Jemisi 1:5 - Godido Vua Maeje

⁵ Ro eranebe bu uria totenamikinu kenoevo ije nika baname isoena Godi kuaga fu ifejiaga ja ma vierafena kenoeke. Ijadufuo maeje Godi fu e ziegafiamo baki ro fuka e boeje oetuakinu ifejiamo.

Jemisi 1:5 ပူးပေါင်းရင်းမြစ်များ

Una Kaenamiae 31:6

Ro kuke na e Denido agane guove ijia e Aisimasido fari e Oriabi daro mana kuaedo fu e Bezareroki besu imenoeke. Ro kuke na e bino duaku daro ma ireobo miaedo bure ire binobino mukoreigia amaeriadufuo. Ijadufuo bure irere boeje bu amaeriadufuo na kiaeva ijene amaeriake.

Matiu 11:20

Ijadufuo Jesu fu ve ijia urina sidove bino fu ude oenoekinu vame sumiki boeje e ijiebuo nidua ijia renoema ijene kame isekafiakiro buesina kuae. Ijadufuo maeje e ijia kariva ije bu ire ise bu revo ije bu naebe arena una oe kuderiana fu ma vierafei.

Maki 16:14

Areme rade e ireveni (11) vua fuone fievo ije bu karina ire ivo ijia Jesu fu ijia ruae. Fu ijia kekena vua kuriaekuriaeki kuariana madiae. Ijadufuo maeje funeka maza boeje izege fu barone areme una uridufuo ije fune kuariae rove vua fuone buka naebe ma vierafei. Ro kuke bu e ije bu fu urimo bu biena ro kuariaeva ije buka naebe ma vierafeva ijadufuo fu kuriaekuriaeki kuariae.

Joni 14:13

Ro ja ire binofuo ive none ijia kiekuva naka ifejiake. Na ijiege ifejiaga e bu ijia giana una Asoe none dabe aroeke.

Joni 15:7

Ro ja maza boeje naena karinoekinu ro vua none ije iriniakuva ja ire bino vierafena Godi kuakuva fuka ifejiake.

Joni 4:10

Ro Jesu fu una kuae, A irere Godi fu vajamo ijiakiro e ige erare igia fina a dofuo kuamo ije mukoe giana vierafemobitie a kuaga fure do maeje e bu ina ma karivako ije jiana makono kuae.

2 Koriniti 2:16

Ro ire udi ije bu e ije Godi naebe ma vierafevo ijiebe fievone buka e muture igege fieve. Ro una e ije bu Godi ma vierafevo ijiebe fievo ije buka e uria karivo ijiebuo udi igege fieve. Ijadufuo vua ige na kuariavo ije erare fu manido fu Godido vua ige fu udi mukore igege urimo ije abena e boeje nijasiadufuo?

Jemisi 1:17

Ijadufuo maeje ire boeje Godi fu vajuomo ije buka ma ijiaru. Ro ire maeje boeje fuka e ije saove gufe sanaema ije amaerima ijare kena no vajuome. Fu maza boeje fuka ijiege remo ro fu no ijuegafuona vakoke no titutema ijia karinoevo baki.

Jemisi 3:17

Ro vua maeje saove gufia ruomo ije fuka vua mukore. Ijadufuo vua ije fu no nijasuoga no kairafa nuvuone vierafekinu mauike kabuaekabuaeki oenoeke. Ro kuke ise nuvuone ganamina arekinu ro ifejanamina vua ma ijiaru nijaenamike. Ro no vua kuaenoekuva nobe kairafa nuvuone guebuo ise ije gia kuaenoejo. Ro kuke nobe itire nuvuone ijia vua ma ije kuaekinu ro una vame ise ije renoeke.

Jemisi 5:16

Ro ni ise jone ja renoejo ije kairafa guena kuariakinu kairafa jone ijiebuo baname isoefo. Ja ijiege renoga Godi fu ifejiaga adame jone fu madiadufuo. Ro e ije fuka oe maturaema ijadufuo baname fu isoemo ije fuka ma darokido fu ire ma bino reke.

1 Joni 3:22

Godi fu irere no kuavo ije fuka vajuomo. Ijadufuo maeje no vua fuone ije noka mukoreigia iriniana ire ije fu oemaemo ijia renoeve.