Ifisiani 4:2 - Godido Vua Maeje

² Ro ni mumaza e soegi rena kabuaekabuaeki igia oe vafaena kairafa jone ijena oetuanamikinu karinoefo.

Ifisiani 4:2 ပူးပေါင်းရင်းမြစ်များ

Nabasi 12:3

(Ro e Mosisi fu e boeje bu aesakae igia oenoevo ijiebuo uve ijia fuje fuka e be kabuaekabuaekigia kenoeno.)

Matiu 11:29

Na vierafe naka ja samuagiakiro vierafe ijadufuo ni una agane none na samuagiavo ijena maziefo. Ro ni none roga na vame none maeje nijasiafo. Ijadufuo maeje nanaka e oe soegi ro kuke naka kabuaekabuaeki kenoejo. Ja naena maziekuva kavene jone bu dasu karidufuo.

Maki 9:19

Ro Jesu fu una gue kiae, E gure jone ja ma vierafevo ije fuka ma isesina. Na maza izege jaena fikinu vua nijasiaga ja ijia mukoreigia ma vierafeke? Ni ame ije mesiri roga na gano kiae.

Ekisi 20:19

Na E Ireobo ijadufuo i ije na menoeva ije naka kabuaekabuaekigia nimenoekinu menoe. Ro maza ijia naka ire ise boeje biediana isejavae. Ijadufuo maeje e Jiusi ijiebe mauike na kaniekuae renoevo ijadufuo na ijiege renoe.

Romeni 15:1

Ijadufuo erarebe no giriesana Jesu ma vierafevo ije noka urina kairafa nuvuone ifejiakinu dasumiake. No kairafa nuvuone bu mamoekinu naebe irere Godi fu buefuo vierafejiaema bu naebe renoevo ije ifejiake. Ro nobe uri nuvuosukua vierafena uri irere no oemaduodufuo ijiaru renoeke.

1 Koriniti 13:7

Ijadufuo no kairafa nuvuone no oetuavo bu ise bino nuvuone rekuva noka faememarena uria bu mukoreigia oetuakinu ifejiadufuo. Ro kuke noka maza boeje e gue ifejiaga bu vame ma ijiaru kenoedufuo.

Garesiani 6:2

Ro kuke nika e guebuo irufui ije ifejiana dasumiafo. Ro ja ijiege rekuva ije fune Kuraesido akae ije fu e oetuadufuo kuaema ijiakuma riareke.

Ifisiani 1:4

Ro Godi fu aesakae ige fu uria naebe amaerima ijia fune Jesu Kuraesido duvado ijia no kena unuemado fu vierafe noka una e fuone reke. Fu vierafe noka nidua fuone ijia e bino maturaeva ro kuke ise revo baki igege karinoeke.

Korosiani 1:11

Ro no Godi baname isoega fu daro fuone ka ma ireobo ije miaga ja irufui bino bu jone ruovo ijia ka uria giriesana kabuaekabuaeki kenoeke. Ro kuke maza boeje jaka oe jone ijia Asoe nuvuone oemarejanoeke. Ijadufuo maeje fure ja karauniae ijadufuo jane manido ja rade ire ije fu are fuone sanaema ijia kanafui naema ije gue kedufuo.

1 Timoti 6:11

Ro Timoti aeje a Godido e ijadufuo ni ire ise boeje na iviama kuaraeva ije mukoreigia giana akariane. Ro nika giriesana vua ige na kuarakuvejo ijene kena mukoreigia darokuma faradiana vane. Ro ire ijeja maturaena akae karivo ijiakiro ma vierafevo ro oetuanamivo ijene. Ro kuke maza boeje giriesana ijuoebaki imevo ijiakina kabuaekabuaeki kenoejo ijene.

2 Timoti 2:25

Ro e gue eranebe bu vua fuone naebe fievo ije fuka sone oe vafaena kuariadufuo. Ro fuka ma vierafega Godi fu oe buone kame kuderiaga bu una vame maeje vierafedufuo.

Jemisi 1:21

Ijadufuo ni koejo mukoreigia samuanamikinu ire isekuma binobino jare vierafena renoejo ije arefo. Ro nika oe jone boeje ijiakuma Godido vua ije fu abena oe jone ijia oema ije vierafekinu oenoefo. Ja ijiege rekuva vua ije oe jone ijia tavuamo ije fuka rade ja karauniake.

1 Fita 3:15

Ro janika oe jone ijia Kuraesi E Ireobo ije aguaena ire boeje fu kuariamo ije irinana renoefo. Ro maza bino eranebe bu jone ja ma vierafevo ijadufuo zinu maeje fiekuae kiakuva janika samuaekina ja vua ijadufuo zinu maeje kuariafo.

1 Fita 3:8

Ro igia fie, e boeje janika oe besu rena iviene uvia igege mukoreigia oetuanamifo. Ro oe besu vierafena e guebuo oefiane abena ifejiakinu karinoefo. Ro kuke janika kabuaekabuaeki oenoekinu kairafa jone ijene marejiakinu karinoefo.