Ifisiani 1:4 - Godido Vua Maeje

⁴ Ro Godi fu aesakae ige fu uria naebe amaerima ijia fune Jesu Kuraesido duvado ijia no kena unuemado fu vierafe noka una e fuone reke. Fu vierafe noka nidua fuone ijia e bino maturaeva ro kuke ise revo baki igege karinoeke.

Ifisiani 1:4 ပူးပေါင်းရင်းမြစ်များ

Matiu 24:22

Rove Godi maza ije fu naebe ufuna una ari ruaemabitie fu e be erare ni uria fivakuma baki. Ro fune Godire e ije fu umui bijiaema ije buefuo maza ije abe ufuna una arike.

Matiu 24:24

Ijadufuo maeje mazani ijia e bino bu usiaena ja biesiriana kiako, Naeje na e ije Godi fu kiemo na ruaeva ijeno urina na nuvedieno kiake. Ro gue bu usiae biesiriana kiako, Noeje no e Godido vua vierafena kuaevo ijeno kiake. Bu ijiege kuaria areme uri nuga ro ire sumiki binobino reke. Ijadufuo maeje bu vierafe buka e ije Godire umui bijiana kema ijiebuo oe ije kame iserekuae buka ijadufuo giriesake.

Matiu 24:31

Areme gibi ka mamekanu ijiebe ijia ufekega na anera none kena uniaga bu aesakae igadufuo kusoe binobino ijia oenoeke. Bu ijia oenoekinu e none na umui bijiaeva bu aesakae binobino ijia karinoeva ijene kaenamiana una besu afuikono kiae.

Matiu 25:34

Areme E Ireobo nare una e maturaeva ije umui maeneke none ijia kariva ije kiake, Jaeje fune Asoe none ijare daro miae. Ijadufuo ni ro are maeje sanaema Godi fu iko zinume fu aesakae ro saove ige naebe amaerima ijia fu joefuo amaerijiaema ije abena karino kiake.

Joni 10:16

Ro mave-sifi none gue bu dabe giegisana oenoevo ijadufuo bu iviama faere ukua ijia oenoevo baki. Ijadufuo na vierafe naka kaenamia roga bu besu ireke na nosukua samuagiakega bu itire none ijiaru fieke.

Joni 15:16

Ro jaeje jame jare none ruaeva baki ro na nare ja kevo ja ruae. Ijadufuo na vierafe ja va maza boeje ive none ijia vame maeje ijiaru kenoedufuo. Ja ijiege renoekuva ja ire binofuo ive none ijia Asoe none kuakuva fuka ifejiake.

Joni 17:24

O Asoeno, na vierafe e ije a kena vajiema ije buka naena are na fivo ijia karidufuo. Ro kuke buka sanaema none a abena miema ije gake. Ijadufuo maeje ane iko zinume sakae ige a naebe amaerima ijia ane na oetuae ijadufuo a sanaema one ijene abe mie.

Ekisi 13:48

E Forukiro Banabasi bu ijiege kuariavoga e Jiusi baki bu vua ije fiena buka una E Ireobo ijadufuo vua ije oemarei. Areme ve ijia e ije Godi fu vierafe bu vame ma karivako ije abedufuo ije bu ijia uri Godi ma vierafei.

Ekisi 15:18

E Ireobo fu ijiege kuae. Ro vua ije fu kuaema ije fune isuibe e ije nijasiaemano kuae.

Ekisi 18:10

Ro naeje naka maza boeje osiki oenoevo ijadufuo e bube a isema redufuo. Ijadufuo maeje e uruvana gue sidove Koriniti ijia kariva ije buka e noneno kuae.

Romeni 8:33

Noeje fune Godire kena unuema ijadufuo fu erare una no guona kuoko jaka ise revono kuokuva baki. Ro kuke fune Godire ise nuvuone no reva ije guona are areme fune no kaenamuona una vame fuone maeje ijia unue.

1 Koriniti 1:8

Ro kuke na vierafe Kuraesi fu ifejiaga jaka giriesana ma vierafena karivakuma maza radekuma ijia usiaeke. Ja ijiege rekina maza ije E Ireobo Jesu Kuraesi fu una ruomo ijia jaka maturaena ise bino baki ja nidua fuone ijia iredufuo.

Garesiani 5:13

Ro uviarafano Godi fune ja kumema ijadufuo fune ja karauniae. Ijadufuo akae isuiko ije fube ja samuagiana uti faradiadufuo. Ro kuke jade una vame ise ije vajaema jone bu rekuae vierafevo ije renoejo. Ro e besubesu nika jone izege ja e oetuavo ije jone nijaenamikinu ifejanaminoefo.

