Iburu 9:24 - Godido Vua Maeje

²⁴ Ro Kuraesi are ma akae ije fu aru vaema ije fu emabe saeva ijia aruna vaema baki. Ro are emabe saeva ije fume are maeje saove ijia namo ijadufuo kavene ijene. Ro fuka are maeje ma akae ije saove ijia namo ijia aru vae. Ijadufuo fu iviama ijia fina vua nuvuone ijene Godi kuarame.

Iburu 9:24 ပူးပေါင်းရင်းမြစ်များ

Una Kaenamiae 28:12

Areme ni kena ugone ifodino kuavo ijadufuo farane ijia nana saguikina bu oenoene savo e bu ijia giana una e Isureroko ijiebuo agane tuero (12) ije vierafenoedufuo. Ro kuke Eroni fu maza boeje ive buone ije abena farane fuone ijia abienoega E Ireobo na ije gavo ijia na una e none vierafeke.

Una Kaenamiae 28:29

Ja ijiege amaeriaekina maza ije Eroni fu Are Akae ijia aru vako fu ugone guge ije e Isureroko ijiebuo agane tuero (12) ijiebuo ive isoeva ije abe oe fuone ado ijia abiega E Ireobo na ije gavo ijia na maza boeje una e none vierafedufuo.

Matiu 18:10

Jesu fu ijiege kuaria areme kiae, E ije bu ame isesina igege na ma vierafevo ije jade oenoekinu ni ikene giavo. Ijadufuo maeje na kuariako fie, e ijieki ijiebuo anera ije bu samuagiavo ije budua buka Godido nidua ijia oenoejo. Ijadufuo vame izege ja bu kame binobino renoejo ije mukoe vierafekinu renoedufuo.

Maki 16:19

Jesu fu ijiege kuariama areme fune urina saove ijia Godido umui maeneke ijia fikiro vae.

Ruki 24:51

Fu ijiege manina buefuo baname isoekoga Godi fu ijia mesirina una saove ijia ajia vae.

Joni 16:28

Naeje na Asoe none fu fino ijia arina ume igia ruae. Ro iviama nane ume ige arena una Asoe none ijadufuo vakono kiae.

Joni 6:62

Ro igia fie, ja Ema ijiebuo Fari ije fu una are fu ari ruaema ijia ajia vakuma ja izege reke?

Ekisi 3:21

Ro Jesu fu uria kave gufia fike Godi fu ire boege una iviaeko amaeriga fu ijare una ruake. Ro vua ije fune Godire isuibe e vua fuone vierafena kuaevo ijiebuo itire ijia kuae. Ro kuke e Mosisi fudua fu ijiege kuae, Godi fu e vua fuone fiena e kuariamo be na vareki ije kuaga fu ruake. Ro e ije fu e jone igeko be ijadufuo nika vua irere fu kuariamo ije mukoe fieno kiae.

Romeni 8:33

Noeje fune Godire kena unuema ijadufuo fu erare una no guona kuoko jaka ise revono kuokuva baki. Ro kuke fune Godire ise nuvuone no reva ije guona are areme fune no kaenamuona una vame fuone maeje ijia unue.

2 Koriniti 5:1

Ijadufuo no vierafe e bu vajae nuvuone ige no iviama kena ume igia karivo ije kanuoga no oekuva Godi fu una amaeriaejuoke. Areme no vajae nuvuone iviaeko mukore fu saove gufia amaeriadufuo no ije kedufuo. Ro vajae ije fuka maza boeje ijia fi vadufuo.

Korosiani 3:2

Ijadufuo maza boeje oe ro nigofo jone boeje nika ire ije vierafenoefo. Ro ire binobino ume igia naovo ema ijiebe renoevo ije jade maza boeje vierafenoeke ro nika totefo.

Iburu 1:3

Ro Jesu fuje fuka Godi vareki ijadufuo Godido sanaema maeje ije fuka vajae fuone ijia sanamo. Ro fure vua fuone ijadufuo daro ijia ire boeje bu saove gufia ro ume igia naovo ije samuagiamo. Godi fu Jesu Kuraesi kuamoga fu arina e boegiebuo ise ijia karaunia areme fu una Godi e ka ma daroki ijadufuo umui maeneke ijia fi.

Iburu 12:2

Ro kuke roga no Jesu e nigofo nuvuone ije fu izege no nijasuoga no Godi ma vierafevo ijene abe ni garine guria nijana veri vafo. Fu kurosi ije gana are vaema baki ro fuka oemarevo ije fu rade biedufuo fu ije vierafei. Ijadufuo fu izege ije fu isejavaena jaevedufuo ije fu naebe jumei. Ijadufuo iviama fu Godido umui maeneke fata fuone maeje ijia fine.

Iburu 4:14

E Ireobo Jesu Kuraesi Godido Fari ije fu nuvuefuo zinone ifaejemo ije fune una saove gufia Godido sanaema ijia vae. Ijadufuo no Jesu e ije no ma vierafevo ijadufuo vua ije giriesana farena vadufuo.

Iburu 8:2

Fuka saove gufia Are Ma Akae ijia imene. Ro are ije fu emabe saeva baki ro fu E Ireobo ijare amaerima fu ijia imene.

Iburu 8:5

Ro i ije e zinone ifaejevo bu mevo ije bume izege saove gufia maeje bu revo ijadufuo kavene bu ije ume igia mimatave. Ro maza ije Mosisi fu Are Muvuaka Akae ije sakuveno ijia Godi fu kuae, Ni mukoreigia vame izege na uruo ijia kuarana nijasiaeva ijia vierafekinu sano kuae.

Iburu 9:1

Ro akae isuiko ije bu izege Godi baname isoevo ije fune e ije kuariae. Ro kuke are ije bu ijia aruna fuone baname isoevo ije fu ema ijiebe sae.

Iburu 9:23

Ijadufuo ire boeje bu ume igia mimatavo ije bume ire maeje bu saove gufia revo bu ijiebuo kavene ijene mimatave. Ijadufuo ire boeje bu saove gufia revo ije buka zinone ka ma mukore maturaeva ijiaru ifaejevo.

Iburu 9:9

Ro irere bu are guove ka ma akae ijia reva ijeja bu Kuraesi irere fu iviama remo ijene. Ijadufuo maeje ire fanuve ije bu Godi zinone ifaejavo ije fu e ije bu Godido baname isoevo ijiebuo oe ije mukoreigia sojiamo baki.

1 Fita 3:22

Ro iviama Kuraesi fune kave gufia Godido umui maeneke ijia fine. Fu ijia fiko Godido kavene adaki ijiakiro kavene mamekanu bino bu kavene gue samuagiavo ije bu fu irinave.

Revaresoni 8:3

Ro anera be fu ire udi mukore urimo bu ifaejavo ijadufuo disi ije bu ire gorodi ijia amaeriva ije abena ruoma fata ije bu Godi zinone ifaejavo irifo ijia mani. Anera ije bu ire udi mukore urimo boeje kena vajavo fu kena e Godi ma vierafena fuefuo imevo ijiebuo baname ijiakuma una Godi zinone ifaejae.