Iburu 11:26 - Godido Vua Maeje

²⁶ Fu vierafe fuka Kuraesi e ije Godi fu kuaga fu ruakono kuaeva ijadufuo isejavaeke. Fu ijiege isejavaekina fu rade ijadufuo maeje fu gakiro fu ije vierafe. Ro una are Ijifiti ijia ire maeje binobino fu samuadufuo ije fu anuigi bakiro fu ije vierafe.

Iburu 11:26 ပူးပေါင်းရင်းမြစ်များ

Matiu 10:41

Ro kuke erare fu e ije Godido vua vierafena kuaevo ije mukoreigia giana oemarekinu kaenamiana samuagiamo ije fune mare. Fu ijiege remo ijadufuo fu ire maeje Godi fu e fuone vajiamo ije gue kedufuo. Ro kuke erare fu e ije Godido vame ma ijiaru kenoeno ije mukoreigia gana oemarekinu mesirina samuamo ije fune mare. Fu ijiege remo ijadufuo fu ire maeje Godi fu e fuone vajiamo ije gue kedufuo.

Matiu 5:12

Ro bu ijiege rekuva nika urukeigia oemarefo. Ijadufuo maeje Godi fune ve gue ire maeje boeje joefuo saove ijia kanafuido ja ije kedufuo. Ro igia fie isuibe e Godido vua vierafena kuaevo ije e bu vame besu ijiege bu kame isekafiaevano kiae.

Matiu 6:1

Jesu fu ijiege kuaria areme kiae, Ja i jone maeje ja menoejo ijia jade vierafero are bu ebe kame aroruoro urina e niome ijia aroekaravo. Ro ja ijiege kenoekuva Godi Asoe jone saove gufia fino ije fube vame ma bino jone reke.

Ruki 14:14

Ijadufuo a e ijieki ijene ijiege ifejiakuma aka rade oemaredufuo. Ijadufuo maeje e ije bu naebe manido bube una ire one ve vajadufuo. Rove fune Godire maza ije e maturaeva bu oeva bu una urivo ijia fu vame ma bino one rejakono kuae.

Ruki 14:33

Jesu fu ijiege kuaria areme kiae, Vame besu ijiege ro e be erare fu e vua none fiemo rekiro vierafekuma e ije fuka mukoreigia fina vierafedufuo. Fu vierafega fune manikuma fu uri ire fuone boeje ijuegafia areme uri e vua none fiemo redufuo.

Ekisi 5:41

Areme e Afasero ije bune usiae e Jiusi ijiebuo are bu afuina vua kuaevo makave ijia Godido ireobo oemarei. Ijadufuo maeje bu vierafega bu Jesudo ive ijia isejavaevo ijadufuo bu ijiege rei.

2 Koriniti 12:10

Ijadufuo na oenoena mamoevo ije na oemarevo. Ro vame binobino ijia na isejavaero irufui biedia ro e binobe madiena vua ise kuarievo ije naka ijia daro abevo. Ro vame binobino ijia irufui ije na biediavo ije naka Jesu Kuraesido akaegue ijia biediave. Ro na irufui ije biediavo ijia na mamoevo ije naka oemareve. Ijadufuo maeje Kuraesi fu ijia ifejieko na daro abeve.

2 Koriniti 6:10

Ro maza boeje noka vajae fiane uruvana biediana isejavaeve rove noka uria oemarekinu oenoeve. Ro kuke noeje no e sinuome baki rove no e uruvana none kaenamiana una Godido vame iviaeko ijia uniave. Ro kuke noka ma ire bino baki rove no Kavene Akae ijadufuo sinuome ijia noneka ma zaraeve.

Ifisiani 1:18

Ro kuke na joefuo baname isoega Kavene Akae fu nigofo jone samadirejiaga ja rade Godi ire maeje fu jone redufuo ije mukoe vierafenoedufuo. Ro kuke fu ifejaga ja Godi izege fu rade ire maeje sanaema fu saove ijia naema fu vekinu vajuodufuo ije giana vierafeke.

