Ifisiani 2:3 - Godido Vua Maeje

³ Ro noduaku noka vame besu izege e boeje bu isuibe kenoeva no ijiege kenoe. Ro kuke noka vajaema nuvuone ijadufuo vierafema ijia nuvediana kenoe. Ijadufuo Godi fuka ise ije no renoevo ijadufuo no kame e boeje ijena vame besu ijia isekafuoga no isejavaeke.

Ifisiani 2:3 ပူးပေါင်းရင်းမြစ်များ

Iko Zinume 5:3

Adamu fu fivakuma juaevasia uvani aderedi teti (130) ijiege furi. Areme Adamu fune ame fari be fu vareki ije bietena abe ive ina Seti kuae. Ro fu kuke ame kabae ro fari bino duaku tuana areme juaevasia naene aderedi teti (930) ijiege furiko fu ijia barone.

Iko Zinume 6:5

Maza ijia e boeje aesakae igia oenoevo ije buka maza boeje vame ise ijiaru renoevo. Ro kuke bu maza boeje ise renoejo ijadufuo nigofo buone fune ise ijare irarae. E ije Godi fu amaeriana aesakae igia uniaema ijiebe ijiege revo ijadufuo E Ireobo fu ijene giamo fuka ireobo oefiae.

Iko Zinume 8:21

Noa fu zinone ijiege ifaejemoga E Ireobo fu zinone udi mukore ije fiemo fuka oemae. Ijadufuo fu fue kuae, Na vierafega ema bu katiki ijia vakuma e mamekanu revo ije buka ire ise boeje rekuae vierafenoedufuo. Rove nabe una aesakae ige vafuke. Ro nabe izege na ire binobino ni uria karivo ige na ke arafiriaeva ijiege rade una kuke arafiriake.

Joni 1:13

Ro bu ema ijiege buone vierafeva ije nafeva baki. Ro fune Godire Kavene fuone ije kena uniaejiama ijadufuo bune ma Godido anafa.

Joni 8:44

Jaeje ja asoe jone e Setanido anafa ijadufuo jaka irere fu vierafemo ije renoekuae vierafe. Iko zinume ijia ruoma iviama ige fuje fuka e kaniaga bu oevo. Ro fu vame maeje renoeno baki ijadufuo maeje vua maeje fu oe fuone ijia namo baki. Ro fuje fuka vua kufui kuaemo ijadufuo maeje fu e iti kufuiki. Ro kuke fuje fuka e kufuimenoevo ijiebuo asoe ijene.

Ekisi 14:16

Ude fu arekoga e boeje buka uri vame buone binobino bu vierafeva ijia renoe. Rove iviama fune korufuo ire maeje rena nijasiamoga ja ijia gana ma vierafero fuje fune ma Godiro ja ijiege vierafei. Ro fure ve ije kuaga fu dakinu ro ire uije binobino ije ifejiako bu mukoreigia tavuana suni kiravo. Ro kuke fure ire vajiakinu ro maza boeje ifejiako ja mukoreigia oemarekinu karivono kiae.

Romeni 1:24

E ije buka ire ise ijene reganaro Godi buka ijuonei. Ijadufuo Godi fu bu gamemarekoga e ije bu una ire ka ma ise ije bu oe buone ijia vierafenoevo ijene renoevo. Bu ijiege renoekinu una kairafa ijena bukiki ire ise jaeki ijene renoevo.

Romeni 11:30

Ro ude e Jiusi baki ije jaeje ja Godi irinavo baki. Rove Godi fu iviama e Jiusi ije bu naebe Godi irinavo ijadufuo fu una jone oefiane abena ise jone giana arekinu karauniame.

Romeni 13:14

Ro nika E Ireobo Jesu Kuraesi abega fu maza boeje oe jone ijia jaena finoefo. Ro jade uri ire ise boeje vajae surive jone bu vierafeva ije kenoevo.

Romeni 2:14

E Jiusi baki ije bu Godido akae ije bu naebe abei. Rove maza gue ire bino bu renoevo ije Godi fu fina giaga bune marei.

Romeni 5:10

Ude noka naebe Godina kafaena kari ruae ro noka una e ani fuone rei Rove iviama fune fari fuone Jesure nuvuefuo baronena vame nuvuone amaeri. Ijadufuo none una Godina kafaena kari. Ro kuke no vierafe Jesu Kuraesi fuka rade no foteke karaunuoke.

Romeni 5:9

Ijadufuo Jesu Kuraesido kavuane fu kurosi ijia usiaema ijare ise nuvuone fune soejue. Ijadufuo Godi fune Jesudo duvado ijia no karaunuedo maza rade fube no kena isekafuoke.

Romeni 6:12

Iviama noeje none una Jesu Kuraesina agane besu rei. Ijadufuo noka giriesana vajae nuvuone konuvuo samuadufuo. Ro nobe mamoeke ise ije bu oe nuvuone ijia naona maza boeje no kaenamuona una vame ise ijia vake.

Romeni 7:18

Na vierafega vame maeje fu naebe oe none ijia namo ijadufuo na vame ise ije renoeve. Ro kuke vame maeje na kenoedufuo ije nane oe none ijia vierafe rove naka mamoevo ijadufuo na naebe mimatana kenoeve. Na vame maeje nane vierafe rove na una vame ise ije na naebe kenoekiro vierafeva na ijene kenoeve.

