Jemisi 4:5 - Godido Vua Maeje

⁵ Ro Godido vua bu isuibe isoeva ijia fu ijiege kuae, Kavene ije Godi fu kena no vajuema ije buka vame ise binobino uruke vierafevo. Ro ije bu kuaeva ije buka ma kuae ro bu kufuimeva baki.

Jemisi 4:5 ပူးပေါင်းရင်းမြစ်များ

Iko Zinume 26:14

Ijadufuo maeje fuka mave-kiro kau ma uruvana sae ro kuke e fuone imevo ije buka ma uruvana. Ijadufuo e Firisitaeniko bu ijene gavo buka naebe oemare ijadufuo buka oe isema fu vierafevo.

Iko Zinume 30:1

Ro Resero fu Jekafudo ame bino fu naebe nafe vajae ijadufuo fu uvia fuone ije oe isema vierafena fu ziegafae. Fu ijiege rena uri baru fuone Jekafu kua, A iviama nosiki naega na ame bino nafene ro a bakikuma naka baronekono kuae.

Iko Zinume 37:11

Ijadufuo bofari ije buka uri Josofu oe isema vierafe rove asoe fuone ije fuka uria naka ije Josofu fu naema ije fu irerefuo naema fu ijene ireobo oenoekinu vierafenoe.

Iko Zinume 38:9

Rove e Onane fu vierafero ame ije fu nafekuma bu ma fuone rekuva bakiro fu ijiege vierafe. Ijadufuo maza ije fu kavuare fuone ijiaki naema ije safine fuone ije fu areko fu makave ari. Fu ijiege rekina fube uvia fuone Erido ame tuanakiro fu ijiege rei.

Iko Zinume 6:5

Maza ijia e boeje aesakae igia oenoevo ije buka maza boeje vame ise ijiaru renoevo. Ro kuke bu maza boeje ise renoejo ijadufuo nigofo buone fune ise ijare irarae. E ije Godi fu amaeriana aesakae igia uniaema ijiebe ijiege revo ijadufuo E Ireobo fu ijene giamo fuka ireobo oefiae.

Iko Zinume 8:21

Noa fu zinone ijiege ifaejemoga E Ireobo fu zinone udi mukore ije fiemo fuka oemae. Ijadufuo fu fue kuae, Na vierafega ema bu katiki ijia vakuma e mamekanu revo ije buka ire ise boeje rekuae vierafenoedufuo. Rove nabe una aesakae ige vafuke. Ro nabe izege na ire binobino ni uria karivo ige na ke arafiriaeva ijiege rade una kuke arafiriake.

Nabasi 11:29

Fu ijiege kuaramoga Mosisi fu una gue kuae, A vua ije a kuaemo a e gure bu i none na mevo ije abekuvejo a ijadufuo ziena kuaeme? Na vierafe E Ireobo ije fuka e fuone boeje Kavene fuone ije uniaejiakina buka uri Godido vua ije dabe darokuma kuaenoekiro naka ijE Ireobo vierafe.

Nabasi 23:19

Godi fuje fu ema bakido fube vua kufuimeke. Ro kuke fu emabuo fari baki ijadufuo vua irere fu rekiro kuaemo ije fu aremo bakiro fuka reko fu riaremo.

Joni 10:35

Ro vua ije no vierafega fuka ma fu izege furikuma baki. Ijadufuo Godi fu e ije ja vua fuone maeje fievo ije fu kia, Jaeje ja godino kiae.

Joni 19:37

Ro kuke buki kafare be ijia bu isoeva fu kuae, E ije bu ikene ijia bijaeva ije e uruvana bu gakono kuaeva ijiakuma riarei.

Joni 7:42

Ro Godido buki akae ije bu isuibe isoeva ijia fu kuae, E Ije Godi fu kua fu ruadufuo ije fu e Devidido uifari ijia ruakono kuae. Ro kuke E Ije bu are Betirieme e Devidi fu fino ijia bietekono kuae.

