Ifisiani 1:22 - Godido Vua Maeje

^22-23 Godi fu Jesu Kuraesi daro mamoga fure ire boeje samuagiame. Ro kuke Godi fu Jesu Kuraesi kuaga fu sosi ijadufuo nigofo reme. Ro erarebe no Jesu ma vierafena sosi ijia besu afuivo ije no Jesudo vajae ijene. Ijadufuo fune e besu Jesure korufuo fina ire boeje aesakae igia ro saove gufia naovo ije samuagiame. Ro kuke fune fure e ije no sosi ijia besu afuivo ije samuaguome.

Ifisiani 1:22 ပူးပေါင်းရင်းမြစ်များ

Korosiani 1:18

Ro fuje fu e ije bu Godi ma vierafevo ijiebuo nigofo ijene. Ro ige bu karina ruovo ije zinume ije fure. Ro e boeje bu naebe nafeva ijia fuje fune ude ijia fina ruae. Ro kuke fune fure amure baronena una uri. Ijadufuo fune fure fikinu ire boeje samuagiame.

Korosiani 2:10

Ro jane Jesu abena fuina besu revo ijadufuo kavene jone irere boeje bu vierafevo ije bune fuone bijuana abevo ijadufuo buneka mani. Ijadufuo maeje Jesu fu ire boeje ro kavene daroki boeje bu ire gue samuagiavo ije fure asidiana e nigofo rena samuagiame.

Iburu 2:8

Ro kuke are bu kena uniaema ijadufuo bu ire boeje a kiaema ije samuagiae. Ro ije funeka ma Godi fu ema ije kiamoga bu ire boeje mukoreigia samuagiae. Rove iviama no giaga e bino bu daro baki ijadufuo bu naebe ire boeje samuagiave.

Korosiani 2:19

Ro kuke e ijieki ije bune Jesu Kuraesi ijuegafana vae. Ro fune Kuraesire fuosukua e sosi ijiebuo nigofo re. Ijadufuo fune fure kaje ikime ije a abena koe kiramo ijiege e fuone ije kena daro fuone ijia besu faradiana gikikimana reko bu vame Godi oemaemo ijia ubaeradiave.

Ifisiani 5:23

Ijadufuo maeje Kuraesi fu sosi ijiebuo e nigofo rena bu samuagiamo ijadufuo vame besu ijiege baru ije fu daro nado fure e nigofo rena bara fuone samuake. Ro e ije bu Kuraesi ma vierafevo ije fune karauniaema ijadufuo bune una Kuraesido vajae rei.

1 Koriniti 11:3

Ro iviama na una vua binobino kuariakuvejo ni fiefo. Ro vua amure ijeja, bara ije ja baru jone ijiebuo rotire ijia ijadufuo ja baru jone aguariake. Ro baru ije jadua ja Kuraesido rotire ijia ijadufuo ja Kuraesi aguarake. Ro Kuraesi fudua fu Godido rotire ijia ijadufuo fu Godi aguaeke.

Ekisi 20:28

Ijadufuo ni kojo samuanamikinu ro e ije Jesu fu kavuane fuone ijia fuaevena Kavene Akae kena uniaejiaema ije mukoreigia samuagiafo. Ni e ijene izege e mave-sifi samuagiamo fu mave fuone samuagiamo ijiege bu mukoe samuagiafo.

Iko Zinume 3:15

Ro kuke nare kuaedo a maza boeje bara ijiaki zienamikinu karivake. Ro maza boeje uifari one ijiakiro bara ijadufuo uifari ije buka bue nibijaekinu oenoeke. Ro kuke e bu diake utaenamaga a sakiakuma bu kana nigofo one dabe furasekono kuae.

1 Timoti 3:15

Na ijiege isoena nijaekina a vame izege Godido e ije bu buone samuanamikinu karinoejo ijene dana vierafedufuo. Ro Godido agane ije bu Godi ije maza boeje ijia fivako ijadufuo sosi ijene. Ro sosi ijare Godido vua maeje bu nijasiavo ije bijuadufuo.

Matiu 16:18

Ijadufuo igia fie, Aeje iviama ive one na Fita kuake. Ro ive ijadufuo maeje tugie ka gikikima ijene. Ijadufuo na e none na ma vierafevo ije na kena a uniaejake. Na uniaejaga are samuagiaga buone ma vierafevo ije fuka gikikima reke. Ro Setanido e ije buka daro bakido bu vame one a kenoeno ije bube bijukuraejake.

Korosiani 1:8

Ijadufuo fure izege Kavene Akae fu daro miako ja Godido e ije oetuaevo ije kuarue.