Iburu 12:23 - Godido Vua Maeje

²³ Ro ja e ije Godi ma vierafevo ive buone Godire isoema bu kariva ijia buina oemarekinu afuina karikuae ruae. Ro jane Godi ije fu e boeje kena mazie giadufuo fu fino ijia ruae. Ro kuke jane e ije Godi ma vierafevo ije bu oeva ijiebuo kavene maturaeva Godire amaeriama bu saove ijia kariva ijia ruae.

Iburu 12:23 ပူးပေါင်းရင်းမြစ်များ

Iko Zinume 18:25

Ro na ma vierafega e ise revo ije a kaniakuveno ije abe e masoki ijiakuma kaniake. A ijiege rekuma ije fuka naebe maredufuo. Ro a e ume igeko ijiebuo ise ije a kena mazie giamo ije na vierafe aka mukoreigia vame ma ijia mazie giano kuae.

Una Kaenamiae 32:32

Ijadufuo E Ireobo a isekie ni ise buone ije giana arene ro a bakuma ni ive none ije a buki ije e one ijiebuo ive a isoema ije masi akoejieno kuae.

Una Kaenamiae 4:22

Fu ijiege rekuma ni urina kua, E Ireobo fu kume, Na E Ireobo nare kume e Isureroko ije bu anafa none amureno kumemano kuane.

Ruki 10:20

Ro ja kavene ise ije bu ja iriniaeva ijadufuo jade oemarevo. Ijadufuo maeje igia fie. Godi fu ive jone fune buki fuone saove gufia namo ijia isoema ijadufuo nika oemareno kiae.

Joni 5:27

Ro kuke naeje na Ema ijiebuo Fari ijadufuo Godi fu daro miedo nare fina e ume igia ise revo ije kena mazie giake.

Ekisi 20:28

Ijadufuo ni kojo samuanamikinu ro e ije Jesu fu kavuane fuone ijia fuaevena Kavene Akae kena uniaejiaema ije mukoreigia samuagiafo. Ni e ijene izege e mave-sifi samuagiamo fu mave fuone samuagiamo ijiege bu mukoe samuagiafo.

1 Koriniti 13:12

Vame besu ijiege iviama no Godido vame ije nome sibaneke bino giana vierafevo. Ro rade Godi fu ire boeje kena amaeria furikuma ijare no sone ire boeje samadukua vierafedufuo. Na izege fu iviama oe none ije mukoe giena vierafema ijiege nadua na kono ire boeje ijiege giana vierafedufuo.

1 Koriniti 15:49

Ijadufuo iviama vajae surive ige no kena oenoevo ije no e Adamudo vajae ijieki ije kena oenoeve. Ro rade Godi fu vajae nuvuone iviaeko no ae saove ijia karidufuo ije kena vajuoke. Ro vajae iviaeko ije no rade kedufuo ije buka Kuraesido surive ijieki redufuo.

1 Koriniti 15:54

Ijadufuo rade ire boeje bu re furikuva vua irere boeje bu buki akae ijia isoeva ije fu ijiakuma riareke. Ro vua ije fu ijiege kuae, Godi fune e ani fuone mukoreigia asidiana vame oevo ije fuka dabe uinutukono kuae.

2 Koriniti 5:8

No ma vierafevo ijadufuo no oedufuo ije no jumevo baki. Ijadufuo no vierafe noka ume ige arena una sidove ma ijia E Ireobo ijena karikuae no ijene ma vierafeve.

Ifisiani 1:22

Godi fu Jesu Kuraesi daro mamoga fure ire boeje samuagiame. Ro kuke Godi fu Jesu Kuraesi kuaga fu sosi ijadufuo nigofo reme. Ro erarebe no Jesu ma vierafena sosi ijia besu afuivo ije no Jesudo vajae ijene. Ijadufuo fune e besu Jesure korufuo fina ire boeje aesakae igia ro saove gufia naovo ije samuagiame. Ro kuke fune fure e ije no sosi ijia besu afuivo ije samuaguome.

