Firifiani 1:9 - Godido Vua Maeje

⁹ Ro na baname isoega jone ja oetuanamivo ije fuka ubaerena vaga ja Godi fu e izeki ije mukoreigia gana vierafedufuo.

Firifiani 1:9 ပူးပေါင်းရင်းမြစ်များ

1 Koriniti 14:20

Ro erafano jade uri ame isesina igege vierafevo. Ro ni ame isesina ije bu naebe ise bino rekuae vierafevo ijiege jadua jade ise bino rekuae vierafevo. Ro nika jone izege ja Kuraesi ma vierafevo ijia e damuiki igege vierafenoefo.

2 Koriniti 8:7

Ro jaeje ja vame binobino ja renoevo ije jaka mukoreigia vierafekinu renoeve. Jaka vame ije Godi ma vierafevo ijiakiro Godido vua kuaevo ijiakina jone izege ja vierafena renoejo ijia jaka daro ireobo abei. Ro kuke vame maeje izege ja oe jone ijiakuma e ifejiavo ijiakiro jone ja no oetuavo ije buka biona mamekanu reve. Ijadufuo no kuke soesoena kiavono ni vame izege ja moni ivajuonamivo ijia nika maza boeje ijiege mukoreigia renoefo.

Ifisiani 5:17

Ro jade uri nigofo isereva igege renoekiro ro nika irere E Ireobo fu joefuo vierafema ije giriesana rerefo.

Korosiani 1:9

Ijadufuo no iko zinume ijia jone izege ja kenoevo ije fiena noka maza boeje joefuo baname isoeve. No joefuo Godido baname isoega fu ifejiaga ja irere fu joefuo vierafemo ije mukoreigia vierafeke. Ro kuke Kavene Akae fu ifejiaga ja ire boeje mukoreigia vierafekinu renoedufuo.

Korosiani 3:10

Ro iviama fune Godire ja kame kuderiana una vame fuone iviaeko izege fu fina ruomo ijiege amaeriajiame. Fu ijiege rekina ja ijia una fu e izeki ije mukoreigia gana vierafedufuo.

1 Tesaroniasi 3:12

Ro no vierafe E Ireobo fu ifejiaga ja izege no ja oetuavo ijiege jadua ja una jone oetuanamidufuo. Ro kuke fuka maza boeje oe jone ijia urukeigia ifejiake jaka e boejena oetuanamikinu karinoeke.

1 Tesaroniasi 4:1

Ro erafano iviama na vua radekuma ije isoena kuariakuvejo ni fiefo. Ja vame izege Godi fu oemaedufuo ijia karinoedufuo ije none nijasiae ijadufuo jane ijiege kari ruove. Ro iviama no E Ireobo Jesudo ive ijia ja darokuma anadiana kia, Ni vame maeje Godi fu oemaeko ja kari ruovo ijiege una uruvana rekinu kari vafo.

2 Tesaroniasi 1:3

Erafano, no joefuo maza boeje Godi no oemarevo ije fune maredo noka ijiege renoeke. Ijadufuo maeje jone izege ja Kuraesi ma vierafevo ije funeka gikikimana reme. Ro kuke e besubesu jone izege ja una kairafa gue oetuavo ijedua funeka ma ireobo reme.

Firimoni 1:6

Ijadufuo na baname isoega aka giriesana Jesu Kuraesido vua ije abe e gue nijasiadufuo. A ijiege rekuma a Godido maeje fu vekinu vajuomo ijadufuo zinume maeje mukoreigia giana vierafedufuo.

Iburu 5:14

Ro vua maeje na ja kuariakuvejo ije fu ire gikikimana ije no ijo ijieki. Ro vua ijieki ije bu e Godi ma vierafena e damuiki reva ijiebuo vua. Ro kuke fu e ije eranebe bu maza boeje Godido vua ije mimatana nuvevo ijiakina e ije vame ise ije giana akariakinu ro vame maeje ijiaru renoevo ijiebuo vua.

1 Fita 1:22

Godire vua fuone ije fu maza boeje ijia navako ijadufuo duvado ijia vame iviaeko maeje abena miae. Ro ja Godido vua maeje jane mukoreigia irinae ijadufuo oe jone ije fune mukoreigia amaeriae ijadufuo iviama jane una kairafa jone bu Godi ma vierafevo ije oetuave. Ijadufuo iviama nika oe jone ro daro jone ijiakuma jone oetuanamifo.

2 Fita 3:18

Ro na joefuo Godido baname isoega fu fuone maeje miaga ja giriesana E Ireobo Jesudo vua ije jone nijaenamike. Ja ijiege renoekuva jone ja ma vierafevo ije fuka daroki rena vadufuo. Ro na baname isoega e boeje buka maza boeje Jesu Kuraesi E Ireobo nuvuone ije dabe aroena oemarejakinu vake. Marei.