Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jemisi 2:5 - Godido Vua Maeje

5 Ijadufuo uviarafano na oetuavo igie, vua ige mukoreigia fiefo. E boeje sinuome baki ije fune Godire umui tuae. Ijadufuo bu ma vierafena una agane fuone rega fu vame ma karivako ije fu e ije bu fu oetuavo ije miako kuaema ije abe miake.

အခန်းကိုကြည့်ပါ။ ကော်ပီ




Jemisi 2:5
54 ပူးပေါင်းရင်းမြစ်များ  

Ro ni kua e ije bu ni kuzeva ije bune una ni nafaekinu ro e aekirariaeva ije bune una uri oenoeve. Ro e ije bu adame reforasi abeva ije bune una madiakoke e ada bijuki ije bune una vua fievono kuafo. Ro kuke kua e ije bu oeva ije bune una urikoke e iseki ije bune Godido vua maeje fieve.


Areme E Ireobo nare una e maturaeva ije umui maeneke none ijia kariva ije kiake, Jaeje fune Asoe none ijare daro miae. Ijadufuo ni ro are maeje sanaema Godi fu iko zinume fu aesakae ro saove ige naebe amaerima ijia fu joefuo amaerijiaema ije abena karino kiake.


Jesu fu vua nijasiana kiae, Erarebe bu Godido vierafe ijia kenoekuvega buka naebe manivo ije buka oemaredufuo. Ijadufuo maeje bu e ijieki ijiebe e ije Godi fu oe buone ijia samuagiamo ijena mazieke.


Jesu fu ijiege kuariama areme fune una kuke e boeje kumenoga bu ijia afui. Areme fu urina kiae, E boeje na ige kuariako ni mukoreigia fiefo.


Areme Jesu fu uri vua fuone kuaria furikiro kiae, Vame besu ijiege e buka sinuome zaraena karike. Rove bu naebe Godi ma vierafekuva e ijieki ije bu Godido nidua ijia buka e sinuome baki igekino kiae.


Jesu fu ijiege kuaria areme kiae, E sibaneke gure ja vua none ige fievo ije jade jumevo. Ijadufuo maeje Asoe jone ije fu ja kiaga jare ire fuone boeje fu samuagiamo ije gue samuagiadufuo.


Fu ijiege revakuma maza be e sinuome baki ije fune baronemoga anera ijiebe mesiri ajia Godido are maeje Eburame fu fino ijia nujae. Areme rade e sinuome zaraema ije fudua fune baronemoga bu abena mako rui.


Rove Eburame fu una gue kumei, farikinodoe ni vierafe one a uria ume gamia finoema ijia a ire maeje boeje ane kei. Ro e ige Rasarasi fuka ire ise ijene kei. Ijadufuo ni ijia fina vajae fiane abekiro fuje fu igia oemarekinu fine.


Ijadufuo Asoe none fu na kiega na E Ireobo rena e boeje samuagiavo ijiege na ja kiavono ni jadua ijiege e samuagiafo.


Ijiege rena Jesu fune uri e vua fuone fievo ije giakinu kiae, E sinuome baki ije janika Godido oemarefo. Ijadufuo maeje Godire ja kega ja una e ije fu oe buone ijia samuagiamo ijena mazieke.


Rove igia fie, no e Feresi igiakiro e mamekanu ije gue nono fu ma vierafevo baki.


Fu ijiege kuamoga Sitivini fu una kiae, Uviarafa ro asoerafa none gurie, jame igia fiefo. Godi e ije ka sanaema ije fu isuibe asae nuvuone Eburame fu naebe sakae Mesofotamia arena Erani vaema ijia bie. Fu biena kuae, Ni are one igiakina e agane one ije arena uri are be na nijasakuvejo ijia vano kuae.


Noeje no Godido anafa ijadufuo maza rade Godi fu ire maeje fu kena anafa fuone naejiaema ije gue fu kena no vajuoke. Ro ude noka urina Jesu Kuraesi fu isejavaema no ijiege isejavaekuva Godi fu ire maeje fu kena Jesu Kuraesi naejaema ije gue fu kena no vajuoke. Ro kuke no fuone sanaema ije akaegue abedufuo.


Ro vua ige na kuariavo ije vua besu ije bune isuibe Godido buki akae ijia ijiege isoena kuae, Ire ije Godi fu e ije bu fu oetuavo ijiebuo fu kanafuijiaema ije fu erare ni fuone ijia giaema baki. Ro kuke fu erare ire ije fu remo ije fiekinuro giana vierafemo bakino kuae.


Ro kuke ire boeje no rena vajae fiane abevo ije noka joefuo reve. No ijiege rekina Godi fu fuone izege fu e ma rejiamo ijia fu e uruvana ifejiaga bu oe kuderiana una e fuone reke. Bu ijiege rekinu ro una fuone baname isoena aroekinu oemaredufuo.


Ro maza boeje noka vajae fiane uruvana biediana isejavaeve rove noka uria oemarekinu oenoeve. Ro kuke noeje no e sinuome baki rove no e uruvana none kaenamiana una Godido vame iviaeko ijia uniave. Ro kuke noka ma ire bino baki rove no Kavene Akae ijadufuo sinuome ijia noneka ma zaraeve.


Ja E Ireobo nuvuone Jesu Kuraesi fu izege ja ma rejiamo ije jane vierafei. Ro kuke fuje fu Godido are ije sanaema ijia fuka ire boeje zarae. Rove fu ijia arena una nuvuefuo ume igia arina e sinuome baki rema ije jane vierafei. Jesu Kuraesi fu vierafero fu ijiege rekina ja una Godido e rena vame fuone maeje abekiro fu ijadufuo ijiege rei.