Garesiani 5:22

Ro Godido Kavene ije fu oe nuvuone ijia fikuma no fu vierafema ijia nuvena kenoeke. Ro Kavene ijadufuo vame maeje no renoega e bu ijia guodufuo ijeja e oetuavo ijiakiro oemarevo ro kafaevo ijiakina vame kabuaekabuaeki karijo ijene. Ro kuke oe vafaena karivo ijiakiro e vajuki revo ijiakina e gue marejiavo ro ire maeje ijuoebaki maza boeje giriesana renoevo ro kuke konuvuo samuanamivo ijene. Ro ire ije na kuaeve ije bu Kavene Akae ijadufuo ire maeje. Ijadufuo fu erare akae be nijana ire ije bijukuriakuma baki.

Garesiani 5:6

Ro no Jesu Kuraesina besu revo ije vajae surive kaniaufuna nuga navo fu ire ireobo baki. Ro ire besu ka ma ireobo ijeja fune jone izege ja Kuraesi ma vierafekinu oetuanamidufuo ijene.

Ifisiani 2:10

Ro Godi fune Jesu Kuraesido duvado ijia no amaeraduomo none una e iviaeko rei. Ro fune isuibe ijiege vierafema ijadufuo no ire binobino renoekuva noka ma ijiaru renoeke.

Ifisiani 4:2

Ro ni mumaza e soegi rena kabuaekabuaeki igia oe vafaena kairafa jone ijena oetuanamikinu karinoefo.

Ifisiani 5:2

Ro jone mumaza ja karinoevo ije nika izege Kuraesi fu no oetuamo ijiege una kairafa jone ije oetuafo. Ijadufuo maeje fuka no ifejuokiro vierafe ijadufuo fu arekoga bu fu kanae. Ro fu baronema ije fuka zinone udi mukore ijare utuana ajia vakoga Godi fu fiemo fuka oemae.

Ifisiani 5:27

Ro ije fu ijiege rema ijia fune e fuone ijiebuo vame ije amaeri. Fu vierafe buka maturaena e akae rekina bu nidua fuone ijia e ise reva baki igege oenoekiro fu ijadufuo ijiege rei.

Firifiani 2:15

Ja ijiege kenoekuva jaka maturaena oenoeke ro e bube vua bino kena una ja namiake. Ro janika maturaena Godido anafa ijiege renoega e ije bu maza boeje ume igadufuo ise ijiaru renoekuae vierafevo ije bu giake. Ro kuke janika raete ije no kena titutema ijia sana vako ijiege ja e ise revo ijiebuo kafare ijia karikuva ni raete ijiege sanafo. Ja ijiege rekinu Godido vua maeje fu bu karauniadufuo ije nijasiafo. Ro ja ijiege rekuva na maza ije Jesu Kuraesi fu una ruomo ijia naka ma ijadufuo joefuo aroekarake. Ijadufuo maeje na vierafega daro none boeje na akoena imenoeva ije na naebe nisei.

Korosiani 1:22

Rove Godi fune iviama Fari fuone Jesu Kuraesi surive ije fu abena kurosi ijia baronema ijadufuo duvado ijia fune una ja kaenamiae. Ijadufuo jane fuina besu kafaena e fuone rei. Fu vierafe fu ja kaenamiaga ja e maturae ro akae rekina ja vajae naeki nidua fuone ijia irekiro fu ijadufuo ijiege rei.

Korosiani 2:2

Na i gikikimana ije na ijiege rekina ja kavene jone ijia daro abeke. Ja daro abena uri jone oetuanamikinuro Godido vua sauiki ije mukoreigia vierafeke. Ro vua sauiki ijeja Kuraesi Fari fuone ijene. Ro igia fie, Godido vierafe maeje fu mukoreigia vierafena remo ije no Kuraesido duvado ijia giadufuo.

Korosiani 3:12

Ro jaeje jaka Godido e ije fu oetuamo ijene ijadufuo fu ja kena una e fuone rei. Ijadufuo nika sone oe vafae ro ka e vajuki rena kabuaekabuaeki kenoefo. Ni ijiege renoekinu e ije bu ire bino baki bume isema oefiaeguma karinoejo ije ifejiafo. Ro kuke ni eranebe bu ire binofuo maza boeje ja kiakiavo ije nime sone oe vafaena ifejiafo.

1 Tesaroniasi 3:12

Ro no vierafe E Ireobo fu ifejiaga ja izege no ja oetuavo ijiege jadua ja una jone oetuanamidufuo. Ro kuke fuka maza boeje oe jone ijia urukeigia ifejiake jaka e boejena oetuanamikinu karinoeke.

1 Tesaroniasi 4:7

Ro noeje fune Godire kena unue ijadufuo fu vierafe noka e akae rena karivakiro ro nobe e binobuo bara turanoeke.

