Ifisiani 6:4 - Godido Vua Maeje

⁴ Ro asoerafa ije ni igia fiefo. Jade uri anafa jone vua ise bino ro ire ise bino buone rega bu ireobo isediaga bune zievo. Ro nika kuriaerekinu mukoreigia samuagiana uguare maeje kuariaga bu una vame ma ijia Jesu Kuraesi nuvena ma vierafefo.

Ifisiani 6:4 ပူးပေါင်းရင်းမြစ်များ

Iko Zinume 18:19

Nare fu abeva ijadufuo fure rade anafa ro uifari fuone ijene kuriaerena kuariaga bu na irinieke. Bu na iriniena ire ma ijiaru rekinu vame ma ijia kenoeke. E boeje bu ijiege renoekuva naka ire boeje na fuefuo rekiro kuaeva ijene rejakono kuae.

Korosiani 3:21

Ro kuke orafa ije jade maza boeje anafa jone ire gue bu ijuonekinu isema revo ije giana kuaevo. Ja ijiege rekuva bu oe fiadiaga maza boeje bu naebe oemarekinu oenoeke.

2 Timoti 1:5

Na vierafega one izege a ma vierafemo ije fuka asae one Roesikiro asie one Jiunesi bu ma vierafeva ijiege na vierafega adua ane besu ijiege ma vierafeme.

2 Timoti 3:15

Ro a uria ame isekube ijia bune Godido vua bu isuibe isoeva ije nijasae. Ro vua ije bu nijasaeva ije fu manido fu e ije bu Jesu Kuraesi ma vierafevo ije karauniake.

Josua 24:15

Ro ja fu oetuakinu irinadufuo ije ja isediakuva ni ivia samadukua ja era oetuakinu irinadufuo ije kuaefo. Ja vierafe ja asaerafa jone ijiebuo godi kufui ije bu are Mesofotemia do irifo ijia karina buone baname isoeva ije baname isoekuva ni ijiege kuaefo. Ro kuke gaga ja e Amoraetiko ijiebuo godi kufui ije baname isoekuva ni ijiege kuaega na fiefo. Ro naeje na agane none boeje ijena no vierafe no nuvuosukua no uria E Ireobo ije oetuakinu irinakono kiae.