Romeni 9:22

Ijadufuo vame besu ijiege Godi fudua fu e ije sukore amaeriamo ijiege remo. Fu fuone vierafema ijia fina e Jiusi ije kena vame binobino buone rei. Ijadufuo Godi fu fuone vierafema ijia e ije ise revo ije fu ijuonei. Ro kuke e ije bu ise rega fu kame isekafiaema ije fu daro fuone dabe e boege nijasiae. Ijadufuo erarebe bu Godido nidua ijia ise renoevo ije fuka defaruimo ijadufuo fu kame isekafiamo. Rove fu ijiege remo baki ro fume uria kafiana mauike buina finoe.

1 Koriniti 4:7

Ro ije ja ijiege karina revo ije ja vierafega e ije erare ja ke e ma amaeriakinu e ise amaeriae? Ire boeje jame jare kojo daro jone ijia kevo baki ro fune Godire vajiamo ijadufuoro ja irerefuo aroekarave?

2 Koriniti 7:1

Ijadufuo kairafano vua ije fu Godi Asoe nuvuone ijare noena fikinuro oenoedufuo fu ije kuarue. Ijadufuo ire ise bino bu vajae nuvuone ro kavene nuvuone ije kame arafiriana umimiavoga ije noka migegire kena kore areme maturaena oenoedufuo. Ro kuke noka Godi aguaena mukoreigia ise boeje ijuegafiana naeki karinoedufuo.

Garesiani 3:22

Ro Godido vua ijia fu kuae aesakae boege fuka ise ijadufuo daro ijare okuraemano kuae. Ijadufuo Godi ire ije fume vekinu kena e ije ma vierafevo ije vajiakiro kuaema ije fu kena e ije eranebe Jesu Kuraesi ma vierafevo ije vajiake. Ro vame karaunianamidufuo ije fune vame besu ijiaru.

Ifisiani 2:2

Ja vame ise ijene nuvediana e ume igia bu karina ise binobino renoevo jadua ja ijiege renoe. Ro vame ijiege ja kari ruaeva ije ja kavene ise ije fu fina saove gufe samuamo ije irinae. Ro kavene ise ije ja irinaeva ije iviama fu ume igia fina e ije bu naebe Godi irinavo ije samuagiame.

Ifisiani 4:22

Ijadufuo ni vame jone isuiko ije ja ijia kari ruaeva ijene giana ijuegafiafo. Ijadufuo maeje fu vame isuiko ijare ja kame arafiriamoga ja uri vame ise binobino rekuae vierafenoe.

Korosiani 1:21

Ude oe jone jaka isema vierafenoekinu ise boeje renoe. Ijadufuo jaka Godi ijuoena e ani fuone rei.

1 Tesaroniasi 4:13

Erafano vua ige no e ije bu Jesu ma vierafevo ije bu oeva ijiebuo vua ije abe kuariave. Ijadufuo jade e ije bu naebe Jesu ma vierafevo ije matiana kari e ije bu oevo ijiebuo sisimevo. Ijadufuo maeje e ije Jesu ma vierafevo bu oeva ije bu una urike.

1 Tesaroniasi 5:6

Ijadufuo nobe e ije bu naebe mukore vierafevo ije matiana ni naoke. Ro noka uri giriesana rerekinu oenoeke.

Taetasi 3:3

Ude no naebe oe kuderiaeva ijia Godido vua maeje noka naebe mukoreigia vierafeva ijadufuo no ise renoe. No ijiege renoekinu Godi naebe irinae ro noka irere vajaema nuvuone fu vierafemo ijiaru kenoe. Ijadufuo vajaema nuvuone buneka ise ijare uti faradue. Ro kuke noka vua ise bino e guebuo kuaekinu e guebuo ire bino kekuae vierafei. Ro e bino bu no guovone buka defarudiame ro nodua bu giavone noka defaruduome.

1 Fita 1:14

Ro janika Godido anafa igege e ijuoebaki rena fu irinakiro jade una ire ise binobino ja vierafena re ruaeva ije renoevo.

2 Fita 2:14

Ro ni buone buka bara ije veradiakinu oe isema vierafekinu ro ebuo bara ije bu turavo ije bu arevo baki. Bu ijiege renoekinu e mamoeki ije Godi naebe gikikimana ma vierafevo ije biesiriako buka una vame buone ijia nuvediave. Ro oe buone buka sinuome ro moni ije ireobo vierafevo ijadufuo bune vierafe buone ijia nuvediana renoeve.

2 Fita 2:18

E ije buka aroekaranoekinu vua ka ise ma baki ije kuaenoeve. Bu ijiege renoekinu e ije bu iviama ise buone arena una oe kuderiana Godi ma vierafevo ijene maniaediruve. Bu maniaediruga e ije bu una vame ise isuiko vajaema ije fu oemaedufuo bu renoevo ijia uniave.

1 Joni 2:16

Ijadufuo maeje ire isekuma boeje ume igia naovo ije bu Godido ruovo baki. Ro ire ijeja vame ije barabaru oenoevo ije uruke vierafenoevo ijiakina ire ije no niome igia giana ireobo vierafevo ijene. Ro kuke vame izege no sinuome binobino kevo ijadufuo aroekaravo ijene. Ro ire ije bu Godido ruovo baki ro bume ire bino bu ume igia naovo ijene.

1 Joni 2:8

Rove na una kuke vua iviaeko be isoena nijiave. Ro vua ijadufuo maeje fune Jesu Kuraesire renoeno jane gae ro kuke jane koejo mimatana renoeve. Ijadufuo titutema ije fune bakirevakoga sanaema ije fune no kariva ijia saname.