Ifisiani 3:8

Ro Godido e boeje ijiebuo nidore ijia naeje na vierafega naka e anuigi baki. Rove Godi fuka na marejiena kiemoga na Jesu Kuraesido ire ka mukore fu e fuone ijiebuo kanafuima na ijene dabe e Jiusi baki ije kuariae.

Firifiani 3:7

Ro ire ije na ude rekinu ijia bijuana fi ruaeva ije iviama na vierafega buka ma baki. Ijadufuo maeje iviama naeje nane Jesu Kuraesi abena ijadufuo na fuefuo imekiro vierafe.

Iburu 10:33

Ja maza ijia jaka samadukua jaevekinu ro jaeje buka e ije Godi ma vierafevo baki ijiebe ja arafiriakinu kame isekafiae. Ro maza gue ja e gue bu vame besu ijiege nibijavo jaka una e ijiebuo oefiane abekinu ifejiae. Ro kuke jaka e ije bu dibure karijo ijiebuo oefiane abekinu ifejiae. Ro maza bino e Godi ma vierafevo baki bu sinuome jone gue kamazia vako ije jaka uria oemareve. Ijadufuo maeje jane kojo ma vierafega Kavene Akae ijadufuo sinuome maeje ije bu saove ijia naove. Ijadufuo ja rade kena oemarekinu kari vakiro ja ije vierafei.

Iburu 10:35

Ijadufuo jade jone izege ja ma vierafevo ijia mamoevo ro nika giriesafo. Ijadufuo maeje ja ijiege rena vakuva Godi fu ijadufuo una vegue vame ma bino jone reke.

Iburu 11:6

Ijadufuo igia fie ebe erare fu naebe Godi ma vierafekuma Godi fu izege oemarekuma baki. Ijadufuo erare fu Godido e rekuma fuka ude ma vierafedufuo. Fu ude ma vierafero Godi fuka maza boeje ijia fivakoro fu ijiege ma vierafeke. Ro kuke fu e ije eranebe bu fu gakuae rerevo ijene vegue vame ma bino buone rejiamoro bu ijiege ma vierafeke.

Iburu 13:13

Ijadufuo noka e Jiusi ijiebuo akae isuiko ije no iriniana nuvediaga bu ise nuvuone naebe sovo ije aregana ro ka una Jesudo vadufuo. Noka va ijia fuina besu izege fu isejavae fu jaevema ije akaegue abedufuo.

Iburu 2:2

Ro vua ije anera bu isuibe abena asae nuvuone Mosisi kuaraeva ije fuka ma daroki. Ro e boeje eranebe bu vua ije naebe iriniae ro bu una ise renoeva ije Godire kame isekafiae.

1 Fita 4:14

Ja Jesu Kuraesido imenoevo ijadufuo e bu ja madiakinu vua ise kuariakuva janika oemarefo. Ijadufuo maeje Godido Kavene ije ka sanaema ije fuka jaena fino.

Revaresoni 2:9

Ro na irufui jone ije nane vierafei ro na vierafega ja ume igadufuo sinuome ije jaka baki. Rove ja una kavene ijadufuo sinuome ijia jaka uruvana zarae. Ro na e ije bu kuae bu e Jiusino kuaevo ijiebe vua ise bino joesina kuaevo ije nane fiena vierafei. Bu e ijiebe Jesu ijuonena una Setanido e rei.

Revaresoni 3:18

Ijadufuo na kiavono ni moni jone ije aregaro ro gorodi maeje zine iramo ije none karifo. Ro gorodi ije fuka mukore bu abe miane ijia ifaejena kadure keseva ijene fuaekina ja sinuome zaraefo. Ro kuke jaka detaba jaevekinu oenoevo ijadufuo ro ugone abaekiraema ije none fuaevena vajae jone ije okuriafo. Ro muramura fuaevena ni jone ijumiju fu madiaga ja una nafaena rerefo.

Ruti 2:12

Ijadufuo na vierafe E Ireobo e Isureroko ijiebuo Godi ije a vierafena fuone ruaema ijare a marejakono kuae.