Iburu 6:12 - Godido Vua Maeje

¹² Ro ja mamoena ijuonekuva no vierafe fuka naebe mare ijadufuo jade arevo. Ro janika e ije bu ma vierafe areme oe vafaena kenoeva ijiege buenina kenoekina ja Godi irere fu vajiako kiaema ije kedufuo.

Iburu 6:12 ပူးပေါင်းရင်းမြစ်များ

Matiu 22:32

Ro vua ije bu isoeva ije Godi fu ijiege kuae, Naeje na e Eburamekina Aeseki ro Jekafu ijiebuo Godino kuae. Ijadufuo maeje fu e ije ni uria karivo ijiebuo Godi. Ro fu e ije bu oevo ijiebuo Godi bakino kiae.

Matiu 25:26

Fu ijiege kuaramoga e ireobo fuone fu kuae, Aeje aka e ijuoe gikine be a noefuo i mukoe menoeno baki. Ro igia fie, irere na umui none ijia ovo baki ije na kiaga bu kena vajievo ije ane vierafe.

Ruki 16:22

Fu ijiege revakuma maza be e sinuome baki ije fune baronemoga anera ijiebe mesiri ajia Godido are maeje Eburame fu fino ijia nujae. Areme rade e sinuome zaraema ije fudua fune baronemoga bu abena mako rui.

Ruki 8:15

Ro una uije ije sakae ma ijia arina mukoe tavuana fo kiravo ijeja e ije bu Godido vua ije mukoreigia fiena abe oe buone ijia gikikimana vierafenoevo ijene. Areme buka uri giriesana vame maeje ijuoebaki rekinu karinoega kairafa gue nijasiakinu kuariaga budua uri ijiege renoekinu Jesu ma vierafevo ijene.

Romeni 12:11

Ro jade mamoekiro nika giriesana E Ireobo ijadufuo i ije menofo. Ro kuke nika oe jone ro kavene jone ijiakuma E Ireobo ijadufuo i ije menoefo.

Romeni 2:7

Ijadufuo e gue bu vierafe buka maza boeje mimatana vame maeje ijiaru kenoekuae vierafei. Bu vierafe buka kairafa buone ro e binobino ije ifejiaga Godi fu bu aroriana nidosiakiro bu ije vierafei. E ije ijiege kenoejo ije Godi fu buone oemaremo ijadufuo fu kiaga bu maza rade ma karivake.

Romeni 4:12

Ro e Eburame ije fu e Jiusi ije bu surive buone kaniaufuna Godido nuga navo ijiebuo asoe. Ro e Jiusi ije bube vierafero buje bu Godido nuga ije naeva ijadufuo bune ma e Eburamedo uifariro ijiege bube vierafevo. Ro bune buone izege bu Godi ma vierafevo ijia bu una e Eburamedo uifari rei.

1 Tesaroniasi 1:3

Ijadufuo maeje ja Jesu Kuraesi ma vierafevo ijadufuo jaka mukoreigia oetuanamikinu i jone menoeve. Ro kuke ja izege E Ireobo Jesu Kuraesi fu una ruadufuo ije ja vierafevo ije ja arevo baki ro jaka giriesana ma vierafenoeve.

2 Tesaroniasi 1:4

Ijadufuo no Godido are bino bu afuivo ijia aru vako ije noka joefuo aroekarakinu ive jone kama ajiave. No vame izege e bu ja kame ise binobino jone reko jaka isejavaeve rove ja uria faememarena giriesa ma vierafevo no ijene dabe e kuariave.

Iburu 1:14

Ijadufuo maeje anera ije bu kavene ije Godido imevo ije fu kiaga bu maza boeje arina ume igia e ije Godi fu karauniamo ije ifejiavo.

Iburu 10:36

Ijadufuo janika oe vafaena mumaza Godi ma vierafefo. Ja ijiege Godi irere fu vierafema ije renoekuva ja ire ije Godi fu kiaema ije kedufuo.

Iburu 11:33

Bu ma vierafeva ijadufuo bu aesakae gue ijia e gue kania kuriana sakae buone kei. Bu vame maeje reva ijadufuo bu ire ije Godi fu kuaema ije kei. Bu fanu raejoni ijiebuo itire bijukuriakinu miane faruifaruiki naeno ije vafaekinu e binobe bijia kaniadufuo ijia bu subina usiae vae. Bu e ma mamoeki rove rade buka e daroki rena e aebinoko ijiebuo e bijaevo ije kaniavo bu oe.

Iburu 12:1

Ro e boeje na kuariaeva ije bu ma vierafeva na ijene kuariae. Ro iviama e ije buka karina no veraduove. Ijadufuo roga no ire boeje bu vame nuvuone ije iraraevo ijene kame garege korefo. Roga no ire ise ije bu no faradueva ije kame garege kore areme uri giriesana Jesudo vame ijia difurisaefo.

Iburu 13:7

Ro uviarafano ni e mamekanu jone bu Godido vua ije abena ja kuariaeva ije vierafefo. Ni izege bu karinoekinu ro Kuraesi ma vierafena maturaeva ije vierafena uri bu keva ijiege mimatanoefo

Iburu 5:11

Ro Jesukiro Mekisidekibuo vua ije no kuariavo ije fuka ma ireobo. Ro na nijasiakuva fuka ma gikikimana ijadufuo ja izege migegire vierafekuva baki. Ijadufuo maeje vua ja fievo ije jaka saroena vierafevo.

Jemisi 1:3

Ijadufuo maeje ire ise ije buka jone ruake rove jone ja ma vierafevo ijare ifejiakuma ja giriesana oenoeke.

2 Fita 1:10

Ijadufuo erafano nika giriesana Godido vame maeje na kuariavo ije mukoreigia vierafekinu ijia mimatana kenoefo. Ja ijiege kenoega e bu ijia gia areme vierafero jaeje ja e bino Godire kumena karauniamoro bu ijiege vierafeke. Ro ja maza boeje ijiege renoekuva jabe mamoena una ise bino renoeke. Ro rade ja oekuva E Ireobo Jesu Kuraesi e ije fu e boeje karauniamo ije fu ja oemarekinu anadiana kaenamiaga ja are fuone maeje fu samuamo ijia maza boeje karivake.

1 Joni 2:25

Ro Jesu Kuraesi fu korofuo vua maeje abena no muokono kue. Ro ire ije fu abe muoko kuema ijeja fu vame ma karivako ije abena muoke.

Revaresoni 13:10

Ro Godi fu vierafe ja Jesu Kuraesido ive ijadufuo dibure karikuva ije fu arega ja ijiege dibure karike. Ro fu vierafega bu sime uiki ijia kena bijiaga ja oekuva ije fu arega bu ijiege reke. Ire ijieki ije buka rade jone reke rove Godido e ije nika sone oe vafaena uria giriesana ma vierafekinu imenoefo.