Iburu 9:16 - Godido Vua Maeje

^16-17 Ro vame nuvuone no kevo ije jane vierafei. E be fu baronekuveno ije fuka ude azekina ame ro ire bino ije atana ame vajiama rade fu baronemo. Ro ame ire ije bu migegire kekuva baki ro bu samuaga asoe buone fu baronekuma bu ijia sone kevo.

Iburu 9:16 ပူးပေါင်းရင်းမြစ်များ

Romeni 5:12

Isuibe iko zinume ijia e besu ijare ise rena dabe e boeje ume igia kariva ijene miae. E Adamure ise ije rei ijadufuo Godi fu Adamu dabe isekafamo fu ise fuone ijadufuo baronei. Ro iviama e boege none ise reva ijadufuo noka oedufuo.

Romeni 6:23

Ro erarebe bu ise renoekuva buka vame baromena vako ijia vake ro bube Godina karivake. Ro no Jesu Kuraesi E Ireobo nuvuone ma vierafekuva Godi fu duvado fuone ijia vame ma karivako ije vekinu abe muoke.

1 Koriniti 15:22

Adamure iko zinume ijia Godi naebe irinaema ijadufuo fu baronei. Ijadufuo e boeje nodua no oeve. Rove fune Kuraesire una urima ijadufuo nodua no una uridufuo.

Iburu 1:3

Ro Jesu fuje fuka Godi vareki ijadufuo Godido sanaema maeje ije fuka vajae fuone ijia sanamo. Ro fure vua fuone ijadufuo daro ijia ire boeje bu saove gufia ro ume igia naovo ije samuagiamo. Godi fu Jesu Kuraesi kuamoga fu arina e boegiebuo ise ijia karaunia areme fu una Godi e ka ma daroki ijadufuo umui maeneke ijia fi.

Iburu 13:20

Godi e ije fu e ifejiaga bu kafaena karinoejo ijare E Ireobo nuvuone Jesu Kuraesi Fari fuone ije kuamo fu baronena una uri. Ro Jesu fu e boeje ige no mave-sifi ijiege oenoevo ije mukoreigia samuaguomo. Ijadufuo maeje fu kavuane fuone dabe usiaena vame iviaeko ije no Godina besu karidufuo ije amaeri.

Iburu 9:15

Ijadufuo Kuraesi fu baronema ije fu e ije bu Godido akae ije tuasena ise revo ije karauniakiro fu ijadufuo kavuane fuone usiae. Ijadufuo fure vame iviaeko amaerido e ije Godi fu kumema ije bu vame ma karivako ije fu miakono kiaema ije abeke.

Jemisi 2:10

Ja Godido akae boeje fu naema ijia akae besu abe tuasekuva ije boeje jane kuke kena tuaseve.