Iburu 3:13 - Godido Vua Maeje

¹³ Ijadufuo e besubesu nika maza ige fu uria namo ijia maza boeje jone ejafanamina Godi ma vierafefo. Ijadufuo maeje ja ijiege rekuva ise ije fube biesiriaga ja una ise rena Godi ijuemake.

Iburu 3:13 ပူးပေါင်းရင်းမြစ်များ

Ekisi 11:23

Fu vakuma garia kekena izege Godi fu e ije daro miaema ije giamo fuka oemae. Ijadufuo fu uri soesoena kiae, Jade E Ireobo ije ijuonekiro nika maza boeje fu mukoreigia aguaena irinana karinoeno kiae.

Romeni 7:11

Ro kuke fune akae ijare vame amaerima ijadufuo ise boeje bu oe none dabe dakudevo ijadufuo iviama kavene none fune baronema igeki.

Ifisiani 4:22

Ijadufuo ni vame jone isuiko ije ja ijia kari ruaeva ijene giana ijuegafiafo. Ijadufuo maeje fu vame isuiko ijare ja kame arafiriamoga ja uri vame ise binobino rekuae vierafenoe.

1 Tesaroniasi 2:11

Ro vame izege no ja e besubesu samuagiakinu ifejiaeva ije jane vierafei. Jaeje noka asoe ije fu anafa fuone samuagiamo ijiege samuagiae.

1 Tesaroniasi 4:18

Ijadufuo ni vua ige no kuariavo ije abe jone kuaena ejafanamikinu karinoefo.

1 Tesaroniasi 5:11

Ijadufuo vua ige na E Ireobo fu una ruadufuo na ije kuariave. Ijadufuo ni vua ije dabe joe kuaena ejafanamikinu ifenamina ire ma ijiaru oe jone ijia vierafena renoefo. Ro ire ije jane iviama renoeve rove na una kuke kuariave. Ijadufuo ire ije ja revo ije nika una kuke biona mukoreigia renoefo.

2 Timoti 4:2

Anika maza boeje Godido vua ije abena mazani ise ro ma ijia e nijasiakinu kaenamiana urari uniane. Ro a maza bino kuariakuma nika kuriaerekinu kabuaekabuaeki oe vafaena kuariane. Ro kuke nika soesoekinu mukoreigia kuariane.

Iburu 13:22

Uviarafano na ja soesoena kiavono ni oe vafaena kari vua ige fu ja ejafiamo ije fiefo. Ijadufuo maeje fasi ige na isoena nijiavo ije fu jiamadogo baki ro fuka dubusiki.

Jemisi 1:14

Ijadufuo maeje ise ije bu e ige nore konuvuo vierafena renoeve. No ire ise ije kame oe nuvuone ijia urukeigia vierafenoevo fu ijare oe nuvuone kame kuderiaga no ise renoeve. No ise ije renoevo ijadufuo ise nuvuone ijiebe kavene nuvuone ije buneka mukore kaniaga bu oeve.