Ifisiani 2:1 - Godido Vua Maeje

¹ Isuibe ja karina ruaeva ije kavene jone bu Godido nidua ijia buneka oe. Ijadufuo maeje ja Godi ja naebe mukoe irinae ro jaka ise binobino renoe.

Ifisiani 2:1 ပူးပေါင်းရင်းမြစ်များ

Iko Zinume 8:21

Noa fu zinone ijiege ifaejemoga E Ireobo fu zinone udi mukore ije fiemo fuka oemae. Ijadufuo fu fue kuae, Na vierafega ema bu katiki ijia vakuma e mamekanu revo ije buka ire ise boeje rekuae vierafenoedufuo. Rove nabe una aesakae ige vafuke. Ro nabe izege na ire binobino ni uria karivo ige na ke arafiriaeva ijiege rade una kuke arafiriake.

Matiu 8:22

Fu ijiege kuaramoga Jesu fu una gue kuae, E ije Godido vua fievo baki ije bune oeva igeki. Ijadufuo ni arega bure e ije oevo ije kena mako rune. Ro aeje ani urina na nuvedieno kuae.

Ruki 15:24

Ijadufuo maeje na vierafe fari none ige fune ma baronemaro na ijiege vierafei. Rove fu uria igifureki una ruae. Ro kuke funeka saui rove ivia no una igifureki bievano kiae. Areme bune uri fuefuo iro ireobo ina oemarei.

Ruki 15:32

Ro ivia noka ire ina oemareke ijadufuo maeje uvia one fune baronemaro fu una uri ro kuke fune sauimaro ivia no una fu bievano kuae.

Joni 10:10

Ro e inieki ije fume iniemekinu ro mave-sifi ije kame arafiriakinu kaniakiro fu ije ruomo. Ro naeje na ruaeva ije na ma karivako ije abe miaga ja abekina jaka maza boeje vame ma ijia ma karivake.

Joni 14:6

Rove Jesu fu una kuae, Tomasi, naeje na vame maeje ro vua maeje ro ma karivako ijene. Ijadufuo vame maeje Asoe none fu fino ijia vadufuo ije fune vame besu ijiaru. Ro vame ije jane duvado none ijia vake.

Joni 5:21

Ro Asoe none fu e oevo ije fu kiaga bu una urivo. Ijadufuo Fari fuone ige nadua na e ije erane na vierafeva ije kia bu una urike.

Joni 5:25

Ro vua ige naka ma kuariave maza ije e oeva bu Godido Fari ige itire none ije fiedufuo ije fune ivuare ro fune igifureki ruae. Ijadufuo eranebe bu itire none fiekuva bu una urike.

Romeni 8:2

Ude fu ise ijare giriesana no kaenamuona una vame ise ijia vako ijadufuo noka isejavaekinu oe. Rove iviama fune Kavene Akae ijare Jesudo duvado ijia no karaunuona ke una vame fuone maeje iviaeko ijia unue.

1 Koriniti 15:45

Ro kuke Godido buki akae ijia bu ijiege isoena kuae, Godi fu e amure ije fu Adamu amaeri areme kuamoga fu uri ema rena oe ufekinu fina vae. Rove una Kuraesi e ije fu rade ema igege rena ruaema ije fu Godido Kavene ije abena fi ruae. Ijadufuo erarebe bu Kuraesido e reva ije Kuraesi fu Kavene fuone abe nujajiakuma bume ijia karivadufuo.

2 Koriniti 5:14

Jesudo oetuamo ijare no kame ijiege rega no vua fuone ije abena e boeje nijasianoeve. Ijadufuo maeje no vierafe fune e besu ijare nuvuefuo baronena e boege no karaunue. Ijadufuo e boeje vame nuvuone isuiko no kenoejo ije bune Jesuna besu oeva igeki.

Ifisiani 4:18

Ro e ijieki ije bu vame ma karivako ije Godi fu abena e fuone miamo bu ijia kafare bino kekuva baki. Ijadufuo maeje e ijieki ije buka Godido vua ije fiekuae adagirevo ijadufuo bu ire ma bino vierafevo baki.

Ifisiani 5:14

Ijadufuo maeje fu sanaema ijare ire ise binobino no nuriete renoejo ije fure kena samadiremo. Ro dua be bune isuibe uruvo ije fu ijiege kuae, E ije ni turanamina urifo. Ro kuke e ije ja oeva ije ni una uriga Kuraesi fu ja kaenamia sanaema ijia uniano kuae.

Korosiani 2:13

Ja ude mumabo ijia ja karinoeva ijia ja Godido akae ije jaka samuavo baki. Ro jaka ise renoevo ijadufuo kavene jone ije buneka oe. Rove iviama jane izege Godi fu Jesu kenujamo fu una urina ni uria fino ijiege fune ja karauniamo ja una urina ni uria kari. Ro ije fu ja karauniaema ije fune ise jone giana totena arei.

1 Timoti 5:6

Rove bara amune be fu maza boeje vame ise ije vierafekinu renoeno ije vajaema ijia fuje fu naebe barone. Rove una kavene ijia fuje funeka baronei.

1 Joni 3:14

No kairafa nuvuone ijena oetuanamivo ijadufuo no vierafega no vame ise ije bu no kaenamuo baromuna vako ije none arena una vame ma kari vako ijia ruae. Ro erare fu naebe kairafa fuone ije mukoreigia oetuamo ije fuje fu uria vame baromuna vako ijia vake.

Revaresoni 3:1

E Ireobo ije fu kie, Vua none ige isoena kavene maeje fu sosi Sadisi samuamo ijadufuo duvado ijia e none ijia kariva ije nijiano kie. Vua ije isoe nijiana kia, Vua ige e ije fu Kavene Akae abema fu i seveni memo ro kuke fu zuvi seveni ijia umui fuone ijia faradiaema ijadufuo vuano kiane. Ja irere ja revo ije nane giana vierafei. E bu giaga ja ni uria kari rove nare giavo ije jane kavene ijia oe.