Jemisi 1:1 - Godido Vua Maeje

¹ Fasi ige e Jemisi nare isoena Godido e boeje ja aesakae igia giegisa karinoeva ije nijiana anadiave. Ro naeje na Godikiro E Ireobo Jesu Kuraesi ijiebuo imenoevo.

Jemisi 1:1 ပူးပေါင်းရင်းမြစ်များ

Una Kaenamiae 24:4

Areme Mosisi fune urina vua boeje E Ireobo fu kuaraema ijene isoe. Areme fune suoke mugamia urina e Isureroko ijiebuo agane tuero ije vierafekinu mune mamekanu uruvana karina zinume tuero (12) ijiege uruo zinume ijia akoena ajiae.

Una Kaenamiae 28:21

Ro mune tuero (12) ije ja kena ugone ijia bijia kiriavo ijiebuo vajae ijia ni Jekafudo anafa tuero ijiebuo ive ijene ijia isoefo. Ja ijiege isoekina ja oenoekinu ijia giana una e Isureroko ijiebuo agane tuero ijene vierafenoedufuo.

Matiu 13:55

Bu ijiege kuaekinu kuaevo, E ije fu Josofu e are samo ijiakiro bara fuone Meri e ije none giana vierafeva ijiebuo fari. Ro kuke fu e Jemisikina Josofu ro e Saemonikiro Judasi ijiebuo uvia.

Matiu 19:28

Bu ijiege kuaravoga Jesu fu una kiae, Vua ige na ma kuariave. Maza ije ire boeje bu una iviaeko revo ijia Ema ijiebuo Fari ige na fata none maeje sanaema ijia ajia fike. Ro e ije erarebe ja na nuvedievo ije jadua ja fata maeje tuero kena karike. Ja fata ijia karina e Isureroko agane tuero ijiebuo ise ije kena mazie giake.

Maki 3:18

Ro e gue ijeja e Adurukina Firifi ro e Batoromiukina e Matiu ijene. Ro bino ije e Tomasikina Jemisi e Afiasedo fari ijene. Ro bino ije e Tadiasikina Saemoni e ije fu e mamekanu ijena vua gikikimana kuaemo ijene. Ro kuke e Judasi Isikarioti e ije fu rade Jesu abe e ani miamo bu kanaeva ijene kei.

Ruki 22:30

Ja ijiege rekina rade ja naena are ije Asoe none fu samuamo ijia fata maeje kena karike. Ja ijia karina irekiro do ikinu e mamekanu rena e Isureroko ijiebuo agane tuero ije samuagiano kiae.

Ruki 6:15

Areme fune kuke e Metiukina Tomasi ro Jemisi e Arufiasido fari ijiakina Saemoni (e ije fu ire binobino rekiro ijuonemo baki ijene).

Joni 12:26

Ro e be erare fu noefuo imekiro vierafekuma nika uri na kenoevo makae none ijia nuvediefo. Ro e ije noefuo imenoevo ije bu are iziebureki na fivo bu naena ijia karike. Ro kuke erarebe bu noefuo imenoevo ije Asoe none fuka bu kame aroriakono kiae.

Joni 7:35

Rove e Jiusi ije bu vua ije fiena una bue kuaevo, E ije fu izia vakuveno ijadufuo fu vakuma nobe gake? Fubite fu uri e Gurikibuo sidove ije e Jiusi bu kariva ijia E Guriki ije vua nijasiake vake?

Ekisi 1:13

Bune va Jerusareme usiaena gire be bu karijo ijia ajia vae. Ro e ijia vaeva ije Fitakina Jonikina Jemisi ro Edurukiro Firifi ro Tomasi ijene. Ro kuke e Batoromiukiro Matiu ro e Afiasedo fari Jemisi. Ro Saemoni e ije e mamekanu ijena madinamimo ijiakiro Jemisido fari e Judasi ijiebe ijia vae.

Ekisi 12:17

Areme fune uri umui ijia e ije vafiamo bu mauike karikoga fu uri izege E Ireobo ije fu mesirina dibure ije arena keke ruaema ije kuariae. Areme fu kiae, Ni vua ije va e Jemisikiro e Jesu ma vierafevo ije kuariano kiana fune bu uniana una ae be vae.

Ekisi 15:13

Bu kuariama furikoga Jemisi fu urina kiae, Uviarafano, vua none ige fiefo. E Saemoni fune ude urina Godi izege fu e Jiusi baki ije nidosiana e gue kaenamiamo bu una e fuone reva ije fune kuariae.

Ekisi 15:21

Ro igia fie, Mosisido akae ije bu dabe juaevasia uruvana sidove binobino ijia kuariavo ije none vierafei. Ro kuke akae ije bu dabe maza ije mauike karivo ijia e Jiusi ijiebuo are bu afuina vua kuaevo ijia davo ije none vierafei. Ijadufuo nome akae sibaneke ijiaru kuariana nijasiaga bu vierafekono kiae.

Ekisi 15:23

Areme bune uri fasi ijiege isoena miae. Fasi ige no isoena E Afasero ijiakiro e sosi ijiebuo e mamekanu ije ja nijiave. Noeje no jaena besu Jesu Kuraesi ma vierafevo. Ijadufuo nore fasi ige isoena e Jiusi baki ije ja sidove Enitiokikiro sakae Siria ro Sirisia ijia karina Godi ma vierafevo ije nijiana anadiave.

Ekisi 2:5

Ro e Jiusi Godi ma vierafevo bu are irore ijia ruaeva ije bu Jerusareme ijia kari.

