Iburu 10:25 - Godido Vua Maeje

²⁵ Ro nobe vame ije no afuina besu E Ireobo ijadufuo baname isoevo ije e gue bu areva ijiege areke. Ro noka nuvuone ejafanamikuva fuka maredo no ijiege redufuo. Ijadufuo maeje no vierafe E Ireobo maza ije fu una ruadufuo ije fune ivuareme.

Iburu 10:25 ပူးပေါင်းရင်းမြစ်များ

Matiu 10:15

Ro vua ige naka ma kuariave, Maza radekuma ije Godi fu una ume igia e ise renoevo ije kena mazie giakuma ijia are Sodomekiro Gomora ije fume sibaneke kena isekafiake. Ro una e ije erarebe bu ja ijuoegafiavo ije fuka kame vame ise ijia isekafiaga bu isejavaeke.

Matiu 18:20

Ijadufuo maeje e inokiro ro inokubeke bu ive none ijia besu afuikuva na buina ijia fikono kiae.

Ekisi 16:16

Areme mu be no una are bu baname isoevo ijia vakuae vakoga bara be bu monido fuaeveva fu kavene ise ijare niromo ije fu kekena biedue. Ro bara ije fu ire bino bu rade rekuvejo fu ije giana e kuariamo. Fu ijiege giana kuariako e bu moni uruvana karina e fuone fu samuavo ije fuaevejo.

Ekisi 2:1

Areme maza ije bu kua Fenitikosino kuavo ije romoga e boeje Jesu ma vierafevo bu una are besu afui.

Ekisi 2:42

Ro maza boeje buka e Afasero ijena besu afuina vua bu nijasiavo ije fiekinu buina goruvevo. Bu ijiege rekinu besu ire ina Godido baname isoekinu ijiege rei.

Ekisi 20:7

Ro fura be ijadufuo maza amure ijia no besu afuina kari ire ikoga Foru fu ijia urina e boeje vua kuariae. Foru fu nituame suoke fune vakiro vierafe ijadufuo fune e ije vua kuariako vakuma ve ufirei.

Romeni 12:8

Ro fu daro muona kuoko jani e gue ejafiana kuaria bu i buone mukoreigia meno kuokuma ije noka ijiege reke. Ro eranebe fu ja daro miana kiako sinuome jone e gue ivajiano kiakuma ni oe jone ijiakuma ivajiafo. Ro eranebe fu ja daro miana kiako ni e jone samuagiano kiakuma ije nika giriesana bu mukoreigia samuagiafo. Ro kuke eranebe fu ja daro miana kiako ni e guebuo oefiane giana ifejiano kiakuma nika oemarekinu ifejiafo.

1 Koriniti 11:20

Ro kuke maza ije ja besu afuina ire ivo ije ja izege Jesu Kuraesi fu nuvuefuo kurosi ijia baronema ije ja abe ma vierafekinu renoevo baki.

1 Koriniti 14:23

Ijadufuo Godido e boeje sosi ijia besu afuina isama binobino ijia vua kuaevo ijia e Godi ma vierafevo baki ije bu aruna vua ije fiekuva bu izege mukoreigia vierafekuva baki. Ro bume uri bue ganamikinu kuaeko, E ije bute bu nigofo iserevano kuaeke.

1 Koriniti 14:3

Ro e ije fu Godido vua fiena abe samadukua e kuariaga bu migegire fievo ije fuka mukoreigia ifejiame. Ijadufuo bu irufui ro oefiane bino biediakuva buka korubuo giriesana asuseke.

1 Koriniti 3:13

Ro maza ije Jesu Kuraesi fu una ruomo ijia e besubesu i nuvuone no menoeva ije bu ijia una samadiredufuo. Ijadufuo maeje maza ije sanaema ijadufuo daro ijare e besubesu i nuvuone no ma ro no ise menoeva ije ke samadirega e bu ijia sone giana vierafedufuo.

Firifiani 4:5

Ro kuke nika vame izege bu oe vafaena kenoejo ijiege kenoega e bu giafo. Ijadufuo maeje E Ireobo fune una ruakiro ivuarema ijadufuo ni ije vierafefo.

1 Tesaroniasi 4:18

Ijadufuo ni vua ige no kuariavo ije abe jone kuaena ejafanamikinu karinoefo.

1 Tesaroniasi 5:11

Ijadufuo vua ige na E Ireobo fu una ruadufuo na ije kuariave. Ijadufuo ni vua ije dabe joe kuaena ejafanamikinu ifenamina ire ma ijiaru oe jone ijia vierafena renoefo. Ro ire ije jane iviama renoeve rove na una kuke kuariave. Ijadufuo ire ije ja revo ije nika una kuke biona mukoreigia renoefo.

Iburu 10:24

Ro kuke noka vame izege no nuvuone oetuanamikinu ejafanamina ma renoejo ije nuvue nijaenamidufuo ije vierafeke.

Iburu 10:37

Ijadufuo maeje Godi fune isuibe e ije fu kuamoga fu ruaema ije fuefuo fu ijiege kuae, Fu maza aokube ijia una ruake ro fube saroeke.

Iburu 13:22

Uviarafano na ja soesoena kiavono ni oe vafaena kari vua ige fu ja ejafiamo ije fiefo. Ijadufuo maeje fasi ige na isoena nijiavo ije fu jiamadogo baki ro fuka dubusiki.

Iburu 3:13

Ijadufuo e besubesu nika maza ige fu uria namo ijia maza boeje jone ejafanamina Godi ma vierafefo. Ijadufuo maeje ja ijiege rekuva ise ije fube biesiriaga ja una ise rena Godi ijuemake.

Jemisi 5:8

Ijadufuo ni jadua ijiege rena sone oe vafae darokuma ma vierafekinu oenoefo. Ijadufuo maeje maza ije E Ireobo fu una ruakuveno ije funeka ivuareme.

1 Fita 4:7

Ro erafano maza ije ire boeje ume igia naovo bu furidufuo ije fune ivuareme. Ijadufuo ni uri ni nafaekinu kojo mukoreigia samuanamikinu giriesana Godi baname isoekinu karinoefo. Ro ire ka ma ireobo ijeja nika mukoreigia jone oetuanamifo. Ja ijiege oetuanamikuva ja kairafa jone bu ja isema revo ije jaka uria faememarena bu oetuakinu karinoeke.

2 Fita 3:11

No vierafe ire boeje Godire kame ijiege arafiriaga bu furike. Ijadufuo oe jone ije ja kame ire isekuma binobino vierafenoevo ije ka arefo. Ro nika vame maeje renoekinu e akae rena ire ije Godi fu oemaedufuo ijiaru renoefo.

2 Fita 3:14

Ro kuke kairafano jaeje jaka uria maza ije fu una ruadufuo ije samuave. Ijadufuo nika giriesana vame maeje Godi fu oemaedufuo ijiaru renoefo. Ja ijiege renoekuva ja maza ije ja Godido nidua ijia irevo ije jaka iriaebaki maturae ro dazena iredufuo.

Judi 1:19

Ro e ijieki ije bu Godido Kavene ije bu naebe abei. Ijadufuo buka e kame ataga bu buone binobino karinoeke. Ro kuke buka uri ire ije vajaema buone bu oemadiadufuo bu vierafevo ije renoeke.