Iburu 12:3 - Godido Vua Maeje

³ Ro ni izege ise boeje bu Jesudo vajae ijia ruaema ije vierafefo. Fu e ise ijiebe ire ise boeje fuone revoga fuka sone oe vafaena isejavae. Ijadufuo ije fu rema ije vierafekiro jade jone ja ma vierafevo ijia mamoena arevo.

Iburu 12:3 ပူးပေါင်းရင်းမြစ်များ

Matiu 11:19

Ro una Ema ijiebuo Fari ige na keke ire ikinu do vuaeni ivone bu una kuke ijene ijuoneve. Bu ijuonena kuaevo, Jame e guraeje gafo, fu ire boeje funeka abe i furina uri do vuaeni uibe ino gafo. Ro kuke fuka e ije takesi abenoevo ijiakiro e ise revo ijena kaikaranoeno kuaeve. Rove igia fie, e ma vierafevo ije bu Joni i irere fu menoeno ro na renoevo ije bune guona vierafei. Bu vierafe Godi irere fu vierafena remo ije fune mukoreigia remoro bu ijiege vierafevono kiae.

Matiu 12:24

Bu ijiege kuaenoejoga e Feresi ije bu fiena una kiae, E ije fu kavene ise Setani e Birizibuno kuavo ijadufuo e. Ijadufuo fure daro maga fu kavene ise ije kuriaerega bu fu irinana e ije arena usiae vakono kuae.

Matiu 15:2

Bu usiaena kuae, E vua one fievo bu irerefuo vame isuiko asaerafa nuvuone ijiebuo no nuvediavo ije bu naebe ijia nuvediave. No asaerafa nuvuone ije bu ire ikuvejo ije ude buka umui do so areme ire ivo. Rove e one bu vame ije bu naebe ijiege renoeve.

Matiu 21:23

Areme Jesu fune e vua fuone fievo ijena una Godido Are bu baname isoevo makave ijia vae. Fu ijia aruna vua nijasiamo ijia e Godido zinone ifaejevo ijiebuo e mamekanu ijiakina e Jiusibuo e mamekanu ije bu usiaena Jesu kuae, Daro ije a abena ire ije renoeno ije a izia abei? Ro kuke daro ije erare abe maemano kuae?

Matiu 21:46

Ijadufuo bu urina Jesu farena tokuae vierafe. Rove e boeje ijia ruaeva ije bu vierafega Jesu funeka ma e be fu Godido vua vierafena kuaemo ijene. Ijadufuo e mamekanu ije buka jumena ire bino bu naebe fuone rei.

Matiu 22:15

Areme rade e Feresi gue bune usiaena va vame izege bu Jesu biesirina duna kuadufuo ije kuaena amaeri.

Ruki 14:1

Areme maza ije e Jiusi bu mauike karina Godi baname isoevo ijia e Feresibuo e ireobo ije fu Jesu kuamo fu are fuone ijia fuosiki ire ikiro vae. Ro e boeje ijia ruaeva ije buka uri fu ni veri arega fu irere rega bu gakuae.

Ruki 15:2

Rove e Feresi ijiakiro e vua akae nijasiavo bu ije giana uri dabe bue kuaena sagui. Bu kuae, E ije fuka e ise ije oemarejiakinu kaenamiana buina ire inoeno kuae.

Ruki 16:14

Rove e Feresi ije buka moni uruke oetuavo ijadufuo bu Jesu vua ije fu kuaemo ije fiena buka uri dabe varaemei.

Ruki 2:34

Ijiege rena Simioni fune uri Josofukiro Meri daro miae. Areme fu una Meri kuae, Ame ige fu Godire kuamo fu ruae. Ro fure e Isureroko ije kame ataseke. Fure e ije eranebe bu fu ma vierafevo ije fu karauniakinu ro eranebe bu fu ijuonevo ije fu kame isekafiake. Ro fure ijiege rega e uruvana buka una fuina nigaraedufuo.

Ruki 5:21

Jesu fu vua ijiege e adagi ije kuaramoga e vua akae nijasiavo ijiakiro e Feresi gue bu vua ije fie. Areme bu uri bue kuae, E gure fuje fu e izeki ijadufuo fu Godido ive dabe buzeime? Ema ige fu erare e guebuo ise ije giana arekuma baki ro fune Godi fuosukuano kuae.

Joni 10:20

E uruvana bu kuae, E ije fuka kavene ise ijare niromo ijadufuo fu nigofo iserei. Ijadufuo ja irerefuo jaka vua fuone ije fiekuae vierafevano kuae.