Ekisi 21:18

Areme nituame Foru fune noena e Jemisi gakuae vae ro maza ije e sosi ijiebuo e mamekanu ije bu ijia besu afuina kari.

Ekisi 23:26

Fasi ige na e Korodiasi Raesiasi nare isoena e ireobo Firikisi ije a nijana anadave.

Ekisi 26:7

Ijadufuo e agane nuvuone tuero ije bu Godi vua ije fu kuaema ije fiena ma vierafei. Ijadufuo bu mumaza Godi baname isoekinu vua ije fu kuariaema ije samuavo. Ijadufuo Kini Agirifa nadua na vua besu ije e Jiusi bu ma vierafevo na ije ma vierafevo. Rove e Jiusi ije buka una vua binobino noesina kuaekinu na dabe koto renoeve.

Ekisi 8:1

E ije bu Sitivini dabe ijiege rekoga e Soru fu ijia giana oemare areme kuae magoeno kuae. Areme e boeje bu maza ijia zinuevena uri e Jesu ma vierafevo Jerusareme sosi ijia afuivo ije kame vame ma ise ijia arafiriavo buka isejavae. Ijadufuo e boeje bune dabe giegisana uri sakae Judiakiro Sameria ijia karija vae. Bu ijiege vakoga e Afasero ije bu buosukua Jerusareme ijia kari.

Romeni 1:1

Erafano, fasi ige e Foru nare isoena e boeje ja are Romu guove ijia kariva ije ja nijiana anadiave. Naeje na e be Jesu Kuraesido i menoevo ro fune Godire na umui datei. Ijadufuo nare e Afasero fuone rena e boeje vua fuone maeje abe kuarianoeve.

Garesiani 1:19

Ro e Afasero Godido imejo gue na naebe biedia ro name e Jemisi Jesudo uvia ije fuosukua gae.

Garesiani 2:12

Ijadufuo maeje fu ude e Jiusi baki ijena ire inoe rove rade Jemisi fu e Jiusi gue kiamo bu rovoga fu naebe una buina ire i. Ro e ije ruaeva ije bu e Jiusi baki ije vajae buone kaniaufuna nuga naejiavo ijiebe ruae. Ijadufuo Fita fu vierafero bure una va irere fu rema ije e mamekanu kuariakiro fu ije jumei. Ijadufuo fu naebe una e Jiusi baki ijena ire i.

Garesiani 2:9

Ro e mamekanu Fitakina Jemisi ro Joni ije bu e Jiusi ijiebuo sosi ijadufuo tugie ijieki. Ijadufuo e ijiebe izege Godi fu na marejiema na ije kuriavo bu fiega fu ma. Ijadufuo bu no Banabasiki oemarejuokinu umui ruijue. Ijadufuo no uri Godido vua maeje abe e Jiusi baki ije kuariake. Ro buje bu uri e Jiusi ijiebuo vakuae no ijiege besu buina kuaena abe marei.

Firifiani 1:1

Na Foru nare ro Timoti e ije no Jesu Kuraesido imenoejo nore fasi ige isoe. No isoena Godido e ije ja sidove Firifae ijia karina Jesu Kuraesi ma vierafevo ijiakina e mamekanu jone ijiakina e ije bu e gue ifejiavo ije ja nijiave.

2 Timoti 4:21

Ro Timoti ve ije fuka ireobo dakuveno ijadufuo ni migegire ruake fu rade dane. Ro e Iuburusikina Fudenisi ro Rinasikina Kurodiakiro e Godi ma vierafevo are igia karijo ije bu a anadae.

Taetasi 1:1

Taetasi fasi ige Foru nare isoena a nijave. Na Godido imenoekinu ro Jesu Kuraesido vua abe nijasianoevo ijadufuo bu na Afaserono kievo. Ro naeje fune Godire umui datema ijadufuo na e ije fu kumema ije ifejiave. Na ifejiaga bu una buki akae ijia vua maeje fiekinu ma vierafe areme bu maturaena karivake.

1 Fita 1:1

Na Fita e ije Jesu Kuraesido Afasero rena vua fuone abe oenoevo ije nare fasi ige isoena e ije ja Godi fu iko zinume ijia vierafena ke uniaema ije nijiave. Ja are jone maeje fu saove ijia ro jame ume ijia e binokobuo aesakae Fonetasikina Geresiakina Kafadosiakina Esiakina Bitinia ijia karive.

2 Fita 1:1

Na Saemoni Fita e Afasero ije Jesu Kuraesido imevo ije nare fasi ige isoe. Na isoena e ije ja noena besu ma vierafevo ije nijiave. Ro nuvuone izege no ma vierafevo ije fuka irerebareki. Ma vierafevo ije fu Jesu Kuraesi Godi nuvuone e ka maturaema fu e karauniamo ijare abena mue.

Judi 1:1

Fasi ige e Judi Jemisido uvia na Jesu Kuraesido imevo ije nare isoe. Na isoena e ije Godi fu kemo ja e fuone reva ijene nijiave. Ro e ije ja Godi Asoe nuvuone ijare oetuamo ro kuke Jesu fu ja samuagiamo.

Revaresoni 7:4

Ro na fie bu kuae e ije Godido nuga ije nigofo ijia naeva ije e boeje foteke buka e uvani aderedi foti fo taoseni (144,000) ijiegeno kuae. Ro e nuga ije naeva ije bu e Isureroko ijiebuo agane tuero (12) ijiebuo guove ijia bu nuga ije nae.