Ifisiani 5:4 - Godido Vua Maeje

⁴ Ro kuke jade uri vua ise ka umigi bino kuaenoekinu ro bara ro barusina kuaekinu e gue kame uti ifaejena kinoevo. Ro maza boeje itire jone ije nika Godi oemarejafo.

Ifisiani 5:4 ပူးပေါင်းရင်းမြစ်များ

Joni 6:23

Ro vanage are Taebiriasiko ije bu ruoma davare irifo are ije Jesu fu e boeje burete vajiamo ijia usiae.

Romeni 1:28

Godi fu giaga e boeje buka naebe vame maeje fu vierafema ijia renoevo. Ijadufuo fu arekoga buka una ire ma ise ijene renoevo.

2 Koriniti 9:15

Ijadufuo ni roga no besu Godi izege fu no marejuona fari fuone abe muema ijadufuo fuone ireobo oemarefo.

Ifisiani 4:29

Ro kuke jade vua jone ja e gue kuariavo ijia vua ise bino kuaekiro nika vua ma ijiaru kuariafo. Ja ijiege rekina e ije bu vua jone fiejiavo ije bu vua ijare ifejiaga bu ijia daro abena una ma vierafeke.

Firifiani 4:6

Ro jade uri irufui bino bu jone ruovo ije uruke vierafekiro nime baname isoena Godi irere ja vierafeva ije kuarafo. Ro ja baname isoekuva ni maza boeje ire maeje fu vajiamo ijadufuo oemarejafo.

Korosiani 3:8

Ijadufuo ni iviama ire ise binobino na kuariakuvejo ije giana akariafo. Ro ire ise ijeja ziena defarure urikinu e gue oe isema vierafenoekinu buesina kuaenoejo ijene. Ro kuke e madiakinu kairafabuo vua ise bino kuaekinu vua kufui kuaevo ijene. Ijadufuo jade vame ise ijieki ijene mimatanoevo. Ijadufuo maeje ja vame ise jone isuiko ije ja renoevo ije jane azo korena toten ruae.

1 Tesaroniasi 3:9

Ro iviama noeje noka joefuo Godido oemareve. Ijadufuo maeje jaka mukoreigia oemarekinu kevo ijadufuo no nidua fuone ijia ireobo oemareve.

1 Tesaroniasi 5:18

Ro kuke jaeje jane Jesu Kuraesido e reva ijadufuo ja maza bino irufui ro vame ma bino biediakuva nika una Godido oemarefo. Ijadufuo maeje Godi fu vierafe jaka ijiege renoedufuo.

Firimoni 1:8

Ro a Godido e boeje oetuamo ijadufuo nana uvia one be na izege a Kuraesido makae ijia nuvenoeno nadua na ijiege renoevo. Ijadufuo na vierafe na manido na kuaga a irere na kuaravo ijene redufuo.

Iburu 13:15

Ijadufuo noka Jesudo duvado ijia maza boeje Godi oemarejake. Ro ije fuka vame mukore be no Godi zinone ifaejavo ijene. No ijiege oemarevo ijia noka kairafa nuvuone ije izege no Godi ma vierafevo ije nijasiake.

2 Fita 2:18

E ije buka aroekaranoekinu vua ka ise ma baki ije kuaenoeve. Bu ijiege renoekinu e ije bu iviama ise buone arena una oe kuderiana Godi ma vierafevo ijene maniaediruve. Bu maniaediruga e ije bu una vame ise isuiko vajaema ije fu oemaedufuo bu renoevo ijia uniave.

2 Fita 2:7

Rove Godi fu Roti e ije vame maeje kenoeno ije fu kenujae. E Roti fuka ireobo oefiae ijadufuo maeje e sidove Sodomekiro Gomora kariva ije buka naebe Godido akae ije nuve ro buka una vame ise boeje binobino renoe.

Judi 1:10

Ro e ije bu vua ije naebe mukoreigia fiena vierafevo ije buka una ve ijadufuo vua ise kuaevo. Ro vame buone bu kevo ije buka fanuve bu naebe ire bino vierafevo ijiege renoevo. Ijadufuo bu vame ijiege renoevo ijia buka vajae buone kame arafirianoeve.

Judi 1:13

Ro ise buone ije buka ire do ije fu firana kadure ro do sabae ije irifo ijia arena vako ijieki. Ro kuke buka ire zuvi ije bu naebe are besu ire ro bume ijia oenoevo igeki. Ro e ijieki ijiebuo are ije ka ma titutema bu maza boeje ijia karivadufuo ije fune Godire buefuo amaerijiae.