Iburu 7:8 - Godido Vua Maeje

⁸ Ro e Isureroko buka sinuome buone gue atana e mamekanu buone Godi zinone ifaejevo ije vajiaga bu kevo rove buje bume ema bune oe. Rove no vierafe e Mekisideki fuje fu e ijieki baki ijadufuo fuje fume maza boeje ijia fivake.

Iburu 7:8 ပူးပေါင်းရင်းမြစ်များ

Joni 14:19

E ume ige ise renoejo ije bu maza sibaneke ijiaru na bube gieke ro jaeje ja una na gieke. Ro naeje na baronena una urina ijia fivako ijadufuo jadua ja ijia karivake.

Joni 14:6

Rove Jesu fu una kuae, Tomasi, naeje na vame maeje ro vua maeje ro ma karivako ijene. Ijadufuo vame maeje Asoe none fu fino ijia vadufuo ije fune vame besu ijiaru. Ro vame ije jane duvado none ijia vake.

Iburu 3:16

Ro janika jone ejafanamifo ijadufuo maeje ja e ije eranebe bu Godi naebe irinaeva ije jane vierafei. Bu e ije Mosisi fu are Ijifiti ijia kaenamiana keke vaema ijiebe Godi vua ije fu kuariamo ije bu naebe fie.

Iburu 5:6

Ro kuke buki kafare be fu ijiege kuae, Are e ireobo Godido zinone ifaejemo rena e Mekisideki fu fi vaema ijiege rekono kuae.

Iburu 7:23

Ro e ije ude zinone ifaejevo ije buka e uruvana. Ijadufuo maeje e zinone ifaejevo gue bu oevone e guebe are buone abena i ije mevo.

Iburu 7:7

Ijadufuo no vierafega e ije fu e gue umui nigofo naejiana daro miamo ijare fuka e anuigi. Ro una e ije umui nigofo nijamo ije fume e isekube. Ijadufuo no vierafe Mekisideki fu e ireobo ro Eburame fu e isekube.

Iburu 7:9

Ro maza ije Eburame fu sinuome atana Mekisideki vajaema ije fu e Rivae vajaema ijiege rei. Ro e ije zinone ifaejevo eranebe bu ire ije bu dana naga bu kevo ije bu e Rivaedo uifari e Rivae vajaeva ijiege rei.

Iburu 9:27

Ro e bu oevo ije bume kaginu oega Godi fu rade ise buone ije kena mazie giake.

Revaresoni 1:18

Ro kuke fu kie, Naeje na e ije maza boeje ijia fivako ijene ro na ude kurosi ijia baronei ro na una urina ni uria five. Ro na oevo ijiakiro are ije bu oena va karivo ije na daro none ijia samuagiavono kie.