Iburu 5:13 - Godido Vua Maeje

¹³ E bino eranebe bu uria vua soegi fiekuae vierafevo ije buje buka uria ame isesina ije bu muije ijo ijieki. Ijadufuo bu vame ize fu ma ro ize fu ise ije buka naebe mukore vierafe.

Iburu 5:13 ပူးပေါင်းရင်းမြစ်များ

Matiu 11:25

Jesu fu ve ijia ijiege kuariama areme una dakude Asoefuo baname isoena kuae, Godi Asoeno, aesakae igiakiro saove gufe samuamo naka ireobo one oemareve. Ijadufuo maeje a e ije bu umeigia vua mukoe vierafena kenoejo ije vua maeje a izege ire binobino remo ije aka kena bu nisauikuriae. A bu ijiege regaro vua maeje aka dabe una e isesina ije bu vierafe isesina keva ije samadirejiae.

Maki 10:15

Ijadufuo ni vua ige na kuariakuvejo ije mukoreigia fiefo. Erare fu ame isesina ige bu na ma vierafevo ijiege Godi ma vierafekuma fu e ije Godi fu oe buone ijia samuagiamo ijena besu maziedufuo. Ro fu bakuma fu izege una buina maziekuma bakino kiae.

Romeni 2:20

Ro kuke maza boeje jare e ije bu naebe mukoreigia vierafena kenoevo ijiakiro e ije bu uria totenamivo ije nijasiavo. Ja vierafero Godido akae ije jane mukoreigia abei ijadufuo vua boeje ja kuaevo ije jane vua ma ijiaru kuaenoevoro ja ijiege vierafei.

1 Koriniti 13:11

Ijiege ro na uria ame isekube reva ije na ame iseke igege vierafena kenoe. Ro iviama nane urina e maki reva ije none vierafe ije fune ubaere. Ijadufuo na una kuke ame isekube ijiege vierafena kenoevo baki.

1 Koriniti 14:20

Ro erafano jade uri ame isesina igege vierafevo. Ro ni ame isesina ije bu naebe ise bino rekuae vierafevo ijiege jadua jade ise bino rekuae vierafevo. Ro nika jone izege ja Kuraesi ma vierafevo ijia e damuiki igege vierafenoefo.

1 Koriniti 3:1

Ro kairafano jaeje jaka uria ume igadufuo vame ije kenoeve. Ro kuke jone ja Jesu ma vierafevo ije jaka uria ame isesina igeki. Ijadufuo vua na kuariaeva ije na naebe e ije bu Kavene Akae abena oenoeko bune e damuiki reva igege kuariae

2 Koriniti 3:9

Ro akae isuiko ije fu e kena isekafiamo ije fu Godido sanaema ijiakuma ruae. Ro una vame iviaeko ije fu e kena maturaega bu una Godido e revo ije fu akae isuiko ijadufuo sanaema ije fuka ma asi. Ijadufuo akae isuiko ije fune mukoreigia bazuarei.

Ifisiani 4:14

Ro nobe una kuke ame isesina igege vierafeke. Ro nobe ire vanage ije bu davare ado ijia naoga majaufi fu ufina abe vame binobino ijia oenoejo ijiege reke. Ro kuke nobe karina e iti kufuiki ijiebuo vua kufui ije bu nijasuovo ije fiejiake. Ijadufuo maeje e ijieki ije bu e biesiriako buka vame ma ijiaru kenoevo baki.

2 Timoti 3:16

Ro vua boeje bu buki akae ijia isoeva ije fune Godire vajiamo bu isoe. Ijadufuo no Godido vua ijia dana vua fuone maeje fiena una e gue nijasiavo. Ro fu vua ijare ise no renoevo ije nijasuoga no ijia giana una mukoregia renoevo. Ro kuke fu vame maeje no kenoedufuo ije nijasuoko no ijia kenoevo.

1 Fita 2:2

Ijadufuo maeje jane E Ireobo fu ja marejiaema ije jane gana vierafei. Ijadufuo janika ame isesina bu mui ikuae ireobo vierafevo ijiege jadua uri kavene jone ijiebuo Godido vua maeje mui igege ikuae vierafefo. Ja kavene jone ijiebuo Godido vua maeje mui igege ikuva kavene jone bu daro abena karikina rade ja mukoreigia Godina karivake.

2 Joni 1:11

E ije bu ise renoejo ijadufuo erare fu bu oemarekinu kaenamiana are fuone ijia uniamo e ije fune vame ise ije bu renoejo ije ifejiana renoene.