Iburu 11:13 - Godido Vua Maeje

¹³ Godi fu ire ije fu kiaema ije fu naebe vajiae ro bume uria Godi ma vierafena samuanoevo ijia bu oe. Bu Godi ire ije fu kiaema ije bu ma vierafero ire ije bu uria ruakiro buka oemarekinu samua karinoe. Ro vame ije bu ijiege reva ije no vierafe e ije bu e aesakae igeko baki. Ro bume e bino aesakae igia maza aokube karikuae ruae.

Iburu 11:13 ပူးပေါင်းရင်းမြစ်များ

Iko Zinume 48:21

Areme Jekafu fu Josofuo kuae, Naeje na baronekuvejo igia giene. Ro na vierafe Godire maza boeje osiki fi vake. Ro fure rade a samuagana mesirana asaerafa one ijiebuo aesakae ijia vake.

Iko Zinume 49:10

Juda fuka kini rena ire boege samuagiake ro rade uifari fuone budua bu maza boeje e gue samuagia vaga e anuigi be fu ruake. Bu ijiege rena e boeje aesakae binobino ijia karivo ije bu una e anuigi ije irinana ire ni mukore ije karina ro fu vajake.

Iko Zinume 49:18

Jekafu fu ijiege kuariama areme urina Godi kuae, E Ireobo naeje name a samuagana figa are no karaunuoga na gakono kuae.

Iko Zinume 49:28

Ro vua mukore ige e Jekafure maza ije fune baronekuveno ijia fu agane fuone tuero (12) ije kuariae. Ro daro ije fu vajiaema ije fune buone izege bu karikuvejo ije giakinu vajiae.

Iko Zinume 49:33

Jekafu fu vua boeje anafa fuone ijene kuariama furimoga fu una fata fuone ijia na areme fune ijia baronei.

Iko Zinume 50:24

Areme Josofu fune urina uviarafa fuone ije kiae, Naeje nane iviama igiebo baroneke. Ro na vierafe rade una gafega karivadufuo ije fu Godire ja samuagiake. Fure samuagiana kaenamiaga ja are ige Ijifiti arena uri aesakae ije fu Eburamekiro Aeseki ro Jekafu fu miako kiaema ijia vakono kiae.

Una Kaenamiae 2:22

Ijiege rena fu bara Zifora abenoga fu ame fari be bietei. Areme Mosisi fune urina kuae, Naka e aebeko igege urina aesakae igia ruaevano kuaena uri fari fuone abe ive ina Gesomino kuae.

Nabasi 24:17

Ro kuke na e ije fu e Isureroko no karaunuodufuo ije nane gae. Rove e ije fu iviama ruakuma baki ro sone rade ruake. Rade e Jekafudo uifari ijia e be fu uri Kini rena fure e Moabaetiko ijiakiro e Setido uifari bu ae sao ijia kariva ijene kame arafiriadufuo.

Matiu 13:17

Ro naka ma kuariavo igia fiefo. E Godido vua vierafena kuaevo boeje ro kuke e boeje bu Godido vame maeje ijiaru kenoeva ije buka vua maeje ige fiekuae karina ijafune. Ro kuke buka irere ige ja iviama giavo ijene giakuae ireobo ijafune. Rove ni buone ijia be buka naebe gae ro fie.

Joni 12:41

E Asaea vua ije fu ijiege kuaema ije fune ude Jesudo sanaema ije gaema ijadufuo fu vua ijiege kuae.

Joni 8:56

Ro igia fie, e asoe jone Eburame fuka maza ije bu na bietaniedufuo fu ije gakiro uruke vierafe. Rove fu ma vierafega na ume igia ruovo ijadufuo fu maza ije fune gaema igege fuka ma vierafena ireobo oemaremano kiae.

Romeni 4:21

Eburame fu ma vierafero Godi irere fu kuaraema ije fuka rekiro fu ijiege vierafei.

Romeni 8:24

No ire ijene ijiege vierafena samuavo ijadufuo Godi fu no karaunuome. Ro irere no vierafekinu samuavo ije no ni nuvuone ijia giaevabitie no irerefuo ma vierafena samua karikuva baki.

