Jemisi 1:3 - Godido Vua Maeje

³ Ijadufuo maeje ire ise ije buka jone ruake rove jone ja ma vierafevo ijare ifejiakuma ja giriesana oenoeke.

Jemisi 1:3 ပူးပေါင်းရင်းမြစ်များ

Ruki 21:19

Ijadufuo nika kojo giriesaekina Godi fu karauniaga ja rade vame ma karivako ije abeno kiae.

Romeni 15:4

Ro vua boeje bu isuibe buki akae ijia isoeva ije bu no nijasuokuae isoe ijadufuo no vua ije dana vierafeke. No vua ije ma vierafekuva vua ijiebe no ifejuo ro ejafuoga nobe mamoeke. Ro noka giriesana uri ma vierafero Godi fu maza rade ire ma bino nuvuone rejuokiro no ijiege vierafekinu zinune ke vake.

Romeni 2:7

Ijadufuo e gue bu vierafe buka maza boeje mimatana vame maeje ijiaru kenoekuae vierafei. Bu vierafe buka kairafa buone ro e binobino ije ifejiaga Godi fu bu aroriana nidosiakiro bu ije vierafei. E ije ijiege kenoejo ije Godi fu buone oemaremo ijadufuo fu kiaga bu maza rade ma karivake.

Romeni 8:25

Ro no ire bino no ni nuvuone ijia giavo baki ije ma vierafena samuakuva ije noka sone oe vafaena samua karike.

Romeni 8:28

No vierafega e ije bu Godi oetuavo fu ke uniaema ije buka maza binobino ire ise ro ma ije biediavo. Rove Godi fu ire ije bu biediavo ije fu kena una vame maeje buefuo reme.

2 Koriniti 4:17

Ro iviama ige no isejavaena vajae fiane abevo ije fume maza aokube ijiaru. Ro bune vajae fiane ijiebe ifejuoga no Godido are sanaema ijia maza boeje karivadufuo. Fu are ije sanaema mukore ijare vajae fiane ige no iviama abevo ije fuka ma asi.

Korosiani 1:11

Ro no Godi baname isoega fu daro fuone ka ma ireobo ije miaga ja irufui bino bu jone ruovo ijia ka uria giriesana kabuaekabuaeki kenoeke. Ro kuke maza boeje jaka oe jone ijia Asoe nuvuone oemarejanoeke. Ijadufuo maeje fure ja karauniae ijadufuo jane manido ja rade ire ije fu are fuone sanaema ijia kanafui naema ije gue kedufuo.

2 Tesaroniasi 1:4

Ijadufuo no Godido are bino bu afuivo ijia aru vako ije noka joefuo aroekarakinu ive jone kama ajiave. No vame izege e bu ja kame ise binobino jone reko jaka isejavaeve rove ja uria faememarena giriesa ma vierafevo no ijene dabe e kuariave.

2 Tesaroniasi 3:5

Ro kuke no baname isoega E Ireobo fu vame jone amaeriga ja maza boeje ijuoebaki fuefuo imenoeke. Ro fure ifejiaga ja izege Godi fu ja oetuamo ije gakinu karivake.

Iburu 10:36

Ijadufuo janika oe vafaena mumaza Godi ma vierafefo. Ja ijiege Godi irere fu vierafema ije renoekuva ja ire ije Godi fu kiaema ije kedufuo.

Iburu 12:1

Ro e boeje na kuariaeva ije bu ma vierafeva na ijene kuariae. Ro iviama e ije buka karina no veraduove. Ijadufuo roga no ire boeje bu vame nuvuone ije iraraevo ijene kame garege korefo. Roga no ire ise ije bu no faradueva ije kame garege kore areme uri giriesana Jesudo vame ijia difurisaefo.

Iburu 6:12

Ro ja mamoena ijuonekuva no vierafe fuka naebe mare ijadufuo jade arevo. Ro janika e ije bu ma vierafe areme oe vafaena kenoeva ijiege buenina kenoekina ja Godi irere fu vajiako kiaema ije kedufuo.

1 Fita 1:7

Ijadufuo maeje ire ije bume oe jone ije ja izege ma vierafevo ijene biesiriana giave. Ro igia fie, ire gorodi ije fuka ire mukore rove buka abena miane ijia ifaejena kadure bu kari koregaro maeje bu kevo. Ro ire gorodi ije fu ire anuigi rove rade fuka bakireke. Ro jone ja ma vierafevo ije fuka ma ire anuigi be ijadufuo bu abena ijiege biesiriana gake. Ijadufuo maeje bu ijiege rega jone ja ma vierafevo ije fu ijia navake. Ro rade maza ije Jesu fu una ruomo ijia jone ja ma vierafevo ije fu uria gikikimanakuma Godi fuka ja kame aroriana nidosiake.