Iburu 6:5 - Godido Vua Maeje

⁵ Ro kuke vua irere Godido buki ijia bu isoeva ije bune dana giaga vua ije fuka ma. Ro vame izege Godi fu rade imedufuo ije bune vierafei.

Iburu 6:5 ပူးပေါင်းရင်းမြစ်များ

Ruki 8:13

Ro uije ije bu duoena munuage ado ijia arina tavuanaro una saerevo ijeja e ije bu Godido vua meje bune oemarekinu fieke. Rove bu naebe kena oe buone ijia gikikimana vierafevo ijene. Bu maza isekube ijiaru ma vierafe rove bu vame ise bino buone ruovone buneka ijia arevo ijene.

Ifisiani 6:17

Ro ni vame izege Godi fu ise nuvuone ijia karaunuomo ije abena nigofo jone ijia ati gikikimana igege abiesefo. Ro kuke ni Godido vua ije Kavene Akae fu kuaramo ije abena sime uiki igege uti farefo.

Iburu 11:3

No nuvuone izege no ma vierafevo ijia no vierafega ire boeje sakae igia ro saove gufia naovo ije Godire vua fuone ijia abena amaeriae. Ro ire boeje fu amaeriaema ije fu ire ije no giavo baki ijia kena amaeriae.

Iburu 2:5

Ro Godi anera bino fu naebe kena are iviaeko ije no kuaevo ijia uniana kia, Jani are maeje na amaeriga bu karidufuo ijia e mamekanu rena ire boeje samuano kiae.

Iburu 4:12

Ro igia fie, Godido vua ije fuka ma daroki ro ka uiki. Fu ire viame sine ije fu e kiniamo ije fuka asi ijadufuo fu oe nuvuone no vierafevo ije mukoreigia ufusejuomo. Fuka ma ufusena aru oe nuvuone kavene fu fino ijia vako. Ire ije ma uiki ije fu vajae nuvuone ijia kinuona ufuse ari ane ijia vako ijiege Godido vua ije fu oe nuvuone no ma vierafena kevo ije fi ijiege kena mazie guoke.

2 Fita 2:20

Ro e bino bu ude vame ise bino renoejo ije bune arena una Jesu Kuraesi ma vierafe. Ijadufuo fune ume igadufuo ise ije bu kame uti faradiaeva ijia soejia areme karauniae. Rove bu rade una ise renoekuva ije Godido nidua ijia buje buneka ise ije bu ude reva ije ma asina ireobo ise reke.