Iburu 3:18 - Godido Vua Maeje

¹⁸ Ro kuke Godi e ije fu erane vua gikikimana kuariana kia bube aesakae ije bu mauike karidufuo fu miako kiaema ijia vakono kiae? Fu e Isureroko e ije bu fu naebe irinae ro buka faememarena una fuone ise reva ije kuariae.

Iburu 3:18 ပူးပေါင်းရင်းမြစ်များ

Nabasi 14:11

Areme E Ireobo fu Mosisi kuae, E ije bu maza izege na oe isema vierafekinu na ijuoneke? Bu ire sumiki daroki ma uruvana ije na buone revo ije buka naebe giena ma vierafe.

Nabasi 14:30

Ro e besukua be fube aesakae ije na ive none kuranamina abe ja miakiro kuaeva ijia ura vake. Ro fune Kerabi e Jefunado fari ijiakiro Josua e Nanedo fari ijiebe buosukua bu aesakae ijia vake.

Nabasi 20:12

Rove Mosisikiro Eroni ire ije bu reva ije bu naebe una E Ireobo ijadufuo vierafe ijia nuvena rei. Ijadufuo fu una Mosisikiro Eroni kiae, Naeje naka E Akae. Rove ja e Isureroko ijiebuo nidua ijia ja naebe daro akae none ma vierafe ro jame uri daro jone ijia mune ije kanavo do ije fu ijia ari. Ijadufuo E Isureroko bu naebe na ma vierafekinu aguariedo jabe e ije kaenamiana aesakae ije na bu miakiro kuaeva ijia vake.

Joni 3:36

Ro igia fie, erare fu Fari fuone ije ma vierafekuma e ije fu vame ma karivako ije abeke. Ro erare fu fari fuone ijadufuo vua ije naebe fiena iriniakuma e ije Godido ziemo ije fuka maza boeje fuosiki navake. Ro kuke fube vame ma karivako ije abeke.

Romeni 11:30

Ro ude e Jiusi baki ije jaeje ja Godi irinavo baki. Rove Godi fu iviama e Jiusi ije bu naebe Godi irinavo ijadufuo fu una jone oefiane abena ise jone giana arekinu karauniame.

Iburu 3:11

Ijadufuo naka ireobo ziena ive none ijia kuranamina vua gikikimana kuariae. Na kia bube aesakae ije na miaga bu mauike karidufuo ijia vakono kiae.

Iburu 4:11

Ijadufuo noka giriesaekina no Godi aesakae ije mauike karidufuo ije fu muoko kuaema ijia vake. Ro nobe e Isureroko ije bu vua fuone naebe fiekinu irinaeva ije matiana Godi ijuegafadufuo.

Iburu 4:2

No Godido vua maeje e Isureroko bu fieva ije nodua none fie. Bu vua ije bune fie rove fu ire ma be naebe buone rei. Ijadufuo maeje bu vua ije buka naebe abe oe buone ijia ma vierafe.

Iburu 4:6

Ro maza ije fu uriado e bino bu aesakae ije mauike kafaena karidufuo ijia vake. E ije bu ude vua maeje bure fie rove aesakae ije mauike kafaena karidufuo ije bu naebe vae. Ijadufuo maeje e ije buka faememarena Godi naebe mukore irinae.