Iburu 13:1 - Godido Vua Maeje

¹ Uviarafano nika giriesana kairafa jone ije Godi ma vierafevo ijena jone oetuanamifo.

Iburu 13:1 ပူးပေါင်းရင်းမြစ်များ

Joni 15:17

Ro na una kuke kia nika jone mukoreigia oetuanamikinu karinoefo.

Ekisi 2:1

Areme maza ije bu kua Fenitikosino kuavo ije romoga e boeje Jesu ma vierafevo bu una are besu afui.

Ekisi 4:32

Areme e boeje Godi ma vierafevo ije buka oe besu vierafe areme uri sinuome buone karina ivajuonami. Ro maza ijia e besukua be fu sinuome fuone fu naebe ke ruriae ro bume oemarena vekinu ivajuonami.

Garesiani 5:13

Ro uviarafano Godi fune ja kumema ijadufuo fune ja karauniae. Ijadufuo akae isuiko ije fube ja samuagiana uti faradiadufuo. Ro kuke jade una vame ise ije vajaema jone bu rekuae vierafevo ije renoejo. Ro e besubesu nika jone izege ja e oetuavo ije jone nijaenamikinu ifejanaminoefo.

Garesiani 5:22

Ro Godido Kavene ije fu oe nuvuone ijia fikuma no fu vierafema ijia nuvena kenoeke. Ro Kavene ijadufuo vame maeje no renoega e bu ijia guodufuo ijeja e oetuavo ijiakiro oemarevo ro kafaevo ijiakina vame kabuaekabuaeki karijo ijene. Ro kuke oe vafaena karivo ijiakiro e vajuki revo ijiakina e gue marejiavo ro ire maeje ijuoebaki maza boeje giriesana renoevo ro kuke konuvuo samuanamivo ijene. Ro ire ije na kuaeve ije bu Kavene Akae ijadufuo ire maeje. Ijadufuo fu erare akae be nijana ire ije bijukuriakuma baki.

Garesiani 5:6

Ro no Jesu Kuraesina besu revo ije vajae surive kaniaufuna nuga navo fu ire ireobo baki. Ro ire besu ka ma ireobo ijeja fune jone izege ja Kuraesi ma vierafekinu oetuanamidufuo ijene.

Ifisiani 4:3

Noeje fune Kavene Akae ijare vame izege no oe besu rena karinoedufuo ije abe mue. Ijadufuo janika ijiege giriesakinu karinoekina ja e boeje ijena kafaena karinoedufuo.

Ifisiani 5:2

Ro jone mumaza ja karinoevo ije nika izege Kuraesi fu no oetuamo ijiege una kairafa jone ije oetuafo. Ijadufuo maeje fuka no ifejuokiro vierafe ijadufuo fu arekoga bu fu kanae. Ro fu baronema ije fuka zinone udi mukore ijare utuana ajia vakoga Godi fu fiemo fuka oemae.

2 Tesaroniasi 1:3

Erafano, no joefuo maza boeje Godi no oemarevo ije fune maredo noka ijiege renoeke. Ijadufuo maeje jone izege ja Kuraesi ma vierafevo ije funeka gikikimana reme. Ro kuke e besubesu jone izege ja una kairafa gue oetuavo ijedua funeka ma ireobo reme.

Iburu 10:24

Ro kuke noka vame izege no nuvuone oetuanamikinu ejafanamina ma renoejo ije nuvue nijaenamidufuo ije vierafeke.

1 Fita 1:22

Godire vua fuone ije fu maza boeje ijia navako ijadufuo duvado ijia vame iviaeko maeje abena miae. Ro ja Godido vua maeje jane mukoreigia irinae ijadufuo oe jone ije fune mukoreigia amaeriae ijadufuo iviama jane una kairafa jone bu Godi ma vierafevo ije oetuave. Ijadufuo iviama nika oe jone ro daro jone ijiakuma jone oetuanamifo.

1 Fita 2:17

Ro janika e boeje aguariaro e jone ije Kuraesi ma vierafevo ije mukoreigia oetuakinu ro Godi e daroki ije mukoreigia aguaekinu oemarejafo. Ro kuke janika e Kini ije fu e mamekanu ije samuagiamo ije aguaefo.

1 Fita 3:8

Ro igia fie, e boeje janika oe besu rena iviene uvia igege mukoreigia oetuanamifo. Ro oe besu vierafena e guebuo oefiane abena ifejiakinu karinoefo. Ro kuke janika kabuaekabuaeki oenoekinu kairafa jone ijene marejiakinu karinoefo.

1 Joni 3:23

Ro vua ije Godi fu no kuaruema ije fu kuo janika Fari none ije ma vierafefo. Ro nika izege fu ude kuaruema ijiege rena kairafa jone mukoreigia oetuano kue.

1 Joni 4:20

Ro erare fu kuae fu Godi oetuamono kuae ro fu una kairafa fuone ije ziegafiamo ije fuka kufuimene. Fu kairafa fuone fune giamo ije fu naebe mukoreigia oetuakuma fu izege Godi ije fu naebe gaema ije mukoreigia oetuake?

Revaresoni 2:4

Rove na ise jone be nijasiako ni fiefo. Ja izege ja na ude zinuivena oetuaeva ije jane arekoga fune una garei.