Ifisiani 1:11 - Godido Vua Maeje

¹¹ Ijadufuo Godi fune vierafe fuone ijia nuvena ire boeje amaeriae. Ro kuke fune isuibe vierafe fuone ijia fu vierafega fu no kena unuekina no Jesu Kuraesina agane besu rena una Godido e rekiro fu ijiege vierafe. Ro iko zinume fu no kena unuema ije fuka zinume ma ijadufuo fu kena unue.

Ifisiani 1:11 ပူးပေါင်းရင်းမြစ်များ

Ekisi 13:48

E Forukiro Banabasi bu ijiege kuariavoga e Jiusi baki bu vua ije fiena buka una E Ireobo ijadufuo vua ije oemarei. Areme ve ijia e ije Godi fu vierafe bu vame ma karivako ije abedufuo ije bu ijia uri Godi ma vierafei.

Ekisi 2:23

Godi fu e ije bu Jesu abe ja miadufuo ije fune isuibe vierafe ro fune oe buone ijia ijiege niri. Ijadufuo ja arekoga bu Jesu abe e ise ije miavo bu abe kurosi kanae.

Ekisi 20:32

Ro iviama jaeje nane kena una Godido umui tare ijia uniado fure ja mukoreigia samuagiake. Ijadufuo ni izege fu ja marejiaema ije vierafekinu oenoekina ijare ifejiaga ja una Godido e rena ire fuone maeje bino kedufuo.

Ekisi 26:18

Ro are va niome buone kena nafaejiaga bu titutema bu kariva ije bu arena una sanaema ijia ruake. Ro kuke a ifejiaga bu kavene ise Setanido daro ije bu karinoejo ije bu arena una Godido ruake. Bu ijiege rena una na ma vierafekuva Godi fu ise buone giana areke. Areme fu kaenamiaga bu una Godido e ije maturaeva ijena maziekono kie.

Ekisi 4:28

Bu ire boeje a daro ro vierafe one ijia ude vierafena kuae bu rekono kuaema bu ijene reve.

Romeni 11:34

Ro vua ijadufuo maeje bune isuibe buki akae ijia isoena ijiege kuae, Fu erare E Ireobo irere fu vierafema ije giana vierafemo baki. Ro kuke fu erare Godi uguae kuaramo baki.

Romeni 8:17

Noeje no Godido anafa ijadufuo maza rade Godi fu ire maeje fu kena anafa fuone naejiaema ije gue fu kena no vajuoke. Ro ude noka urina Jesu Kuraesi fu isejavaema no ijiege isejavaekuva Godi fu ire maeje fu kena Jesu Kuraesi naejaema ije gue fu kena no vajuoke. Ro kuke no fuone sanaema ije akaegue abedufuo.

Romeni 8:28

No vierafega e ije bu Godi oetuavo fu ke uniaema ije buka maza binobino ire ise ro ma ije biediavo. Rove Godi fu ire ije bu biediavo ije fu kena una vame maeje buefuo reme.

Romeni 8:29

Ro e ije Godi fu isuibe kena uniaema ije fu vierafe buka una Fari fuone ijieki rena uri irere fu renoema ijiege renoeke. Ro fure Godido Fari amure rega bu ije bu iviefaru fuone reke.

Romeni 8:30

Ro e ije Godi fune isuibe buefuo ijiege vierafema ijadufuo fu bu kei. Ro kuke e ije Godi fu kema ije fune karauniana ke una vame fuone maeje ijia uniae. Ro e ije Godi fu kena una vame fuone maeje ijia uniaema ije bune fuone sanaema ije abena fuina karive.

Garesiani 3:18

Ro no akae ijia bijuavo ijadufuo Godi fu vame maeje no vajuomobitie nobe Godi vua fu kuaema ijia bijuake. Rove Godi vame ma karivako ije fu Eburame mako kuaema ije fu fuone izege fu Godi ma vierafema ijadufuo duvado ijia vekinu abena mae.

