Iburu 11:36 - Godido Vua Maeje

³⁶ Ro e bino bu vije ufemadiakinu madiakinu ifiae ro gue bu seni kena toma areme kena dibure uniae.

Iburu 11:36 ပူးပေါင်းရင်းမြစ်များ

Iko Zinume 39:20

Ijadufuo fu uri e Josofu dabe kini ijadufuo dibure are be bu e dibureko uniana samuagiavo ijia nujae. Rove maza ije Josofu fu dibure fino ijia E Ireobo Godi fuka uria ijia fuosiki fikinu samuae. E Ireobo fuka Josofu marejana ifejakoga fu ire boeje binobino mukoreigia renoe. Ijadufuo e ireobo dibure samuamo ijiakiro e dibureko gue bu vame fuone mukore ije fu kemo ijene gae.

Matiu 20:19

E ijiebe na dabe una e Jiusi baki ije miaga bure na abe uti ifaejena vi ufemadiekinu ifiema areme na dabe kurosi kanieke. Ro mu inokubeke furikuma Godi fu kiega na una urina ni uria fivakono kiae.

Matiu 21:35

Bu vakuma gafia usiaevoga e ije ine samua kariva ijiebe urina e ije faradia areme e be bu dabe ifikoga be bu kanavo fu barone ro be bu mune tuana kanae.

Matiu 23:34

Ijadufuo vua ige naka ma kuariavo fiefo. Na e Godido vua vierafena kuaevo ijiakiro e vua mukoe vierafevo ro e ije e nijasiavo ije kiaga bu jone vuake. Bu vuaga jare e gue kania bu oeke ro gue ja kame kurosi kaniadufuo. Ro e gue bu are ja afuina vua kuaevo guove ijia ro sidove besubesu ijia vuakuva jaka ifiakinu kaniana kame arafirianoeke.

Matiu 27:26

Ijadufuo Faereti fune urina e Barabasi buefuo kenujamo fu vae. Areme fune kiamo bu Jesu ifima arevoga e azokenoejo ije bune mesirina dabe kurosi kanakuae vae.

Ruki 18:32

Bu na abe una e Jiusi baki ije miaga bu vua ise noesina kuaena dabe varaemekinu vi ufemadieke. Areme bu na dabe ifiema areme dabe kurosi kanie na baronega bu dabe mako ruke. Rove mu inokubeke furikuma na una urikono kiae.

Ruki 23:11

Areme Erodikina e fuone azokenoejo ije buka naebe una Jesu aguae rove buka uri dabe varaemekinu kisae. Bu ijiege rekoga e Erodi fu uri ugone ni mukore bu ado savo ije dabe Jesu abiesa areme kiamo bu mesirina una Faereti fino ijia vae.

Ruki 23:36

Ro e azokenoejo ije budua bu uri Jesu dabe varaemena kisakinu do kugi ije abe mavo fu i.

Ekisi 21:33

Bu arekoga e ireobo ije fune kekena kiamo bu Foru farena seni inokiro kame toe. Areme fune uri e ije kiae, E ige era fu irere abemano kiae?

Ekisi 24:27

Fu ijiege rena vakuma juaevasia inokiro furinoga e Fosiasi Fesitasi fu e Firikisido are abena e Romuko ijiebuo e ireobo rei. Ro e Firikisi fu vierafe fuka vame be rega e Jiusi ije buka oemarekiro fu ije vierafe. Ijadufuo fu naebe Foru kuamo fu dibure ije arena keke ruae.

Ekisi 4:3

Ijadufuo bu usiae toenamiana ke dibure uniavo bu ijia naoe ijadufuo maeje fune ve titutekuveno ijadufuo bu ijiege rei.

Ekisi 5:40

Ijadufuo e boeje ijia kariva ije bu e Gameriodo vua ije fiena uri e Afasero ije kumevo bu una aru ruae. Areme bune uri ifiama areme kiae, Jade rade una Jesudo ive ijia oenoekinu e nijasiavono kiana arevoga bu usiae vae.

Ekisi 8:3

Ro e Soru fuka e Jesu ma vierafevo ije kame arafiriakiro vierafei. Ijadufuo fu oenoekinu gire besubesu ijia ajiana baru ro bara ije umui karana maniaeru kame dibure uniae.

Ifisiani 3:1

Na Foru naeje na e be Kuraesido i menoevo. Rove iviama na dibure igia fijo ijadufuo maeje na joesina e gue kuariana kia, Ja e Jiusi baki ije jaeje ja Godido eno kiavo ijadufuo bu na dabe dibure nujie.

Ifisiani 4:1

Naeje na e be E Ireobo ijadufuo i menoevo ijadufuo iviama na dibure five. Ijadufuo nare ja ejafiana kiavono ni urina vame Godi fu vierafema ijia karinoefo.

2 Timoti 1:16

Rove na vierafe E Ireobo ije fu e Onesiforasido agane boeje fuka ma rejiake. Ijadufuo maeje fu iseko fuka maza boeje na isejavaevo ijia ifejie. Ro kuke fu ige na dibure fivo ije fuka naebe giena jaeve.

2 Timoti 2:9

Na vua ijene dabe ijiege nijasiakinu kuariavo ijadufuo na ije isejavaeve. Ijadufuo bu ije na dabe e akae tuavo igege toenamiena dibure igia nujie. Rove Godido vua ije bu naebe abe tona nijae ro buka uria vua ije dabe are irore ijia nijaenaminoeve.

Revaresoni 2:10

Ro jade ire ije ja rade isejavaedufuo ije fu jone rekuveno ije jumevo. Kavene ise Setani fu ja biesiriana e bino kame dibure uniaga ja mu teni ijiege karina vajae fiane abeke. Ro jade vajae fiane ije ja abevo ijia mamoevo. Ja bu kaniakuae kuariaga ja uria faememarena giriesa imekuva nare marejiana vame ije ja maza boeje ma karivako ije abe miake.