Ifisiani 2:8 - Godido Vua Maeje

^8-9 Godi fuka ja marejiamo ijadufuo fu jone ja fu ma vierafevo ijia giana karauniae. Ro Godi fu ja karauniaema ije fume fure vekinu karauniae. Ro ja jare ire ma bino fuone reva ijadufuo fu karauniaema bakido jade aroekaradufuo.

Ifisiani 2:8 ပူးပေါင်းရင်းမြစ်များ

Matiu 16:17

Fu ijiege kuaramoga Jesu fu una kuae, E Saemoni e Jonado fari gare, na vierafe fune Godire a marejae. Ijadufuo maeje bu e binobe nijasaeva bakiro fune Asoe none saove gufia fino ijare oe one ijia vua ije vierafejamo a kuae.

Matiu 20:9

Ijadufuo e ije rade maza kokuveno ijia imekuae vaeva ije bune i buone bu meva ijadufuo moni sunine buone abei.

Ruki 7:50

Ro Jesu fu una bara ije kuae, One a ma vierafemo ijare a kenujae. Ijadufuo nime oemarekinu dazena vakiro ade una ije ireobo vierafemono kuae.

Joni 3:36

Ro igia fie, erare fu Fari fuone ije ma vierafekuma e ije fu vame ma karivako ije abeke. Ro erare fu fari fuone ijadufuo vua ije naebe fiena iriniakuma e ije Godido ziemo ije fuka maza boeje fuosiki navake. Ro kuke fube vame ma karivako ije abeke.

Joni 4:10

Ro Jesu fu una kuae, A irere Godi fu vajamo ijiakiro e ige erare igia fina a dofuo kuamo ije mukoe giana vierafemobitie a kuaga fure do maeje e bu ina ma karivako ije jiana makono kuae.

Joni 5:24

Ro vua ige naka ma kuariave, erare fu vua none fiena una e ije fu kiemo na ruaeva ije ma vierafekuva e ije fu vame ma karivako ije abeke. Fu ijiege rekina Godi fube rade una ise fuone ije kena mazie giana dabe isekafake. Ijadufuo maeje fune korufuo vame baronedufuo ije fune biona una vame ma karivako ijia ruae.

Joni 6:35

Bu ijiege kuaravoga Jesu fu una kiae, Naeje na burete maeje ja ina maza boeje ma karivadufuo ijene. Ijadufuo erare fu none ruakuma fube vasia oeke. Ro kuke erare fu na ma vierafekuma e ije fube do duaeke.

Joni 6:37

Ro na e ije Asoe none ijare oe buone kame kuderiaga bu una e none revo ije nabe rorukuriake.

Joni 6:44

Fu erare izege korufuo daro fuone ijia giriesana na ma vierafekuma baki. Ro fune Asoe none ije fu kiemo na ruaeva ijare e ijiebuo oe ije kena kuderiakuma bu ije na ma vierafeke. Areme na maza radekuma ijia bu oekuva na kiaga bu una urina ijia ma karivake.

Joni 6:65

Fu ijiege kuariama areme kiae, Na ijadufuo kuariana kia, fu e be erare fume korufuo una na ma vierafekuma baki. Ro fune Asoe none ijare e ijadufuo oe ije dabe dakudekuma fu ijia na ma vierafekono kiae.

Ekisi 14:27

Areme bune uri e sosi ijia kariva boeje kumevo bu una besu afuikoga bu urina izege bu imenoeva ijene kuariae. Ro kuke bune izege Godi fu vame amaerimoga e Jiusi baki ije bu una Jesu ma vierafevoga fu karauniaema ijene kuariae.

Ekisi 15:11

Ro no ma vierafe Godi fu Jesu Kuraesido ma rejiamo ijadufuo duvado ijia fu no karaunuomo fu vame besu ijiege fu kuke e Jiusi baki ije karauniamono kiae.

Ekisi 16:14

No buina vua kuaevoga bara Ridia are Taeatirako fu ugone ni mukore sagumo ije fu ijia fido fu fina vua nuvuone fieme. Ro bara ije fuka naenitua Godi baname isoemo ijadufuo E Ireobo fuka nigofo fuone samadirejae. Ijadufuo fu mauikeigia fina Foru vua ije fu kuaemo ije fie.

Ekisi 16:31

Fu ijiege kiamoga bu una kuae, A Jesu E Ireobo ije ma vierafekuma Godi fu a agane one ijena karauniakono kuae.

