Iburu 5:14 - Godido Vua Maeje

¹⁴ Ro vua maeje na ja kuariakuvejo ije fu ire gikikimana ije no ijo ijieki. Ro vua ijieki ije bu e Godi ma vierafena e damuiki reva ijiebuo vua. Ro kuke fu e ije eranebe bu maza boeje Godido vua ije mimatana nuvevo ijiakina e ije vame ise ije giana akariakinu ro vame maeje ijiaru renoevo ijiebuo vua.

Iburu 5:14 ပူးပေါင်းရင်းမြစ်များ

Matiu 5:48

Ijadufuo jadua nika maturaena vame ma ijiaru kenoefo. Ijadufuo maeje Asoe jone saove gufia fino ije fuka maturaema ijadufuo jadua nika ijiege mukoreigia e gue oetuakinu karinoeno kiae.

Romeni 14:1

Ro e gue Jesu Kuraesi ma vierafevo ije buone ma vierafevo ije buka mamosiave. Ijadufuo nobe e ijieki ije bu buone vierafeva ijia kenoevo ije giana kuaeke. Ro noka oemarekinu bu kaenamiaga bu una noena agane besu reke.

1 Koriniti 2:6

Ro na e ije bu Godido Kavene Akae ijare kena ninarunoeko bune e damuiki reva ijena oenoejo ijia na vua kuaevo ije naka vierafe mukore gue na ijia kuariave. Ro vierafe ijieki na vierafevo ije fu e ume igia oenoevo ijiebuo vierafe baki. Ro kuke fu e mamekanu ume igia e gue samuagiavo ijiebuo vierafe baki. Ijadufuo maeje vierafe buone ije iviama fune una bakireme.

Ifisiani 1:18

Ro kuke na joefuo baname isoega Kavene Akae fu nigofo jone samadirejiaga ja rade Godi ire maeje fu jone redufuo ije mukoe vierafenoedufuo. Ro kuke fu ifejaga ja Godi izege fu rade ire maeje sanaema fu saove ijia naema fu vekinu vajuodufuo ije giana vierafeke.

Ifisiani 4:13

Ro ire maeje binobino Jesu fu vekinu vajuomo ijare no kena besu unuoga no oe besu rena Godido Fari ije ma vierafeke. Areme no uri e damuiki rena Jesu Kuraesi mukoreigia gana vierafekina no fu vareki reke.

Firifiani 3:15

Ijadufuo na vierafega e ije ja Godido Kavene ijia e damuiki reva ije jaka vame na renoejo jadua ja ijiege renoeke. Ro e gue eranebe ja una vame ni be kekuae vierafevo ije fu Godire korufuo ifejiaga ja vame maeje vierafedufuo.

1 Tesaroniasi 5:21

Ro ire boeje binobino e bu renoevo ije mukoreigia giama areme ni ire ma ijiaru renoekiro ire ise ije giana akariafo.

1 Timoti 4:7

Ro ade suvuare isuiko ije ka ma daro baki bu nijasavo ije fiemo. Ro maza boeje nika Kavene Akae ijadufuo vame ijia uruvana mimatanoekina a daro abeke.

Iburu 6:1

Ijadufuo nobe vua ije no amure fiena Godi ma vierafeva ije kame maza boeje karina kuaenoeke. Ro noka urina vua ije fu kavene nuvuone ifejiaga bu daro abevo ije vierafeke. Ro jade uri ire ise ije bu ja kame arafiriaga ja maza boeje Godi kuarako fu giana arerumo ije renoevo. Ro kuke jade Godi ma vierafevo ijadufuo zinume ijene dabe maza boeje kuaenoevo.

Jemisi 3:2

Ijadufuo maeje e boeje ume igia oenoevo ije no ire ma ijiaru renoejo baki ro noka ire ise boeje renoejo. Ro e ije fu vua fuone fu kuaenoeno ije fu vua ma ijiaru kuaenoeno e ije fuka maturae. Ro kuke fuka korufuo mukoreigia samuanamimo.