Joni 18:22

Jesu fu ijiege e ireobo ije kuaramoga e Godido Are ije juo karijo be fu ivuake ijia manido fu uri nikubae ijia kanae, Fu kanakinu kuae, E ige a erare kuaga a vua ijiege una e ireobo gare kuaramono kuae.

Joni 5:16

Ijadufuo e mamekanu ije bune uri vame ije Jesu fu rema ijadufuo una vua ise bino fuesina kuae. Ijadufuo maeje Jesu fu maza akae ije e Jiusi bu mauike karina Godi baname isoevo ijia e adagi ije amaerima ijadufuo bu ijiege rei.

Joni 7:12

Ro e ije afuiva ijia e gue bu mauike karina fuesina bue kuaevo. E ije fuka e mano kuae. Ro e gue bu kuae, E ije fuka vua kufui ije e uruvana nijasianoeno kuae.

Joni 8:13

Fu ijiege kuariamoga e Feresi ije bu urina kuae, Aeje aka koro a e izeki ijene dabe no kuaruomo. Ijadufuo no vierafega vua irere a kuaemo ije fuka ma bakino kuae.

Joni 8:52

Jesu fu ijiege kuariamoga e Jiusi ije bu urina kuae, Iviama no samadukua gaga aeje aka kavene ise ijare nirokae. E Eburamekiro e Godido vua vierafena kuaevo ije bune oe furi ro a irerefuo kuae erare vua none ige fiena iriniekuva bube oekono kuae?

Joni 9:40

Jesu fu vua ijiege e ije kuaramoga e Feresi gue ijia ireva bu vua ije fie. Ijadufuo bu una Jesu kuae, A ijiege kuaedo nodua nobite no ni kuzekino kuae?

1 Koriniti 15:58

Ijadufuo erafano ja isekie nika giriesana kevafo. Ro jade mamoega e gue bu vame binobino ijia jone izege ja ma vierafevo ije kame iserejiavo. Ro nika E Ireobo ijadufuo i ijene maza boeje mena ifenana vafo. Ijadufuo maeje jane vierafe ire binobino ja fuefuo renoejo ije jame aemasane abena renoejo baki.

2 Koriniti 4:1

Ijadufuo fune Godire fuone izege fu no oetuana ma rejuomo ijia fu i ige no vua fuone maeje e nijasiadufuo ijene vajue. Ijadufuo irufui binobino no biediavo ije noka uria ijia faememarena imenoeve.

2 Koriniti 4:16

Ro e uruvana buka una oe kuderiana Godi ma vierafevo ijadufuo no i ije no mevo ije nobe areke. Ro no vajaema nuvuone fune eoraduona mamosuome rove Godido Kavene ije fu oe nuvuone ijia fino ijare maza boeje kavene nuvuone ije kena una e iviaeko igege amaeraduome.

Garesiani 6:9

Ijadufuo nobe vame maeje no kenoejo ijia aemueva igege kenoedufuo. Ijadufuo maeje no naebe arekuva no maza ije Godi fu nijaema ijia ire maeje gue kedufuo.

2 Tesaroniasi 3:13

Ro kairafa none eranebe ja naena Kuraesi ma vierafevo ije jane vame ma ijia kenoejo ijadufuo jade arevo.

Iburu 12:2

Ro kuke roga no Jesu e nigofo nuvuone ije fu izege no nijasuoga no Godi ma vierafevo ijene abe ni garine guria nijana veri vafo. Fu kurosi ije gana are vaema baki ro fuka oemarevo ije fu rade biedufuo fu ije vierafei. Ijadufuo fu izege ije fu isejavaena jaevedufuo ije fu naebe jumei. Ijadufuo iviama fu Godido umui maeneke fata fuone maeje ijia fine.

Iburu 12:5

Ijadufuo jade vua ije Godi fu izege anafa fuone ije soesoekinu ejafiana kuariaema ije totevo. Fu kuae, Anafa none igie E Ireobo fu ja madiakinu kaenamia urari uniamo ije jade oefiane abekiro nika oemarekinu mukoreigia fiefo.

Iburu 3:1

Ijadufuo uviarafa none Godi ma vierafevo ije fune Godire besu naena kumedo no rade saove ijia fuina karivake. Ijadufuo ni Jesu e ije Godire kuamo fu vua fuone abe ruaema ije no kuae fu nuvuefuo e zinone ifaejamo igege remono kuaevo ije vierafefo.

Revaresoni 2:3

Ja naebe mamoena ijia arei ro jaka uria giriesana noefuo imena ive none ijia isejavaeve.