Ro kuke na joefuo baname isoega Kavene Akae fu nigofo jone samadirejiaga ja rade Godi ire maeje fu jone redufuo ije mukoe vierafenoedufuo. Ro kuke fu ifejaga ja Godi izege fu rade ire maeje sanaema fu saove ijia naema fu vekinu vajuodufuo ije giana vierafeke.


Ro Godido e boeje ijiebuo nidore ijia naeje na vierafega naka e anuigi baki. Rove Godi fuka na marejiena kiemoga na Jesu Kuraesido ire ka mukore fu e fuone ijiebuo kanafuima na ijene dabe e Jiusi baki ije kuariae.


Noka ja kikekimiakinu ifejiana kiae, Ni vame maeje Godi fu oemaedufuo ijia karino kiae. Ro jane vierafe Godi ijare ja kena uniaema ijadufuo ja una e ije Godi fu oe buone ije samuagiamo ijena maziekina ja fuina fuone sanaema ijia karikono kiae.


No ije ja isejavaevo ije giana vierafega Godi fune ma ijadufuo maza rade no kama mazie guoke. Ijadufuo maeje Godi fune vame izege ja isejavaevo ijia giana vame jone kanafuime. Ijadufuo jaeje jane manido ja e ije Godi fu oe buone ije samuagiamo ijena maziedufuo.


Ro kuke kiaga bu vame maeje ka uruvana renoekinu ro e vajuki rena maza boeje e ifejiakuae ijafunenoedufuo.


Ro Godi fu maza boeje ire ise boeje binobino none ruovo ijia kenujiemo. Ijadufuo na vierafe fu mesiriena are saove ije fu samuamo ijia vake. Ro na maza boeje baname isoega e boeje are irore igia oenoeva ije bu fu dabe aroeke. Mare.


Ro ije na giriesana mukoe difuri ruaeva ijadufuo maeje ire ma be fune na samuagie name. Ijadufuo na vierafe E Ireobo maturaema ije fu rade ise nuvuone mazie guodufuo ije fu vame maeje sanaema ma karivako ije abena mieke. Ro fu na nosukua miekuma baki ro fu kuke ire gue kena e ije bu oe buone ijiakuma E Ireobo fu una ruadufuo ije samuavo ije vajiake.


Fu vierafe fuka Kuraesi e ije Godi fu kuaga fu ruakono kuaeva ijadufuo isejavaeke. Fu ijiege isejavaekina fu rade ijadufuo maeje fu gakiro fu ije vierafe. Ro una are Ijifiti ijia ire maeje binobino fu samuadufuo ije fu anuigi bakiro fu ije vierafe.


Ro erare fu ire irufui bino bu fuone ruoga fu naebe mamoemo e ije iviama nika oemarekinu oenoene. Ijadufuo maeje ire ije bume fu biesiri rove fu uria giriesana ma vierafekinu oenoe. Ijadufuo rade Godi fu e ijieki ije bu fu mukore oetuamo ije kiaga bu vame ma karivako ije fu miako kiaema ije abeke.


Ijadufuo erafano jade vierafero ire ise ije bu Godire kiaga bu ruovoro ijiege vierafevo.


Ro uviarafano vua ige mukoreigia fiefo. E boeje ja oenoene e bu vua kuaevo ije nika migegire fiefo. Ro jade una migegire gue kuariakinu ro zievo.


Godi fu e ije erare sinuome naebe zaraema ije ifejana ire bino vajakinu abe aroekuma e ije nika oemarene. Ro Godi fu e ije sinuome zaraema ijadufuo sinuome ije una kekuma e ije nika oemarene. Ijadufuo maeje e ije sinuome zaraema ije fu ire kusare ije fu irasenaro rade fu maza kanaga fu una saeremo ijieki. Fu maza aokube ijia sinuome ije ke nana fivakuma ro fu baronemo ijia sinuome fuone ije fune ijia arena vake.


Ijadufuo maeje no vierafe maza be no Godi ire ma bino fu kavene nuvuone ijiebuo kave gufia naema no ije keke. Ro ire ije bu izege burae ro isere ro bakiredufuo baki.


Ro na irufui jone ije nane vierafei ro na vierafega ja ume igadufuo sinuome ije jaka baki. Rove ja una kavene ijadufuo sinuome ijia jaka uruvana zarae. Ro na e ije bu kuae bu e Jiusino kuaevo ijiebe vua ise bino joesina kuaevo ije nane fiena vierafei. Bu e ijiebe Jesu ijuonena una Setanido e rei.


Ro erare fu mukoreigia Setanido vame ise fu biesirimo ijia naebe mamoe ro fu giriesana akariamo ije ire maeje na fu madufuo ijeja na Godi fuone reke fuje fu fari none reke.


Ijadufuo na kiavono ni moni jone ije aregaro ro gorodi maeje zine iramo ije none karifo. Ro gorodi ije fuka mukore bu abe miane ijia ifaejena kadure keseva ijene fuaekina ja sinuome zaraefo. Ro kuke jaka detaba jaevekinu oenoevo ijadufuo ro ugone abaekiraema ije none fuaevena vajae jone ije okuriafo. Ro muramura fuaevena ni jone ijumiju fu madiaga ja una nafaena rerefo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