Ifisiani 3:20 - Godido Vua Maeje

^20-21 Ro noka Godi aroeke ijadufuo maeje daro fuone ije fuka oe nuvuone ijia ireobo imene. Ijadufuo fu ire bino no naebe kuavo ijiakiro giavo baki ije fuka vajuomo. Ijadufuo erarebe no Godido sosi ijia besu afuivo ro kuke Jesu Kuraesina agane besu revo ije noka maza boeje Godi dabe aroekinu karivake. Mare.

Ifisiani 3:20 ပူးပေါင်းရင်းမြစ်များ

2 Koriniti 9:8

A ijiege rekuma Godi fu maza boeje ire ije a naema ije ado ijia bino kuke vajake. Fu vajaga a ire boeje a vierafema ije a ijia kekina maza boeje a una e gue ifejiadufuo.

Romeni 4:21

Eburame fu ma vierafero Godi irere fu kuaraema ije fuka rekiro fu ijiege vierafei.

Judi 1:24

Roga noka Godi e ije fu no karaunuema ijadufuo oemarefo. Ro ni baname isoega Godi fu ja mukoreigia samuagiaga jone ja ma vierafevo ije jabe mamoena ari kaniake. Ro fu kaenamiaga ja nidua fuone sanaema ijia maturaena karike.

1 Koriniti 2:9

Ro vua ige na kuariavo ije vua besu ije bune isuibe Godido buki akae ijia ijiege isoena kuae, Ire ije Godi fu e ije bu fu oetuavo ijiebuo fu kanafuijiaema ije fu erare ni fuone ijia giaema baki. Ro kuke fu erare ire ije fu remo ije fiekinuro giana vierafemo bakino kuae.

Ifisiani 1:19

Ro erarebe no fu ma vierafevo ije fu daro fuone ka ma gikikimana ijia ifejuokinu samuaguome. Ro daro ije fu abena iviama no ifejuokinu samuaguomo ije Godi fu daro besu ijia Jesu Kuraesi kuamoga fu una uri. Areme fu kuaga fu saove gufia ajiana umui maeneke fuone ijia daro abena fine.

Iburu 7:25

Ijadufuo fune fure iviama ro maza boeje fikinu e ije eranebe bu fuone duvado ijia Godido ruovo ije ise buone boeje ijia foteke karauniame. Ijadufuo maeje fure maza boeje ijia fina e fuone vafariana Godi baname isoemo.

Ifisiani 3:7

Ro Godi fu na ma rejiema ijadufuo fu na umui bijiena daro miema ijadufuo na fuefuo imekinu vua fuone maeje abe e gue kuarianoeve.

Romeni 16:25

Noka Godido oemaredufuo ijadufuo maeje Jesu Kuraesido vua maeje na abena e nijasianoejo ije fu manido fu ja ifejiaga jone ma vierafevo ije fuka gikikimana reke. Isuibe Jesu Kuraesido vua maeje fuka ma sauina na ruae. Ro iviama vua ije fune e Godido vua vierafena kuaevo ijiebe abe kuaena samadirevo none gae. Ro vua ije e karauniadufuo ije fune Godi e ije maza boeje ijia fi vako ijare kuae. Ijadufuo noka vua ije dabe are irore igia kuaena samadirega e boeje buka Godi ma vierafedufuo.

Iko Zinume 17:1

Areme maza ije Aburame fu juaevasia fu bieteva ije fune naeniti naeni (99) ijiege furikoga ijia E Ireobo fu arina fuone ruae. Fu arina kuae, Naeje na Godi ka e daroki ijene. Ijadufuo ni vua irere ige na kuaravo ije maza boeje fiena iriniakinu vame ma ijiaru kenoeno kuae.

Korosiani 1:29

Ijadufuo naka Kuraesido daro ka gikikimana ije fu miemo ijia joefuo isejavaena imeve.

Joni 10:10

Ro e inieki ije fume iniemekinu ro mave-sifi ije kame arafiriakinu kaniakiro fu ije ruomo. Ro naeje na ruaeva ije na ma karivako ije abe miaga ja abekina jaka maza boeje vame ma ijia ma karivake.

Una Kaenamiae 34:6

Areme E Ireobo fune Mosisi manino uine ijia asina vakinu urukeigia kuae, Naeje na E Ireobo ro Godi ije fu e giana oefiane abekinu marejiamo ijene. Ro kuke na migegire defaruivo baki. Ro kuke naka maza boeje e oetuakinuro irere na rekiro kuaevo ije na arevo baki.

Jemisi 4:12

Godire fuosukua akae ije vajuomo ro kuke fure ise nuvuone kena mazie guomo. Ro fune fure fuosukua e karauniakinu ro kena isekafiamo. Ro jaeje ja daro baki ijadufuo ja irerefuo una e uviarafa jone ijiebuo ise ije kena mazie giave?

1 Timoti 1:14

Ro E Ireobo ije fuka na mukoreigia ifejiena ma rejiei. Ijadufuo fu daro ije na fu ma vierafedufuo ijiakiro kairafa gue oetuadufuo ije mie. Ijadufuo maza ije no una Jesu Kuraesina besu revo ijia fu vame ije nuvuone remo.

Iburu 11:19

Eburame fu vierafero fu Aesiki kana fu baronekuma Godi fu una kenujaga fu una urikiro fu ijiege vierafe. Ijadufuo Aesiki funeka barone rove Eburame fu una mesirima igeki.

Matiu 3:9

Ro jade kuaeko nono asae nuvuone Eburamedo uifarido Godi fube ijuoegafiakiro ijiege kuaevo. Rove igia fie, Godi fu e darokido fu mune gure kena una e Eburamedo anafa amaeriaga bure ae jone abekono kiae.

Iko Zinume 18:4

Ijadufuo ni ine zinume igia karike na do jiajia roga ja dia jone kuokuo ijene sofo. Jaka na aguariena are none igia ruae ijadufuo naka ifejiakiro vierafe.