Ifisiani 4:23 - Godido Vua Maeje

²³ Ijadufuo ni nigofo jone ja vierafevo ije kena una Godi vajaga fu kena una iviaeko amaeriajiafo.

Ifisiani 4:23 ပူးပေါင်းရင်းမြစ်များ

Romeni 12:2

Ro jade uri e ume igeko Godi naebe ma vierafevo bu kenoevo ijiege kenoevo. Ro ni arega Godi fu oe jone ije kena una mukoreigia amaeriajiaga ja irere fu vierafemo ijiaru renoedufuo. Ro kuke ja una vame mukore ro ire ije Godi fu oemaedufuo ijiaru vierafenoekinu kenoeke.

Romeni 6:4

Ro do ije no rueva ijia no vame nuvuone isuiko no oetuana kenoejo ije bune Jesuna besu oevo bu kena fuina mako ruiva ijieki. Rove fune izege Godi fu daro ro sanaema fuone ijia Jesu Kuraesi kuamo fu una urima ijia fu kuke daro besu ijia no kaenamue. Fu no kaenamuona una vame fuone maeje iviaeko no ma karivako ijia unue.

Romeni 8:6

Ro a vajae surive one ije irere fu vierafema a ijia kenoeno ije aneka baromuna vame ijia vake. Ro a oe one ije a Kavene Akae irere fu vierafema ijia kenoeno ije ane Godido vame maeje ro fuone kafaemo ije abene.

Ifisiani 2:10

Ro Godi fune Jesu Kuraesido duvado ijia no amaeraduomo none una e iviaeko rei. Ro fune isuibe ijiege vierafema ijadufuo no ire binobino renoekuva noka ma ijiaru renoeke.

Korosiani 3:10

Ro iviama fune Godire ja kame kuderiana una vame fuone iviaeko izege fu fina ruomo ijiege amaeriajiame. Fu ijiege rekina ja ijia una fu e izeki ije mukoreigia gana vierafedufuo.

1 Fita 1:13

Ijadufuo jade una oe kuderiana ire binobino vierafenoevo. Ro oe jone nika mukoreigia Jesu izege fu una ro ja marejiadufuo ije vierafekinu karinoefo.