Iburu 12:27 - Godido Vua Maeje

²⁷ Ro vua ije fu ijiege kuaema ijadufuo maeje ire ume igadufuo ije Godi fu kena uvedufuo ije bu bakiredufuo. Rove ire maeje bube bakirekiro bu uria ijia naona vadufuo.

Iburu 12:27 ပူးပေါင်းရင်းမြစ်များ

Matiu 24:35

Ro saove gufiakiro sakae ige buka bakireke ro vua none fube bakirekiro fu maza boeje ijia navakono kiae.

Romeni 8:19

Ro ire boeje Godi fu amaeriaema ije bu maza ije Godi fu una anafa fuone boeje kena samadirega bu giakuae bu ijadufuo ireobo ijafunekinu samuave.

Romeni 8:21

Godi fu isuibe vierafega fuka maza rade ire boeje fu amaeriaema ije karauniakiro fu ije vierafei. Fu vierafe ire fuone boeje bu isejavaekinu buraevo ije buka areke. Bu arega fu fuone sanaema ije fu abena anafa fuone ije miaema ijiege fu abena una budua miaekina bu dazena ma karivakiro fu ije vierafei.

Iburu 1:10

Ro kuke fu kuae, E Ireobo are iko zinume ijia aesakae boege amaeri ro umui one ijia saove ije amaeriae.

Iburu 13:14

Ijadufuo maeje e gue bu vierafero bu sidove Jerusareme ije ume igia namo ijia maza boeje karina Godi baname isoekinu vakiro bu ije vierafe. Rove noeje no vierafe noka sidove ije saove ijia namo fu ruakuveno ijene samuakina no rade ijia ma karivake.

Iburu 9:11

Rove fune Kuraesire iviama e ireobo zinone ifaejemo rena vame iviaeko no iviama nuvevo ije ifejuome. Ro Kuraesi fu ume igia are ije ema ijiebe saeva ijia imeno baki. Ro fuka saove ijia are ije ka ma mukore ema ijiebe saeva baki ijia imene. Kuraesi fume kaginu e boeje ijiebuo Are Ka Ma Akae ijia kavuane fuone abena ijia usiae. Ro fu mave ro fanuve binobuo ijiebuo kavuane ijia abena Godi zinone ifaejakiro vaema baki. Ro fuka kavuane fuone ijia abena no karaunuoga no ma karivakiro fu ijadufuo vae.

Revaresoni 11:15

Anera naba seveni ije fune vegu fuone ije dabe ufenoga e uruvana bu saove ijia urukeigia kumei, E daroki ije fu aesakae boege samuadufuo ije fune iviama una Godi E Ireobo nuvuone ro E Ije fu kuamo fu ruaema ijadufuo daro rotire ijia fine. Ijadufuo fure maza boeje aesakae ige samuakinu fivake.

Revaresoni 21:1

Areme na aesakae ijiakiro saove iviaeko ijene giae. Ro aesakae ijiakiro saove isuiko ro do davare ije bune bakire vae.

Revaresoni 21:4

Ro fure nido buone ijefikorejiake ro kuke rade bube una oeke. Ro vajae fiane ijiakiro oefiane ije rade bube una biediake. Ro vame isuiko ije funeka mukoreigia bakire vaemano kumei.

Revaresoni 21:5

Areme e ije fata ijia fino ije fu kumei, Igia gafo. Iviama na ire boeje kena una iviaeko revono kumei. Ro fu una kuke kie, Vua ige isoene ijadufuo maeje vua ije fuka ma ijadufuo buka ma vierafekono kumei.