Ifisiani 1:14

Ro Godi fune Kavene Akae fuone kena oe nuvuone ijia nuga igege naejue. Ijadufuo no nuga ijia gana vierafega no fune kena e fuone rei. Ro kuke fune no kaenamuona una vame ma karivako ijia unue. Ijadufuo iviama erarebe bu una Godido e revo ije buka fu aroekinu ive fuone abe ajiake.

Ifisiani 1:18

Ro kuke na joefuo baname isoega Kavene Akae fu nigofo jone samadirejiaga ja rade Godi ire maeje fu jone redufuo ije mukoe vierafenoedufuo. Ro kuke fu ifejaga ja Godi izege fu rade ire maeje sanaema fu saove ijia naema fu vekinu vajuodufuo ije giana vierafeke.

Ifisiani 1:5

Godi fune isuibe ijia no ireobo oetuaema ijadufuo fu vierafe noka Jesu Kuraesido duvado ijia anafa fuone reke. Ro ije fune Godire fuone vierafema ijia ro fu oe maedufuo ijia fu ijiege rei.

Ifisiani 1:8

Ro Godido vierafe ije fuka ma ireobo. Ijadufuo fune isuibe vierafe fuone ijia ire boeje ijiege niri. Rove vierafe fuone ije fu naebe migegire abe samadire ro fu abena nuriena finoe. Ro iviama fune Jesu Kuraesido duvado ijia vierafe fuone fu abe nuriema ije abe samadirei.

Ifisiani 3:11

Godi fune iko zinume gamia ijiege vierafena niri. Ijadufuo iviama E Ireobo Jesu Kuraesi fu Godido vierafe ijene dabe samadukua ijia mimatae.

Korosiani 3:24

Ijadufuo maeje ni vierafe E Ireobo ije fu maza rade vame izege ja mukoe kenoevo ijadufuo una ve vajiake. Ro ire ijeja Godi irere fu isuibe vajiako kuaema ijene. Ijadufuo maeje ja emabuo imeva baki ro ja ma E Ireobo jone ijadufuo imeve.

Taetasi 2:14

Jesu fuka korofuo abena miamoga bu abena kurosi ijia kanae. Ijadufuo fure ise nuvuone no revo ijia karaunue. Ro fu vierafe fu no kena amaeraduoga no maturaekina no e fuone rena maza boeje vame ma ijiaru kenoekuae vierafedufuo.

Taetasi 3:7

Ro Godi fu vierafe fu ijiege ma rejuona no karaunuokinu no nidua fuone ijia maturaena karinoekiro fu ijadufuo ijiege rei. Ro kuke fu Kavene Akae fuone muedo no vame ma karivako ije no ma vierafena samua ruovo ije abeke. Ro vua ije na kufui kuariavo baki ro naka ma kuariave.

Iburu 6:17

Ijadufuo Godi fu vierafe fu vua ije fu kuariana kia bu abekono kiaema ije fuka dabe samadirejiake. Fu ijiege rega bu vierafero fu vua fuone fu naebe abe tuasemaro bu ijiege vierafeke. Ijadufuo Godi fuka ive fuone ijia kuranamina vua kuariamo.

Jemisi 2:5

Ijadufuo uviarafano na oetuavo igie, vua ige mukoreigia fiefo. E boeje sinuome baki ije fune Godire umui tuae. Ijadufuo bu ma vierafena una agane fuone rega fu vame ma karivako ije fu e ije bu fu oetuavo ije miako kuaema ije abe miake.

1 Fita 1:4

Ijadufuo maeje no vierafe maza be no Godi ire ma bino fu kavene nuvuone ijiebuo kave gufia naema no ije keke. Ro ire ije bu izege burae ro isere ro bakiredufuo baki.

1 Fita 3:9

Ro e bino bu ire ise bino jone rega jade una ve gue ise revo. Ro bu vua ise ije joesina kuaega jade una ve gue kuariavo. Bu ijiege revoga nika una buefuo Godi baname isoena kuaga fu ifejiafo. Ro ja ijiege renoekuva Godi fuka ja daro miakinu ifejiake.