Iburu 9:2 - Godido Vua Maeje

² Ro Are Muvuaka ije bu fanu surive ijia sae ro are guove ije bu ugone ijia abena kirakuravo fu inokiro rei. Ro are guove amure ije bu ine ije bu raete nakuivo ijiakiro fata ije bu burete ijia nijana abe Godi mavo ijiebe ijia irevo. Ro are ije bu kua Are Akaeno kuavo.

Iburu 9:2 ပူးပေါင်းရင်းမြစ်များ

Una Kaenamiae 25:23

Ro ja fata amaerikuva ni ine akesia ijia kena amaerifo. Ro jiagado fuone naeniti (90) senitamita ijiege mi ro baraeki fuone ni foti faeve (45) senitamita ro arire fuone sigisiti seveni (67) senitamita ijiege mina amaerifo. Areme nine ire gorodi ijia karina fata ije foteke kamafo.

Una Kaenamiae 25:30

Ro fata ije ni abena Are Akae ijia nijafo. Areme nine burete ije ja maza boeje none baname isoena oemarejiekuae abe ruovo ije abena fata ijia nijafo.

Una Kaenamiae 25:31

Ro nine ire ja kedoro ifaejega fu sanadufuo ije be amaerifo. Ro ja amaerikuva nine gorodi ijia abena baraeki amaeri ume ijia nija areme nine be amaeri ado ijia arire safo. Areme nine kave ijia ukie fuone ire kusare fu iko uti ro ajia irasemo ijiege isoefo.

Una Kaenamiae 26:1

Ro Are Muvuaka guove E Ireobo na ijia oenoedufuo ije nika ugone fae teni (10) mukore bu mave-sifi u kazine ro kavuane ijia kena saguiva ijia abena kirakurafo. Ro ni e ugone mukoe sagumo ijia kuaga fu ugone fae teni ije karina ire serubimi adaki ijieki ijadufuo kavene ijene ugone besubesu ijia saguna amaeriafo.

Una Kaenamiae 26:33

Areme nine ugone ubine kena Are Muvuaka Akae guove ine fo ijia kuriaga fu Are Akae ijiakiro Are Ma Akae ije ke ata guegue redufuo. Areme nine mavua akae ije mune fae inokiro saeva ije abena ugone ije kiraeva ijuone gafa Are Ma Akae ijia nija areme nine biju fuone ije abe bijukurafo.

Una Kaenamiae 26:35

Areme nine fata ije ja amaeriva ije abena ugone ije kiraeva ijadufuo uineke una Are ikene umui maeneke ijia nijafo. Ro nine ire kedoro ifaeje navo ije abena una ikene gue umui aeneke ijia nijafo.

Una Kaenamiae 29:1

Ro Eronikiro anafa fuone ja kaenamiana E Ireobo na vajiega bu e zinone ifaejevo rena noefuo imedufuo ije ni ige na kuariavo ijiege refo. Ja bu kena daro miakuva ni mave-kau kumate besu ijiakiro mave-sife kumate inokiro naebe garuradiaeva ijia giana faradiafo. Areme nine ire farava vuiti ijia amaeriaeva ije gue usia areme ni ine orivi oere ijia usiana burete gue amaeriafo. Ro burete ijiakiro bisikiti ije ja amaeriakuva jade ire isiti usiaena ijiakuma biemarona amaeriavo. Areme ni bisikiti bino oere baki amaeria areme nine oere ado ijia usiafo.

Una Kaenamiae 29:35

Ro ja Eronikiro anafa fuone kena daro miaga bu i ije zinone ifaejevo ije imekuva nika mazani seveni guove ijia ire boeje na kuariaeva ije re furifo.

Una Kaenamiae 40:4

Areme nine fata ijene abe aru guove ijia nijaeme sinuome ijadufuo ije karina ijia nane. A ijiege kari naeme ni kuke ireraetitua nadufuo ije abe aru are fuone ijia nija aremeraetifuone ije ijia nane.

Matiu 5:15

Ro kuke igia fie. Fu erare raete abe sanana nuriekuma baki ro buka abe samadukua nija fu sanake e bu ijia gakinu karike.

Iburu 9:25

Ro e ije zinone ifaejemo ije juaevasia besubesu fu fanu kavuane ijia abena Are Ka Ma Akae ijia aruna Godi zinone ifaejamo. Ro fu kavuane fuone ijia abena aru zinone ifaejemo baki.