Iburu 10:23 - Godido Vua Maeje

²³ Ro noka vua maeje no ma vierafekinu ro abe e kuarianoevo ije mukoreigia faradiana giriesake. Ijadufuo maeje no ma vierafega Godi fuka vua ije fu kuaema ije rekiro samuae.

Iburu 10:23 ပူးပေါင်းရင်းမြစ်များ

1 Koriniti 1:9

Ro vua irere Godi fu kuaemo ije fu arekuma baki. Ijadufuo Godi ijare iko zinume ijia ja kumeno ja una Fari fuone Jesu Kuraesi E Ireobo nuvuone ijena besu mazie.

1 Koriniti 10:13

Ro kuke ni vierafe ise binobino bu one ruovo ije bu sumiki baki. Ijadufuo maeje e uruvana budua bu irufui ijieki ije biediavo. Rove Godi fu vua irere fu kuaema ije fu totemo baki. Ijadufuo irufui ije fu one ruomo ije Godire daro maga a oemarekinu irufui ije biediadufuo. Ro kuke fure ifejana vame amaeriga a irufui ije dasu akoeke.

2 Koriniti 9:13

Ijadufuo maeje ja Jesu Kuraesido vua ijiaru nijasiavo baki ro jaka vua ijene mimatana e uruvana ifejiana sinuome jone ije buina ivajuonamive.

1 Tesaroniasi 5:24

Ro baname none na joefuo isoevo ije na ma vierafega Godi fuka fiena reke. Ijadufuo maeje Godi e ije fu ja umui tuaema ije irere fu rekiro kuaemo ije fu aremo baki.

2 Tesaroniasi 3:3

Rove jaeje no vierafega E Ireobo fuka maza boeje eranebe fu ma vierafevo ije samuagiamo. Ijadufuo fure ja samuagiana oe jone kame gikikimana rejiaga ja Setani e ije ise renoejo ije biekuva jaka giriesadufuo.

Taetasi 1:2

Ro vua ijadufuo zinu maeje ijeja noka izege no rade Jesuna saove gufia ma karivadufuo ije vierafedufuo ijene. Ro ude aesakae ige naebe amaerima ijia Godi e iti kufuiki baki ije fune izege no rade fuina ma karivadufuo ije kuae.

Iburu 11:11

Ro bara Sera fudua fuka Godi ma vierafe rove ame nafedufuo ije fuje fune ma barasire. Rove Godi fuka daro mamoga fu una ame nafe. Ijadufuo maeje Eburamekiro Sera bu Godi vua fu kuariaema ije buka ma vierafe. Bu vierafero Godi ame fu miakiro kiaema ije fuka miakiro buka ijiege ma vierafe.

Iburu 3:1

Ijadufuo uviarafa none Godi ma vierafevo ije fune Godire besu naena kumedo no rade saove ijia fuina karivake. Ijadufuo ni Jesu e ije Godire kuamo fu vua fuone abe ruaema ije no kuae fu nuvuefuo e zinone ifaejamo igege remono kuaevo ije vierafefo.

Iburu 3:14

Ro no vua amure no fieva ije mukoreigia vierafena abe gikikimana fare vakuva maza rade no Kuraesido sanaema ije akaegue abeke.

Iburu 3:6

Ro una Kuraesi fuje fu ma Godido Fari. Ijadufuo fu ma vierafena Godido i ije mukoreigia oe vafaena ame fari ije fu agane fuone samuagiamo ijiege e fuone samuagiame. Ro no mukoreigia Kuraesido vua irere no fiena ma vierafeva ije giriesa farena oemarekinu Godi irere fu nuvuefuo rekuveno ije samuakuva ije noeje none Godido agane ijena besu reve.

Iburu 4:14

E Ireobo Jesu Kuraesi Godido Fari ije fu nuvuefuo zinone ifaejemo ije fune una saove gufia Godido sanaema ijia vae. Ijadufuo no Jesu e ije no ma vierafevo ijadufuo vua ije giriesana farena vadufuo.

Iburu 6:18

Ijadufuo ire inokiro ije fu kuaema ije fube kufuimeke. Ijadufuo e ije no Godi ma vierafevo ije noka ire inokiro ije vierafedufuo. Noka ive fuone fu kuranamima ijiakiro vua fuone daroki ije bu no ifejuoga noka Kuraesi ma vierafekina no vame ma karivako fu kuema ije abedufuo no ije vierafeke.

Jemisi 1:6

Ro ja Godi kuarakuva nika oe one ijiakuma ma vierafena kuarakiro jade uri fu kuarakuae zazaeki abejo. Ijadufuo maeje erare fu ijiege zazaemo ije fu do ije fu firana munuage ado ijia fujareameno ijiege renoeme.

Revaresoni 3:11

Naka iviama igiebo ruovo ijadufuo giriesana vame maeje ja kevo ije kenofo. Ro jade mamoega e binobe ja asidiana kavene ijadufuo ire maeje ja saove gufia kedufuo ije kevo.