Iburu 3:6 - Godido Vua Maeje

⁶ Ro una Kuraesi fuje fu ma Godido Fari. Ijadufuo fu ma vierafena Godido i ije mukoreigia oe vafaena ame fari ije fu agane fuone samuagiamo ijiege e fuone samuagiame. Ro no mukoreigia Kuraesido vua irere no fiena ma vierafeva ije giriesa farena oemarekinu Godi irere fu nuvuefuo rekuveno ije samuakuva ije noeje none Godido agane ijena besu reve.

Iburu 3:6 ပူးပေါင်းရင်းမြစ်များ

Matiu 10:22

Ja noefuo imevo ijadufuo e boeje buka ja ziegafiadufuo. Rove erarebe bu uria giriesa faememarena noefuo imena vakuma ubine ijia usiaevo e ije Godi fu karauniake.

Matiu 16:18

Ijadufuo igia fie, Aeje iviama ive one na Fita kuake. Ro ive ijadufuo maeje tugie ka gikikima ijene. Ijadufuo na e none na ma vierafevo ije na kena a uniaejake. Na uniaejaga are samuagiaga buone ma vierafevo ije fuka gikikima reke. Ro Setanido e ije buka daro bakido bu vame one a kenoeno ije bube bijukuraejake.

Matiu 24:13

Rove e ije erare fu fuone ma vierafemo ijia fuka uria giriesana vakuma ubine ijia kekemo ije Godire e ije kenujake.

Romeni 11:22

Ro ni vierafe Godi fuka e mukoreigia oetuakinu ifejiamo. Ro kuke maza bino fuka e kame isekafiaga bu vajae fiane abekinu ro oefiane abevo. Ro Godi e Jiusi ije fu kame isekafiamo ijadufuo maeje bu korubuo fu ijuemaeva ijadufuo fu ijiege rei. Ro e Jiusi baki ije Godi ja naebe ijuemae. Ijadufuo ja fu mukoreigia oetuakinu ma vierafekuva fuka ja mukoreigia oetuakinu ifejiake. Ro ja naebe ijiege rekuva jaeje fu uije ije fu nafe koremo ijiege fu kuke ja nafe koreke.

Romeni 12:12

Ro ja ma vierafega Godi fu rade ire ma bino jone rekuma ije nika oemarekinu samua karinoefo. Ro kuke ja oenoene vajae fiane binobino biediana isejavaekuva ije nika sone oe vafaena biediafo. Rove maza boeje nika giriesana Godido baname isoekinu karinoefo.

Romeni 15:13

Ijadufuo naka joefuo Godido baname isoega fu ifejiaga ja jone ma vierafevo ijia jaka oemarekinu kafaena karivake. Ro kuke fu Kavene Akae ijadufuo daro ijia ifejiaga ja maza boeje ma vierafena kari vake.

Romeni 5:2

No Jesu Kuraesi ma vierafeva ijadufuo fu vame nuvuone amaerijuomo no Godido vame maeje gae. Ijadufuo iviama none una Godido vame maeje ijia fuina karinoeve. No vierafe Godi fu rade kaenamuoga no fuina fuone sanaema ijia karivakuae noka ijadufuo ireobo oemareve.

1 Koriniti 3:16

Ro vua ige naka ma kuariavono fiefo. Jaeje ja Godido are igeki ro Godido Kavene ije fu oe jone ijia fine ijadufuo are ije fuka ma akae. Ijadufuo e be erare fu Godido are ije dabe arafirikuma Godire e ije dabe isekafadufuo.

1 Koriniti 6:19

Ro e besubesu vajae surive jone ije fuka ma akae. Ijadufuo maeje fu Kavene Akae ije Godi fu vajiaema ije fu ijia fino. Ijadufuo vajae surive jone ije bu sinuome jone baki. Ijadufuo maeje Godi fu Kuraesi kuamo fu nuvuefuo kurosi ijia baronena ise ije no renoevo ijia fuaevena karaunue. Ijadufuo vajae jone ije kena una irere Godi fu oemaedufuo ijiaru renoefo.

