Iburu 12:29 - Godido Vua Maeje

²⁹ Ijadufuo maeje fuje fuka ire miane ijiekido fu ire boeje bu naebe maturaeva ije fuka nae furidufuo.

Iburu 12:29 ပူးပေါင်းရင်းမြစ်များ

Una Kaenamiae 15:7

Ro are daro one ka ma daroki ijia e ani one bijukuriana kame korei. Ro defarure one ijare tavuana buje fu nubuane igege nae.

Nabasi 11:1

Ro e Isureroko boeje buneka zinuevena uri irufuo binobino bu abevo ijadufuo ziena kuaenoejoga E Ireobo fu ije fie. Ijadufuo fuka ma ireobo defaruimoga fu miane kuamoga fu bu kariva uve ijia ari. Fu ijia arina uri are ikene akaegue naenoga e boeje bu urina Mosisi uruke igia vijena kume, Ro no ifejuomono kumei. Bu ijiege kumejoga Mosisi fu uri Godi baname isoemoga miane fu ijia vafae.

2 Koriniti 5:11

Ijadufuo no vierafe e boeje bu Jesudo nidua ijia irekuva buka ireobo jumedufuo. Ijadufuo noka e boeje soesoega bu vame maeje ijiaru kenoedufuo no ije vierafe. Godi fu ire ige no renoejo ije fune vierafei ro kuke jadua ja vame izege no kenoejo ije jane vierafei.

2 Tesaroniasi 1:7

Ro iviama ige ja isejavaevo ije Godi fu ijadufuo rade ja abero no abe besu karaunuoga no vajae fiane baki karivake. Ro ire ije fu redufuo ije fu maza ije E Ireobo Jesu Kuraesi fu anera fuone daroki ijena saove gufia ari ruomo ijia fu ijiege reke.

2 Tesaroniasi 1:8

Ro maza ije E Ireobo Jesu fu una ari ruomo ijia vajae fuone fuka miane ma ireobo ijare ijia naena kavuaeke fu ijiakuma ari ruake. Areme Jesu fu eranebe bu naebe Godi vierafevo ijiakiro e ije bu vua fuone maeje bu kuariaevo ije naebe iriniavo ije kame isekafiake.

Iburu 10:27

Ro noka jumekinu Godi izege fu rade ise nuvuone no renoevo ije kena mazie guokuveno ije samuake. Ijadufuo maeje Godi fuka izege fu e ani fuone ije kena miane naeno ijia isekafiadufuo ijiege fu no kame miane ije fu maza boeje naeno ijia isekafuodufuo.

Iburu 10:31

Ijadufuo erafano, Godi e daroki ije fu no kame ijiege isekafuodufuo ije fuka ma omise.

2 Fita 3:7

Rove iviama Godi fu una kuae, Na sakae igiakiro saove ije ro e ige iviama ume igia oenoevo ije maza radekuma ijia miane ireobo ije kuaga fu naeke. Ro kuke mazani besu ijia na e ije bu naebe Godi ma vierafena vame maeje ijia kenoejo ije kame isekafiakono kuae.