Firifiani 4:3

Ro kuke e kai none be fu ijuebaki nosiki besu imeno ije na vierafe fu va bara ije nigaraevo ije ifejiake. Ijadufuo maeje bara ije buka naena giriesana Godido vua maeje abe e gue kuariae. Ro kuke e Kiremetikiro e gue naena giriesana imenoeva ije budua buka Godido vua maeje dabe e gue kuariae. Ijadufuo ive buone ije fune Godire buki ije fu e ije bu rade ijia karivadufuo fu isoema ijia isoe.

Korosiani 1:24

Na joefuo vajae fiane abevo ije na ireobo oemareve. Ijadufuo iviama na Kuraesi fu vajae fiane izege na abedufuo fu vierafema ije nane biediana furive. Ro iviama na e Godi ma vierafevo ijiebuo akaegue ijia vajae fiane igene abeve. Ro e ije Godi ma vierafevo ije bu Jesudo sosi ijene.

1 Timoti 3:5

Ro e ije fu naebe agane fuone ije mukore samuagiakuma fu izege Godido e ijene mukoreigia samuagiake?

Iburu 11:4

Ro e Eboro fu Godi ma vierafema ijadufuo fu zinone fuone ije fuka mukore ijene Godi ifaejae. Ro Keini zinone ije fuka ise ijene ifaeje. E Eboro fuka Godi ma vierafema ijadufuo Godi fu kua, Aka zinone mukore ijene ifaejiema ijadufuo aeje ane maturaemano kuae. Ro ire ije Eborore isuibe rena fune barone. Rove vame fuone izege fu Godi ma vierafema ije fu uria iviama no mukoreigia nijasuome.

Iburu 2:12

Ro Jesu fu buki akae ije bu isuibe isoeva ijia fu ijiege kuae, Nare uviarafa none ije irere a rema ije dabe kuariake. Ro nare e boeje bu afuivo ijiebuo nidua ijia a arorakinu dua urukafakono kuae.

Iburu 9:27

Ro e bu oevo ije bume kaginu oega Godi fu rade ise buone ije kena mazie giake.

Jemisi 1:18

Godi fune fuone vierafema ijia fu vua fuone maeje ijadufuo duvado ijia no kena amaeraduomo none una anafa fuone rei. Fu ijiege rekina noka ire boeje fu amaeriaema ijiebuo uve ijia no anafa fuone amure rekiro fu ijadufuo ijiege rei.

Revaresoni 13:8

Fu ijiege rekoke e boeje ume igia karivo ije bu mave kuriae ijadufuo baname isoekinu fu irinave. Rove e ije Godi fu isuibe sakae igiakiro saove ije naebe amaeriaeva ijia fu ive buone buki ije e bu maza boeje ijia karivadufuo ijia isoema ije bube mave kuriae ije irinana fuone baname isoeke. Ro ive buone ije bu Mave-Sifi Ame ije bu kanavo fu baronema ijadufuo buki ijia isoe.

Revaresoni 14:4

E ije buka maturaena oenoe ro bu naebe barubara fudaenamikinu vame ise bino rei ro buka akae oenoevo. Ro Mave-Sifi Ame ije fu vakone bu ijia nuvenoejo. Ro e ije bu e boeje ume igia oenoeva ijiebuo uve ijia Jesudo kavuane ijare abena karauniae. Ijadufuo bu Godikiro Mave-Sifi Ame ijiebuo nidua ijia bu ame amuifari reve.

Revaresoni 6:11

Ro e besubesu bu ugone abaeki ro jiamadogo ije vajiana kia, Jani sibaneke oe vafaena naokinu samuafo. Ja samuake e bu e uviarafa jone bu Godi ma vierafevo gue bu noefuo imenoejo ije izege bu ja kaniaeva bu ijiege kaniadufuo. Bu ije kaniaga buneka e uruvana rega na ijia sone vua e boeje ijiebuo ise ije kena mazie giano kiae.

Revaresoni 6:9

Areme Mave-Sifi Ame ije fune ire anume faeve (5) ije abena irasekoga na are fata ije bu ijia Godido zinone ifaejevo rotire ijia ga e kavene bino bu ijia kari. Ro e kavene ije bu e ije bu Godido vua ije ma vierafena ijuebaki nijasiaeva ijiakiro e ije bu Godido ire maeje fu oemaedufuo bu renoejoga bu kaniaeva ijiebe ijia kari.