2 Koriniti 6:16

Ro kuke Godido are bu baname isoevo ije bu kuke are besu ijia godi kufui ije baname isoevo baki. Ijadufuo maeje Godi fu oe nuvuone ijia fino ijadufuo oe nuvuone buka are akae fuone. Ijadufuo maeje bune isuibe Godido buki akae ijia ijiege isoena kuae, Na e none ijena finoekinu ro buina oenoeke. Ro kuke na Godi buone rekega bu e none rekono kuae.

Garesiani 6:10

Ijadufuo ja oenoene maza ma bino kevo ije ni e bino eranebe bu oefiane abevo ije ifejiafo. Ro kuke ni kairafa jone gue Godi ma vierafevo ije ireobo vierafekinu bu marejiafo.

Garesiani 6:9

Ijadufuo nobe vame maeje no kenoejo ijia aemueva igege kenoedufuo. Ijadufuo maeje no naebe arekuva no maza ije Godi fu nijaema ijia ire maeje gue kedufuo.

Ifisiani 3:12

Ro noeje none Jesu Kuraesi ma vierafevo ijadufuo nobe Godido nidua ijia vakuae nuanamikiro nome zinune vake.

Korosiani 1:23

Ijadufuo nika giriesa ijuoebaki rena darokuma Godi besu ije ma vierafefo. Ro jade mamoena Godido vua maeje ja ude fieva ije arevo. Ro igia fie, na Foru nadua na Godido imena vua besu ije dabe are irore igia nijasianoeve.

1 Tesaroniasi 5:16

Ro jaeje ja Godi ma vierafeva ijadufuo nika maza boeje fuone oemarekinu baname isoeke.

2 Tesaroniasi 2:16

Ro E Ireobo Jesu Kuraesikiro Godi Asoe nuvuone buka maza boeje no oetuavo. Ijadufuo Godi fu fuone izege fu no ma rejuomo ijadufuo duvado ijia maza boeje ifejuoko noka uri giriesana ire maeje fu nuvuone rekuveno ije samua karinoeve.

1 Timoti 3:15

Na ijiege isoena nijaekina a vame izege Godido e ije bu buone samuanamikinu karinoejo ijene dana vierafedufuo. Ro Godido agane ije bu Godi ije maza boeje ijia fivako ijadufuo sosi ijene. Ro sosi ijare Godido vua maeje bu nijasiavo ije bijuadufuo.

Iburu 1:2

Ro iviama maza ige Godi fu Fari fuone ije fu kuamo fu ume igia ruaema ijadufuo duvado ijia no vua kuarue. Ire boeje Godire Jesudo duvado ijia amaeriama areme kena vajamoga fu samuagiae.

Iburu 10:19

Ijadufuo uviarafano iviama no Godido sanaema ijia karinoedufuo ije fu erare vafuokuma baki. Ro kuke fune Jesure kavuane fuone fu nuvuefuo usiaema ijia fune vame nuvuone amaeri. Fune Jesure e zinone ifaejemo igege rena ugone ije asina Are Ka Ma Akae ijia aruna vae. Ijadufuo fune fure vame nuvuone amaerima ijadufuo iviama noka oemarekinu Godido nidua ijia vadufuo.

Iburu 10:21

Jesu fuka ma e ireobo nuvuone zinone ifaejemo fu Godido e ije samuagiamo. Ijadufuo noka ma vierafe areme oe maturaena Godi ivuake ijia vake. No izege no do mukore ijia vajae nuvuone ruoriaga fu maraduomo ijiege ise nuvuone fune Jesure kavuane fuone ijia soejue. Ijadufuo noka ma vierafero jaebirena Godido nidua ije vake.

Iburu 10:23

Ro noka vua maeje no ma vierafekinu ro abe e kuarianoevo ije mukoreigia faradiana giriesake. Ijadufuo maeje no ma vierafega Godi fuka vua ije fu kuaema ije rekiro samuae.

Iburu 10:35

Ijadufuo jade jone izege ja ma vierafevo ijia mamoevo ro nika giriesafo. Ijadufuo maeje ja ijiege rena vakuva Godi fu ijadufuo una vegue vame ma bino jone reke.

