Iburu 6:2 - Godido Vua Maeje

² Ro kuke jade vame ije do ruevo ijiakina umui nigofo navo ro e ije oena una urivo ijiakiro rade Godi fu vame nuvuone no kenoejo ije mazie guodufuo ijadufuo kuaenoevo.

Iburu 6:2 ပူးပေါင်းရင်းမြစ်များ

Matiu 28:19

Ijadufuo ni urina are irore igia vua none ije dabe e boeje kuariana kaenamiaga bu una e vua none fievo ije refo. Ja kaenamiakuva ni kena Godi Asoe ro Fari ro Kavene ijadufuo ive ijia do ruoriafo.

Matiu 3:14

Fu vakoga Joni fu urina kuae, Nana a do ruoradufuo ije na vierafe fuka naebe mare ro na vierafe are na do ruorieno kuae.

Maki 7:4

Ro vame be bu revo ije bu ire fuaevena ruovo ije buka karina do soma areme kena ifaeje ivo. Ro kuke bu vame besu ijiege kafusikiro firete ro sukore buone kena do ruoriavo. Ro vame ije bu revo ije bu asaerafa buone ijiebe ijiege rena ruaeva ijadufuo budua bu ijiege revo.

Maki 7:8

Jesu fu ijiege kuaria areme urina kiae, Ijadufuo e Asaea ijiege fu joesina kuaema ije fuka ma kuae. Ja Godi akae ije fu naema ije jane arena una ema ijiebuo akae ije kena e nijasiave.

Ruki 12:50

Ro kuke na ruaeva ije na izege isejavaena vajae fiane abedufuo na ijadufuo daro ije abedo na vajae fiane abena vakuma ubine ijia furike.

Ruki 14:14

Ijadufuo a e ijieki ijene ijiege ifejiakuma aka rade oemaredufuo. Ijadufuo maeje e ije bu naebe manido bube una ire one ve vajadufuo. Rove fune Godire maza ije e maturaeva bu oeva bu una urivo ijia fu vame ma bino one rejakono kuae.

Ruki 3:16

Ijadufuo Joni fu una kiae, Naeje name e isekube ijadufuo na do ijia ja do ruoriave. Ro E Ije ka ma e daroki ije fu rade ruome. Ro naeje na i fuone fu mekuveno ije mekuva naka naebe mani. Ijadufuo fu e ijare Godido Kavene ije miane igege naeno ije abena oe jone ijia nujaejiake.

Joni 1:33

Rove na E Ije na naebe mukoreigia gana vierafei. Ro fu Godi e ije na kiemo na e do ruoriavo ijare kie, A do ruoriakinu gaga Kavene Akae fu ume igege arina e befuo nigofo ijia kunaegaro fu e ijare Kavene Akae ije kena ja uniaejiakono kie.

Joni 5:29

Areme e ije bu ma ijiaru kenoeva ije bu una uriga Godi fu kiaga bu ijia ma karivake. Ro e ije bu ise renoeva ije bu una uriga Godi fu kame isekafiake.

Ekisi 10:47

Ijadufuo Fita fu urina kiae, E ige bune izege Godido Kavene no abeva budua bune ijiege abei. Ijadufuo no kaenamia do ruoriakuva fu erare kuriaerekuma bakino kiae.

Ekisi 13:3

Ijadufuo bune uri ire atokinu Godi baname isoe. Areme bune uri e Banabasikiro Soru umui nigofo naejia areme kiavo bune vae.

Ekisi 16:15

Ijadufuo bu uri agane fuone ijena kame do ruoriavoga fu kuomo no are fuone ijia vae. Fu kuo, Ja vierafega naeje nane E Ireobo ije ma vierafejoga ni ro naena are none ijia karino kue. Bara ije fu ijiege kuaruona ka soesoemoga none fuina are fuone ijia vae.

Ekisi 16:33

Areme muge besu ijia e ije dibure samuamo ije fu uri do jiana matane buone soejiama areme ire vajiamo bu i. Bune ire ina furivoga Forukiro Saerasi bu uri fu abero agane fuone boeje kame Jesudo ive ijia do ruoriae. Areme e ije fune agane fuone ijena buka ireobo oemarei. Ijadufuo maeje bu vierafega bune iviama una Godido agane ijena mazie.

Ekisi 17:18

Ro e vua nijasiavo gue bu kia Efikurineno kiavo ijiakina e Sitoikino kiavo ije bu usiana Foruna vua gikikimana kuae. E gue bu kuae, E buzeme guraeje fu irerefuo aroekarana vua ijiege kuaemono kuae? Ro gue bu kuae, E ije fute e ae binoko ijiebuo godi ijiebuo kuaemono kuae. Bu ijiege kuaeva ijadufuo maeje Foru fu Jesusina kuariakinu izege fu baronena una urima ije kuariamo ijadufuo bu ijiege kuae.

Ekisi 2:38

Ijadufuo Fita fu una kiae, E besubesu janika ise jone ije ijuegafia areme una oe kuderiafo. Ja ijiege rega e be fu ja ke Jesudo ive ijia do ruoriaga Godi fu ise jone giana arega ja Kavene Akae ije abefo.

Ekisi 2:41

Ijadufuo e boeje bu Fitado vua ije fiena ma vierafevoga bu kame do ruoriae. Areme ve ijia e tiri tauseni (3000) bu una e Jesu ma vierafevo ijena mazie.