Romeni 10:14

Ro eranebe bu naebe ude Jesu Kuraesi ma vierafekuva bu izege fu kurana kumega fu ifejiake? Ro kuke vua fuone bu naebe ude fieva ije bu izege fu ma vierafeke? Ro e bino bu Jesu Kuraesido vua ije bu naebe abe kuariakuva bu izege vua ije fieke?

Romeni 10:17

Ijadufuo e Godido vua abe oenoejo ije bu Jesu Kuraesido vua ije dabe e gue kuariakuva bu Godido vua maeje fieke. Ro bu Godido vua maeje fiekuva bu fu ma vierafekono kuae.

Romeni 4:16

Ro eranebe bu Jesu ma vierafevo Godi fuka e marejiamo ijadufuo fu e ije karauniana ke vame fuone ma ijia uniamo. Ro ije fu e Jiusi ijiaru ijiege karauniamo baki ro fuka e boege erarebe Godi ma vierafevo fu ije karauniamo. Ijadufuo ni vierafe fune e Eburamere isuibe Godi ma vierafema ijadufuo erare fu iviama ijiege Godi ma vierafemo e ije fu e Eburamedo uifari.

Romeni 4:5

Ro una vame izege Godi fu e karauniamo ije bu ire ma bino fuefuo revo fu ijadufuo karauniamo baki. Ro Godi e ise renoejo fu karauniamo ije bu buone izege bu Godi ma vierafevo fu ijiaru giana karauniamo.

Romeni 9:16

Ijadufuo e ije Godi fu umui tuamo ije bu bure buone izege bu mukoe vierafevo ro giriesavo ijia Godi fu bu umui tuamo baki. Ro fune Godire izege fu buone oefiane abeno ijia fu ijiege reme.

Garesiani 3:14

Godi fu Jesu Kuraesido duvado ijia vame ma karivako ije fu Eburame mako kuaema ije fu kuke abena e Jiusi baki ije miake. Ijadufuo e boeje no nuvuone izege no Godi ma vierafevo ijadufuo duvado ijia no Godido Kavene fu muoko kuema ije abeke.

Garesiani 3:22

Ro Godido vua ijia fu kuae aesakae boege fuka ise ijadufuo daro ijare okuraemano kuae. Ijadufuo Godi ire ije fume vekinu kena e ije ma vierafevo ije vajiakiro kuaema ije fu kena e ije eranebe Jesu Kuraesi ma vierafevo ije vajiake. Ro vame karaunianamidufuo ije fune vame besu ijiaru.

Ifisiani 1:19

Ro erarebe no fu ma vierafevo ije fu daro fuone ka ma gikikimana ijia ifejuokinu samuaguome. Ro daro ije fu abena iviama no ifejuokinu samuaguomo ije Godi fu daro besu ijia Jesu Kuraesi kuamoga fu una uri. Areme fu kuaga fu saove gufia ajiana umui maeneke fuone ijia daro abena fine.

Ifisiani 2:10

Ro Godi fune Jesu Kuraesido duvado ijia no amaeraduomo none una e iviaeko rei. Ro fune isuibe ijiege vierafema ijadufuo no ire binobino renoekuva noka ma ijiaru renoeke.

Firifiani 1:29

Ijadufuo maeje jaeje fune Godire uria iko zinume ijia ja Jesu Kuraesido imedufuo kei. Ijadufuo ja fu ma vierafedufuo ijiaru bakiro jaka fuefuo vajae fiane binobino biediake.

Korosiani 2:12

Ro maza ije ja do rueva ije jane Jesuna oevo Godi fu kena mako ruima ijieki. Ro maza ije Jesu fu una mako ijia urima ijia Godi fune karauniamo jane Jesuna una uriva ijieki. Ro ire ije fu rema ije ja Godido daro ije ma vierafevo ijadufuo fu ijiege rei.

2 Tesaroniasi 1:9

Ro vakuma maza ije abeno ijia e ije bu ijiege renoejo ije bube una E Ireobo ijadufuo nikubae ije gake. Ro kuke bu daro fuone ka anuigi sanaema ije bube una gake. Areme fu kame arafiriaga buka maza boeje ijiege urukeigia isejavaekinu karivake.

Iburu 6:4

Ro fuka ma giredo e ije Kuraesido vua maeje ijuemana vaeva ije bu izege una kuderia ruakuva baki. Ijadufuo maeje e ije bu Kuraesido vua maeje bune mukoreigia fie. Ro kuke bu Jesu e ije saove ijia arina ruaema ije fune oe buone ijia imene ro Kavene Akae ijadufuo ire maeje akaegue bune kei.

1 Fita 1:5

No fu ma vierafe ijadufuo fu daro fuone ijia no mukoreigia samuaguo vakuma maza radekuma ijia fu no karaunuo furike.