Iburu 11:1

Ro ma vierafevo ije irere? Ma vierafevo ijeja no ire ije no ni nuvuone ijia giavo baki ro nome oe ijia ma vierafero ire ije bu rade rekiro no ijiege vierafevo ijene.

Iburu 3:14

Ro no vua amure no fieva ije mukoreigia vierafena abe gikikimana fare vakuva maza rade no Kuraesido sanaema ije akaegue abeke.

Iburu 4:11

Ijadufuo noka giriesaekina no Godi aesakae ije mauike karidufuo ije fu muoko kuaema ijia vake. Ro nobe e Isureroko ije bu vua fuone naebe fiekinu irinaeva ije matiana Godi ijuegafadufuo.

Iburu 4:14

E Ireobo Jesu Kuraesi Godido Fari ije fu nuvuefuo zinone ifaejemo ije fune una saove gufia Godido sanaema ijia vae. Ijadufuo no Jesu e ije no ma vierafevo ijadufuo vua ije giriesana farena vadufuo.

Iburu 4:16

Ijadufuo nika giriesaga no Godi daroki ije fu e mukoreigia oetuakinu samuagiamo ije fino ijia vafo. No ijia vakuva fure oefiane nuvuone boeje ifejuona dasumuoke.

Iburu 6:11

Ijadufuo no vierafe e besubesu jaka giriesana ijiege renoeke. Jaka maza boeje ijiege urukeigia renoekina ja maza rade irere ja oe vafaena samuavo ije kedufuo.

Iburu 6:18

Ijadufuo ire inokiro ije fu kuaema ije fube kufuimeke. Ijadufuo e ije no Godi ma vierafevo ije noka ire inokiro ije vierafedufuo. Noka ive fuone fu kuranamima ijiakiro vua fuone daroki ije bu no ifejuoga noka Kuraesi ma vierafekina no vame ma karivako fu kuema ije abedufuo no ije vierafeke.

1 Fita 1:8

Ja Jesu Kuraesi ja naebe ni jone ijia gae rove jame fu oetuakinu ro ma vierafeve. Ijadufuo jaka oemadiado ja izege una vua ijadufuo kuaekuva baki.

1 Fita 2:5

Ro jadua jaka tugie mukore ijene ijadufuo Godi fu ja kena are ije Kavene Akae fuone fu ijia fivadufuo ije same. E Jiusi ijiebuo e zinone ifaejevo ije bu Godido Are ijia aruna zinone ifaejevo. Ijadufuo jadua janika ijiege rena oe jone ije kena Jesudo duvado ijia zinone igege Godi vajafo. Ja ijiege rekuva Godi fuka oemaredufuo.

1 Fita 4:17

Ijadufuo maeje maza ije Godi fu ume igia ire binobino no renoevo ije kena mazie guodufuo ije fune ijifureki zinuivene. Ijadufuo Godi fuka amure e fuone bu fu ma vierafevo ije ke mazie giake. Ro Godi fu e ige no fuefuo imejo ije fu amure kena mazie guokuma ije na vierafe e ije bu vua fuone naebe fiena irinavo ije rade fuka vame ma ise ijia isekafiake.

Revaresoni 2:18

E Ireobo ije fu kie, Ni vua none ige isoena kavene maeje fu sosi Taetira samuamo ijadufuo duvado ijia e none ijia kariva ije nijiano kie. Ro vua ije fu Godido Fari e ije ni fuone miane maro igeki ro diatare fuone fuka ma abaekimana ire gorodi zine iramo igeki ijadufuo vuano kiane.

Revaresoni 2:26

Ro erare fu mukoreigia Setanido vame ise fu biesirimo ijia naebe mamoe ro fuka giriesana asidiana vame maeje none na vierafeva ijiaru kena vakuma na una ruakuva ijia na ja daro ije Asoe none fu miema ni besu ije miaga ja aesakae boege samuadufuo.

Revaresoni 3:11

Naka iviama igiebo ruovo ijadufuo giriesana vame maeje ja kevo ije kenofo. Ro jade mamoega e binobe ja asidiana kavene ijadufuo ire maeje ja saove gufia kedufuo ije kevo.