Ekisi 23:6

Areme Foru fu giake e ije afuiva ije gue bu e Feresi ro gue bu e Sejusi. Ijadufuo fu uri kiae, Erafano naeje na e Feresi ro kuke na e Feresi ijiebuo fari. Ro ige na e mamekanu igiebuo nidua igia manivo ijadufuo maeje na vierafega Godi fu e ije oevo ije fu kiaga bu rade una urikono kiae.

Ekisi 24:15

Na izege bu Godi ma vierafevo ije nadua na besu ijiege ma vierafevo. Ro kuke na ma vierafero e boege oeva e ma ro e ise bu una urikiro na ijiege vierafevo.

Ekisi 24:21

Ro vua besu na ma nidua buone ijia kuaeva ije na ma vierafe e ije oevo ije bu una urivo ijadufuo na ije kuariae. Ijadufuo bu vua ijadufuo ijia kuarakuva ije fune marekono kuae.

Ekisi 24:25

Foru fune ijiege kuara vakuma areme fune uri vua ije izege no ma renoekinuro nuvue samuanamidufuo ijene kuarae. Areme fune kuke Godi izege fu rade una e boege ume igia oenoevo ije ke mazie giadufuo ije kuarae. Foru fu ijiege kuaramoga Firikisi fu vua ije fiemo fuka jui. Ijadufuo fu uri Foru kuae, Ni keke vakiro vua one na sone rade maza be ijia kumega a una ro kuaeno kuae.

Ekisi 26:8

Ro e Jiusi gurie, Godi fu e oeva ije fu kiaga bu una urivo ro ja irerefuo naebe ma vierafeve?

Ekisi 4:2

E ije bu fieke Fitakiro Joni bu e boeje nijasiana kiavo Jesu fu baronena una urimano kiavo bu ije fie. Ijadufuo bu kuae bigake e boeje bu vierafero e oevo ije bu una urivoro bu ijiege vierafekuvaro bu ijadufuo buka isediae.

Ekisi 6:6

Bu e ije kena una e Afasero ije uniaejiavoga bu ke Godido baname isoema areme umui nigofo naejiae.

Romeni 2:16

Ijadufuo Godido vua maeje na kuariavo ja fieva ije ire boeje bu maza ije Godi fu una ruomo ijia reke. Godi fu maza ijia Jesu Kuraesido duvado ijia e boeje ijiebuo oe ije besubesu kena mazie giake.

1 Koriniti 10:2

Bu ijiege rena ruaeva ijadufuo buka Mosisido vua ije irinana kenoe. Ro kuke buka besu afuina Godi ire ije fu mu besubesu vajiamo ije inoe.

1 Koriniti 12:13

Ijadufuo Godi fune Kavene fuone besu ije abena oe nuvuone guove ijia nujaejue. Isuibe noeje noka nuvuebino karinoe rove iviama none una Jesudo e ijena besu mazie. E gue nono e Jiusi ro e gue no e Jiusi baki. Ro kuke e gue nono zinume abevo baki ro nome e guebuo i mejiavo. Ro e gue nonoka e mamekanu rena daze karinoevo. No ijiege renoejo ijia Godido Kavene ijare no kena una besu afuina unue. Fure e besubesu oe nuvuone ijia fina daro muoko no fuefuo i binobino menoeve.

2 Koriniti 5:10

Ijadufuo maeje maza ijia e boeje no Jesu Kuraesido nidua ijia irega fu ire boeje no renoeva ije kena mazie guoke. Areme Jesu fu e besubesu izege fu ume igia finoekinu mukoe ke ro fu isema kenoema fu ijia giana kame isekafiakinu ro karauniake.

Firifiani 3:21

Fu vajae suri nuvuone ige ka garuki ije no iviama kena kariva ije kena una ni be amaeraduoke. Fu ijiege amaeraduoga noka una Jesudo vajae sanaema ije fu iviama abena saove ijia fino ijieki ije kedufuo. Ro vame ije fu redufuo ije fu daro fuone ka ma ireobo ije fu ire boeje samuagiamo ijare abena reke.

Korosiani 2:12

Ro maza ije ja do rueva ije jane Jesuna oevo Godi fu kena mako ruima ijieki. Ro maza ije Jesu fu una mako ijia urima ijia Godi fune karauniamo jane Jesuna una uriva ijieki. Ro ire ije fu rema ije ja Godido daro ije ma vierafevo ijadufuo fu ijiege rei.

Iburu 11:35

Bara ije bu ma vierafeva ijadufuo agane buone gue bune oeva ijia bu una urivo bu kaenamiae. Ro gue bu e ijiebe kaniakinu kame arafiriavo bu naebe vafiae ro bu vajae fiaeguma oe. Ijadufuo maeje bu vierafe bu una urina vame ma ijia karivakuae bu ijiege rei.

Iburu 9:10

Ro ire boeje bu revo ije bume vajaema ijadufuo akae binobino bu irekiro do ikinu vame binobino ijia umui do sovo ijadufuo nae. E ije bu uria ire ije renoevo ijia Kuraesi fu vame iviaeko ije Godi fu vierafema ije abe ari ruae.

2 Fita 3:7

Rove iviama Godi fu una kuae, Na sakae igiakiro saove ije ro e ige iviama ume igia oenoevo ije maza radekuma ijia miane ireobo ije kuaga fu naeke. Ro kuke mazani besu ijia na e ije bu naebe Godi ma vierafena vame maeje ijia kenoejo ije kame isekafiakono kuae.