije noka bu mukoreigia aguariavo. Ijadufuo noka vame besu ijiege Asoe nuvuone fu kavene nuvuone samuagiamo ije mukoreigia aguaekinu ume igia karinoeke.

1 Fita 2:13

Ro erafano janika e mamekanu ije bu ume igia e gue samuagiavo ije vua bu kuariavo ije iriniafo. Ijadufuo maeje E Ireobo fu vierafega jaka ijiege renoedufuo. Ro kuke janika e Kini ije fu e mamekanu boeje samuagiamo ijiakina e mamekanu ije fu kena uniaema ije iriniafo. Ijadufuo maeje Godi fu vierafe fu bu ke uniaekina bure e ije eranebe ire ise renoejo ije kena isekafiake. Ro eranebe bu ma renoejo ije bu ke aroriadufuo.

1 Fita 5:6

Ijadufuo janika Godi anuigi ka e daroki ije fu maza boeje ja ifejiakinu samuagiamo ijadufuo nidua ijia kabuaekabuaeki oenoefo. Ja ijiege renoekina maza ije Godi fu vierafema ijia fu ja kame una e mamekanu reke.