Ifisiani 4:32 - Godido Vua Maeje

³² Ro nika kairafa jone ije maza boeje buone oefiane abekinu ma rejiafo. Ro ni izege Godi fu Jesu Kuraesido duvado ijia ise jone giana aremo ijiege jadua una kairafa jone ijiebuo ise ije giana arefo. Ro jade ise ije fune furima ije una vierafenoejo.

Ifisiani 4:32 ပူးပေါင်းရင်းမြစ်များ

Matiu 6:12

Ro ni izege e binobuo ise ije no giana arevo ijiege ni ise nuvuone guona arene.

Maki 11:25

Ro ja Godido baname isoevo ijia ja ire ise bino kairafa jone ijiebuo reva ije vierafekuva ni oe jone ijia totefo. Ja ijiege rekuva Godi Asoe jone saove gufia fino ije fu ise jone ja reva ije fu giana areke.

Ruki 1:78

Ijadufuo maeje Godi nuvuone fuka e ifejiakinu oetuamo. Ijadufuo fu izege mazani fu titutema ijia sanaga titutema fu ira vako ijiege fure e ije bu titutema ijia oekuae kariva ijene vame fuone sanaema ije abena miake. Ro fure vame iviaeko bu kafaena ma karidufuo ije amaerina bu karauniakono kiae.

Ruki 11:4

Ro ni izege no kairafa gue bu nuvuone ise rega ije no giana arevo ijiege ni ise nuvuone guona arene. Ro ade arega no irufui binobino biediavo.

Ruki 17:4

Ro fu maza besu ijia ise uruvana one rekinu ro kuako, Kaino, naka one ise revano giena areno kuakuma nika gana areruno kiae.

Ruki 6:35

Ro e ani jone nika bu mukoreigia oetuakinu ifejiafo. Ro ja ire bino bu vajiakuva jade una ire bino buone kekuae vierafevo. Ja ijiege rekuva Godi fuka una vame mukore bino jone rejiake. Ro kuke ja kukuma ijiege renoekuva ja ma asoe jone saove gufia fino ijadufuo anafa reke.

Ruki 6:37

Jesu fu ijiege kuariama areme kiae, Jade e binobuo ise ije giana kuaevo. Ja ijiege rekuva Godi fube ise jone giana kiake. Ro ja e guebuo ise giana arekuva Godi fudua ise jone fu giana aredufuo.

Ekisi 28:2

Ro e ijia kariva ije buka no mukoreigia ifejue. Ro fuka ve dana iduane urimo ijadufuo bune uri miane ifaejema areme kuovo no ijia iruana kari.

Romeni 12:10

Ro jaeje jane Godina agane besu reva ijadufuo nika mukoreigia jone oetuanamifo. Ro kuke nika izege ja kairafa jone mukoreigia aguariadufuo ije abe ireobo vierafenoefo.

1 Koriniti 13:4

Ro iviama ige na una izege no e gue mukoreigia oetuadufuo na ijene kuariako ni fiefo. Amure ije no e binobe nuvuone ise bino rekuva nobe una ije ireobo vierafekiro nome oe vafaena ise buone giana dazeke. Ro kuke noka e vajuki rena e boeje mukoreigia ifejiadufuo. Ro e guebuo sinuome nobe giana oe isema vierafekiro aroekarana ive nuvuone kame ajiaga e gue kame aridufuo.

2 Koriniti 2:10

Ro ja e befuo ise ije gana arekuva ije nadua na ise fuone gana areke. Ro na ise bino giana arevo ije Jesudo nidua ijia na ma giana arevo. Ro ije na revo ije na e ije Godi ma vierafevo ja ijia kariva ije joefuo ijiege rei.

2 Koriniti 2:7

Ijadufuo ise fuone fu rema ije gana totegaro ifejaga fu una jaena besu finoekina fube oefiane ireobo abena fuone fu ma vierafemo ije aredufuo.

2 Koriniti 6:6

Ro kuke vame nuvuone no karinoevo ije noka mukoreigia maturaena karinoekinu mukoreigia vierafena kenoeve. Ro kuke noka kabuaekabuaeki karinoekinu e boeje marejiakinu oetuanamina karinoeve. Ro ire boeje no renoevo ije noka e boeje mukoreigia oetuakinu ro kuke fune Godido Kavene ijare ifejuoko no ijiege renoeve.

Ifisiani 5:1

Ro ni vierafe jaeje jane Godido anafa fuka ja ireobo oetuame. Ijadufuo nika uri giriesana makae fuone ijia nuvefo.

Jemisi 5:11

Ro jane vierafe e ije bu oe vafaena isejavaenoeva ije Godi fuka bu ma rejiae. Ja e Jobu fuka isejavae rove fu oe vafaena oenoenoga E Ireobo fu rade ifejana ma rejiaema ije jane fie. Ro E Ireobo ije fuka e boege nuvuefuo oefiane abekinu ro ifejuomo.

1 Joni 1:9

Ro no ise nuvuone boeje no renoejo ije Godi kuarakuva fuje fuka naenitua ma renoeno ijadufuo fure ise nuvuone boeje guona areke. Ro kuke fu vame ise no renoejo ije fikorejuoke.

1 Joni 2:12

Ro anafa none na oetuavo igie, fasi ige na isoena nijiavo ijadufuo maeje ise jone boeje fune Jesu Kuraesire joefuo baronena fune abe vae.