Iburu 10:30 - Godido Vua Maeje

³⁰ No vierafe Godire e ije kame iseniseigia isekafiake. Ijadufuo maeje fune Godire korufuo buki akae ijia kuae, Na kono una e ije bu ise revo ije vegue ise rejiake. Ro na una vegue ise buone ijadufuo isekafiakono kuae. Ro kuke fu una buki kafare be ijia ijiege kuae, E Ireobo ijare e fuone ijiebuo ise ije kena mazie giakono kuae.

Iburu 10:30 ပူးပေါင်းရင်းမြစ်များ

Romeni 12:19

Ro erafano e bino bu ise bino jone rekuva jade una ve gue ise rekuae vierafevo. Ro ni arega fu Godire e ije ziegafiana kame isekafiafo. Ijadufuo maeje Godi fune buki akae bu isuibe isoeva ijia ijiege kuae, Erare bu ise bino jone rekuva Godi naka e darokido nare una ve gue bu dabe isekafiakono kuae.

Romeni 13:4

Ro e mamekanu ije fune Godire kena uniaema ijadufuo bu ja mukore samuagiave. Ro ja ire ise bino rekuva ni e jone mamekanu ije jumefo. Ijadufuo maeje buje bu daro nado bu ise jone ja reva ijadufuo kame isekafiake. Ijadufuo maeje buje fune Godire umui tuaema ijadufuo bu Godido i meve.

2 Koriniti 5:10

Ijadufuo maeje maza ijia e boeje no Jesu Kuraesido nidua ijia irega fu ire boeje no renoeva ije kena mazie guoke. Areme Jesu fu e besubesu izege fu ume igia finoekinu mukoe ke ro fu isema kenoema fu ijia giana kame isekafiakinu ro karauniake.