Iburu 1:6 - Godido Vua Maeje

⁶ Ro maza ije Godi fu Fari fuone besu ije kuaga fu ume igia ruakuveno ijia fu kuae, Anera boeje nika fu augesana baname isoeno kiae.

Iburu 1:6 ပူးပေါင်းရင်းမြစ်များ

Matiu 24:14

Ro vua none maeje Godi fu izege e fuone ijiebuo oe ije samuagiamo ije bu e none imenoevo ijiebe abena are irore boegia e boeje kuariake. Areme ijare sone ire boeje bu ijia furikono kiae.

Joni 1:14

Areme Vua Ije fune una ema rena maza aokube noena besu ume igia oenoe. Jesu fu Asoe fuone kave gufe fino ijadufuo Fari besu ijene. Ro kuke fuone sanaema ije Asoefuo fu abe maema ije none gae. Jesu fuje fu vame maeje ijene ro kuke fuka e boeje ifejiakinu ka marejianoeno.

Joni 1:18

Ro Godi fu erare gaema baki. Rove fune Fari fuone ije fu maza boeje fuosiki besu oenoeno ijare Godi fu e izeki ro izege fu kenoeno ije samadukua nijasue.

Joni 3:16

Ro Godi fuka e boeje ume igia oenoevo ije ireobo oetuaema ijadufuo fu Fari fuone besu ije kuamo fu ari ruae. Ijadufuo erare fu Fari fuone ije ma vierafekuma fube baroneke ro fume maza boeje Godiki ijia fivake.

Romeni 8:29

Ro e ije Godi fu isuibe kena uniaema ije fu vierafe buka una Fari fuone ijieki rena uri irere fu renoema ijiege renoeke. Ro fure Godido Fari amure rega bu ije bu iviefaru fuone reke.

Korosiani 1:15

Ro Kuraesi fu ire boeje fu amaeriaema ije fuka ma asidiae ro fuje fuka ma Godi ije no gavo baki ije vareki.

Korosiani 1:18

Ro fuje fu e ije bu Godi ma vierafevo ijiebuo nigofo ijene. Ro ige bu karina ruovo ije zinume ije fure. Ro e boeje bu naebe nafeva ijia fuje fune ude ijia fina ruae. Ro kuke fune fure amure baronena una uri. Ijadufuo fune fure fikinu ire boeje samuagiame.

Iburu 1:5

Ijadufuo no ijiege ma vierafevo ijadufuo maeje Godi fu buki akae bu isuibe isoeva ijia fu naebe anera be kua, A Fari none ro ivia naeje nane ma asoe oneno kuae. Ro kuke fu anera be fu naebe kua, Na Asoe one ro a fari none rekono kuae.

Iburu 10:5

Ro maza ije Kuraesi fu iko ume igia ruakuveno ijia fu vua be Godi ijiege kuarae. Fu kua, A fanuve ijiakiro ire binobino ijia zinone ifaejevo ije aka ijuonemo. Ro a vierafe naka vajae none ige a amaerima ijia abena ise ijadufuo zinone ifaejeke.

1 Fita 3:22

Ro iviama Kuraesi fune kave gufia Godido umui maeneke ijia fine. Fu ijia fiko Godido kavene adaki ijiakiro kavene mamekanu bino bu kavene gue samuagiavo ije bu fu irinave.

1 Joni 4:9

Ro Godi vame izege fu e oetuamo ije fu nijasuema ije fu Fari fuone besu ije kuamo fu ume igia ari ruae. Godi fu vierafero fu Fari fuone kuaga fu ume igia ari roga e ige no Fari fuone ije ma vierafekuva no vame ma karivako ije abekiro fu ijadufuo ijiege rei.

Revaresoni 1:5

Ro na baname isoega Jesu Kuraesi e ije fu ijuebaki rena Godido vua maeje abena ruaema ije fudua ja ma rejiakinu ifejiadufuo. Fure amure baronena una urina E Ireobo rena ume igadufuo e mamekanu boeje samuagiana fine. Ro kuke fuka no oetuamo ijadufuo fu baronena kavuane fuone usiaena ise ije fu no uti faraduema ije soejue.