2 Koriniti 4:18

Ijadufuo nobe oe nuvuone ijia uri ire ije no ni nuvuone ijia iviama giavo ijia bijuana karikuae vierafedufuo. Ro noka ire ije no giavo baki ijia bijuana karidufuo ijene vierafeke. Ijadufuo maeje ire ije no iviama giavo ije bu bakiredufuo. Ro ire ije no giavo baki ije buka maza boeje ijia nao vake.

2 Koriniti 5:6

Ijadufuo noka maza boeje giriesave rove no uria ume igadufuo vajae ije kena igia karinoevo. Ro ume igia no karinoevo ije none E Ireobo nuvuone ijena ae saove ijia kariva no ijiege karinoevo baki.

Ifisiani 2:19

Ijadufuo e Jiusi baki ije iviama jaeje ja e ae binoko igeki baki. Ro jaeje ja Godido anafa ijadufuo jane e fuone ijena agane besu rei.

Iburu 11:14

Ro e ije bu vua ijiege vierafena kuaevo ije no vierafega e ije buka aesakae buone mukore be bu ude naebe ijia vaeva ijia vakuae vame rere.

Iburu 11:17

E Eburame fuka Godi ma vierafe ijadufuo Godi fu maza be fu biesiri. Fu kua, Ani fari one Aesiki kanana abe na zinone ifaejieno kuae. Ro Godi fune ude Eburame kuae, Na ame fari be e Aeseki ije maga fure asaerafa uruvana tuanakono kuae. Rove Eburame fuka ame fari besu ijene abena zinone ifaejekiro rei.

Iburu 11:27

Ro kuke e Mosisi fu Godi ma vierafema ijadufuo fu e ireobo are Ijifiti samuamo fu ziedufuo ije fu naebe jumei ro fume are Ijifiti arena vae. Ro fu Godi ije e bu naebe gavo ije ma vierafemo ijadufuo fu vame ije Godi fu nijaemo ijia giriesana nuvena vae.

Iburu 11:39

Godi fuka buone izege bu ma vierafeva ijadufuo fuka buone oemare rove ire ije fu kiaema ije bu naebe kei. Ijadufuo maeje Godi fu vame maeje be nuvuoefuo amaerima ije fu vierafe bu noena besu rekina bu noena maturaedufuo.

1 Fita 1:1

Na Fita e ije Jesu Kuraesido Afasero rena vua fuone abe oenoevo ije nare fasi ige isoena e ije ja Godi fu iko zinume ijia vierafena ke uniaema ije nijiave. Ja are jone maeje fu saove ijia ro jame ume ijia e binokobuo aesakae Fonetasikina Geresiakina Kafadosiakina Esiakina Bitinia ijia karive.

1 Fita 1:17

Ijadufuo igia fie, Godi Asoe jone kave gufia fino ja fuone baname isoevo ije e boeje no fu kena besu enafu mazie guoke. Fu guoga no ma renoe ro no isema renoejo fu ije guodufuo. Ijadufuo maza aoke ige ja karinoevo ije nika e ae binoko igege mukoreigia Godi jumekinu ro fu aguaekinu karinoefo.

1 Fita 2:11

Ijadufuo kairafano jaeje jame maza isekube ume igia kari. Ro are jone maeje fu uria kave gufia namo ijadufuo na ja ejafiana kiavono ni ume igadufuo ire ise ije mukoreigia akariafo. Ro ire ise ije buka e ani jone igeki ijadufuo bu jaena bijaekuva buka kavene jone kame arafiriake. Ijadufuo nika ire ise ije mukoreigia akariakinu oenoefo.

1 Joni 3:19

No kairafa nuvuone ijene ijiege mukoreigia ifejiakinu oetuakuva na vierafe none Jesu Kuraesido makae ije nuvena kenoeve. Ro kuke no Godido nidua ijia oemarekinu oenoeke ro nobe fu gana jumeke.