Ekisi 7:9

Ro ame gaegi ije bu iviene buone e Josofu ije oe isema vierafei. Ijadufuo bu uri fu dabe e Ijifitiko ijiebuo fuaevejoga fu uri buefuo imei. Ro maza ije Josofu fu imenoema ijia fuka irufui uruvana bino bino biediae rove Godi fuka fu mukoreigia samuakinu irufui fuone dasumae. Areme Kini Fero fu Josofudo vame mukore fu kenoeno ije gana kuamo fu e ireobo rena aesakae Ijifiti samuakinu ire boeje Kini ijadufuo are ije naovo ije samuagiae.

Romeni 1:29

Bu ijiege revo ijadufuo nigofo buone buka ire ise boeje renoekuae vierafei. Bu ire ise e kairafa ijiebuo sinuome giana oetuakinu ro vajae surive ijadufuo ire ise ije ireobo vierafevo. Ro kuke bu e bino be ire gue revone buka giana mauike buesina kuaekinu ro e kaniavo. Ro buka e gue ziegafiakinu vua kufui kuaekinu ire ka ma ise ije renoekuae vierafevo. Ro kuke bu kairafa buone ijene madiakinuro Godi buka ijuonevo. Ro kuke buka kairafa gue kiavo jaeje jaka ise renoevono kiakinu buka aroekarana ive buone kame ajiavo. Ro maza boeje buka ire ise iviaeko bino rekuae vierafekinuro orafa buone iriniavo baki. Ro vierafe buone fuka ma ise ijiaru ro kuke bu Godido akae boeje buka ma vierafena ijia kenoevo baki. Ro bu kairafa buone bu mukoreigia oetuakinu ro kuke giana buone oefiane abevo baki.

Romeni 9:17

Ro Godi fu isuibe buki akae bu isoeva ijia fu kini Fero aesakae Ijifiti samuamo ije ijiege kuae, Na a kuaga a kini rekina na daro none ije a nijasiaga e boeje bu ijia gana vierafero naeje naka e darokiro bu ijiege vierafeke. Na ijiege rega e boeje ume igia kariva ije bu ive none dabe kuaenoekinu na aroriekono kuae.

1 Koriniti 6:19

Ro e besubesu vajae surive jone ije fuka ma akae. Ijadufuo maeje fu Kavene Akae ije Godi fu vajiaema ije fu ijia fino. Ijadufuo vajae surive jone ije bu sinuome jone baki. Ijadufuo maeje Godi fu Kuraesi kuamo fu nuvuefuo kurosi ijia baronena ise ije no renoevo ijia fuaevena karaunue. Ijadufuo vajae jone ije kena una irere Godi fu oemaedufuo ijiaru renoefo.

2 Koriniti 6:16

Ro kuke Godido are bu baname isoevo ije bu kuke are besu ijia godi kufui ije baname isoevo baki. Ijadufuo maeje Godi fu oe nuvuone ijia fino ijadufuo oe nuvuone buka are akae fuone. Ijadufuo maeje bune isuibe Godido buki akae ijia ijiege isoena kuae, Na e none ijena finoekinu ro buina oenoeke. Ro kuke na Godi buone rekega bu e none rekono kuae.

Garesiani 3:8

Ro Godido buki ijia bu ijiege isoena kuae, Godi fu e Jiusi baki ije buone izege bu fu ma vierafevo ijia giana kaenamiaga bu nidua fuone ijia maturaekono kuae. Ijadufuo Godi fu ude e Eburame kuarana kua, Are na ma vierafema ijadufuo na one duvado ijia e boeje ume igia karinoeva ije marejiakono kuae.

Taetasi 3:3

Ude no naebe oe kuderiaeva ijia Godido vua maeje noka naebe mukoreigia vierafeva ijadufuo no ise renoe. No ijiege renoekinu Godi naebe irinae ro noka irere vajaema nuvuone fu vierafemo ijiaru kenoe. Ijadufuo vajaema nuvuone buneka ise ijare uti faradue. Ro kuke noka vua ise bino e guebuo kuaekinu e guebuo ire bino kekuae vierafei. Ro e bino bu no guovone buka defarudiame ro nodua bu giavone noka defaruduome.