2 Timoti 1:9

Ijadufuo maeje fure no karaunuona kumenoga no e akae rena karinoeve. Ro no nore ire ma bino revoga fu ijadufuo no kumema baki ro fume fure fuone vierafema ijia ro fuone maeje fu no vajuomo ijia no kumei. Ro fuone maeje fu no vajuema ije fune uria iko zinume ijia Jesudo duvado ijia vajue.

2 Timoti 2:10

Ijadufuo naeje na e ije Godi fu umui tuaema ijiebuo akaegue ijia naka ire binobino ijia isejavaeve. Na vierafe na ijiege isejavaekina Jesu Kuraesi fu budua karauniaga bu noena vame ma karivako ije abekiro na ije vierafeve.

2 Timoti 2:19

Rove Godido tugie gikikimana mune ijieki ije fu abena saema ije fuka uria mukoreigia manine. Ijadufuo maeje Godido e ije bu ma vierafevo ije buje bu tugie ijieki. Ro Godi fu e fuone ijiebuo tugie ijadufuo fu ijiege kuae, E Ireobo ije fu eranebe bu e fuone reva ije fune vierafei. Ro kuke vua be fu ijiege kuae, E boeje eranebe bu kuae no E Ireobo ma vierafevono kuaevo ije buka vame ise ije mukoreigia aguariano kuae.

Jemisi 2:5

Ijadufuo uviarafano na oetuavo igie, vua ige mukoreigia fiefo. E boeje sinuome baki ije fune Godire umui tuae. Ijadufuo bu ma vierafena una agane fuone rega fu vame ma karivako ije fu e ije bu fu oetuavo ije miako kuaema ije abe miake.

1 Fita 1:2

Godi fu uria iko zinume ijia ja vierafe ijadufuo fu kena uniae. Ijadufuo maeje fu vierafega jaeje fune Godido Kavene Akae ijare ja kena e akae redo ja Jesu Kuraesi irinake. Ro kuke fune Jesu Kuraesire kavuane fuone ije kurosi ijia joefuo usiaena ise jone fikorejiae. Ro na vierafe Godi fuka maza boeje ma rejiana mukoreigia ifejiakinu samuagiaga ja kafaena karinoedufuo.

1 Fita 1:20

Fune Godire uria iko zinume ije fu ire bino naebe amaeriaema ijia fu Jesu e karauniadufuo ije abe nujae. Ro Kuraesi fune iviama maza radekuma igifureki joefuo romo jane gae.

1 Fita 2:9

Ro e ije ja ma vierafevo ije jaeje ja Godido e. Ro jare e ije bu zinone ifaejevo ijiege rena e anuigi ijadufuo imeve. Ro jaeje ja Godido e ije ja fuefuo imekiro fu ke uniaema ijene. Fure e ije ja uria titutema ijia karivoga fu kaenamiana una fuone maeje sanaema ijia uniae ijadufuo ja vua fuone abe e kuarianoeve.

2 Fita 3:14

Ro kuke kairafano jaeje jaka uria maza ije fu una ruadufuo ije samuave. Ijadufuo nika giriesana vame maeje Godi fu oemaedufuo ijiaru renoefo. Ja ijiege renoekuva ja maza ije ja Godido nidua ijia irevo ije jaka iriaebaki maturae ro dazena iredufuo.

1 Joni 4:16

No vierafega Godido oetuamo ije fuka maza boeje noena navake ijadufuo noka oemarekinu karinoeve. Ro Godi fuka e oetuamo. Ijadufuo erare fu kairafa fuone oetuamo e ije fu maza boeje Godiki finoene ro Godi fu fuosiki finoene.

Revaresoni 13:8

Fu ijiege rekoke e boeje ume igia karivo ije bu mave kuriae ijadufuo baname isoekinu fu irinave. Rove e ije Godi fu isuibe sakae igiakiro saove ije naebe amaeriaeva ijia fu ive buone buki ije e bu maza boeje ijia karivadufuo ijia isoema ije bube mave kuriae ije irinana fuone baname isoeke. Ro ive buone ije bu Mave-Sifi Ame ije bu kanavo fu baronema ijadufuo buki ijia isoe.

Revaresoni 17:8

Fu kie, Mave kuriae ije a gaema ije ude fu ni uria finoe rove iviama fu naebe una ni uria fine. Fu mako ije dibuore game gavo baki ijia ajia ruakuvene. Ijadufuo fu ajia kekekuma Kuraesi fu dabe ma urukeigia isekafaga fu furike. Ro Godi fu e ije bu maza boeje ijia karivadufuo ijiebuo ive ije fune isuibe aesakae ige naebe amaerima ijia buki ijia isoe. Ro e ije eranebe ive buone bu naebe buki ijia isoeva ije bu mave kuriae ije gakuva buka oeseradiake. Ijadufuo maeje fu isuibe ijia fi ruae ro iviama fune ma bakirei ro rade fu una samadireke.