Iburu 7:7 - Godido Vua Maeje

⁷ Ijadufuo no vierafega e ije fu e gue umui nigofo naejiana daro miamo ijare fuka e anuigi. Ro una e ije umui nigofo nijamo ije fume e isekube. Ijadufuo no vierafe Mekisideki fu e ireobo ro Eburame fu e isekube.

Iburu 7:7 ပူးပေါင်းရင်းမြစ်များ

Iko Zinume 49:28

Ro vua mukore ige e Jekafure maza ije fune baronekuveno ijia fu agane fuone tuero (12) ije kuariae. Ro daro ije fu vajiaema ije fune buone izege bu karikuvejo ije giakinu vajiae.

2 Koriniti 13:14

Na vierafe E Ireobo Jesu Kuraesi fu maza boeje ja marejiake. Ro kuke Godido oetuamo ije fu jaena navake. Ro Kavene Akae fu daro miaga ja maza boeje besu afuina karivake.

1 Timoti 3:16

Ro Godi ma vierafedufuo ijadufuo zinume maeje ijeja, Kuraesi fu ema igege ume igia ruae. Ro Kavene Akae ijare nijasuona kuo, Jesu Kuraesi fu ma Godido Farino kue. Ro kuke anera boeje bu fuone maeje sanaema ijene gae. Ro e ije bu fu nuvenoeva ijiebe vua fuone dabe are irore boegia kuariae. Ro e boeje ume igia kariva ije buka fu ma vierafei. Areme fu una saove ije Godi Asoe fuone fu samuamo ijia vae.

Iburu 7:6

Ro maza ije Eburame fu sinuome uruvana karina una ro Mekisideki biema ijia fu gue atana fu vajae. Ro Godi fu ame uifari uruvana Eburame vajako kuaema ijadufuo Mekisideki fu Eburame umui nigofo nijana daro mae.

Iburu 7:8

Ro e Isureroko buka sinuome buone gue atana e mamekanu buone Godi zinone ifaejevo ije vajiaga bu kevo rove buje bume ema bune oe. Rove no vierafe e Mekisideki fuje fu e ijieki baki ijadufuo fuje fume maza boeje ijia fivake.