Ekisi 6:3 - Godido Vua Maeje

^3-4 Ijadufuo uviarafano ni e gure ja kariva ijia e uguaeki bino bu Godido Kavene ijare oe buone ijia iraraema bu mukoe vierafevo ije kega bure i ijene mefo. Ro noeje nome Godido baname isoekinu ro vua fuone ijiaru abe e gue kuarianoekono kiae.

Ekisi 6:3 ပူးပေါင်းရင်းမြစ်များ

Una Kaenamiae 18:21

Ro kuke be ije ni e bino kega bu e mamekanu rekina bure e ma uruvana taoseni (1000) ijiege ro e aderedi (100) ro fifiti (50) ro teni (10) ijiege samuagiane. Ro e a kekuma ni e ije bu Godi jumekinu vame maeje ijiaru renoejo ijia kene. Ro kuke e buka bu ma vierafevo ro bu e biesiriavo baki ijene kene.

Matiu 23:8

Ijadufuo jade arega e bu ja kia e ireobono kiavo. Ijadufuo maeje E Ireobo ije fune e besu ijiaru ro e boeje jaeje jame agane besu.

Joni 21:23

Fu ijiege kuaramoga e Jesu ma vierafevo bu vua ije e Jesudo vua fiemo be fube baronedufuo fu kuaema ije fie. Rove Jesu fu naebe kuae e ije fube baronekiro fu ijia fivakono kuae. Ro fume kuae, Na vierafe fu ijia ni uria fike na una ruakuvabitie na ijiege reke ro a irerefuo ije abe ireobo vierafemono kuae?

Ekisi 1:15

Areme mu sibaneke furikoga e boeje Jesu ma vierafevo uvani aderedi tuaedi (120) bu una besu afui. Bu ijiege afuikoga Fita fu urina kiae, Erafano Godido vua bu isuibe isoeva ije funeka riarei. Ro vua ije fune isuibe Godido Kavene ijare e Devidido itire ijia e Judasido kuae fure e ani ijiebuo vame amaeriga bu Jesu tokono kuae.

Ekisi 1:21

Ijadufuo na vierafe noka e be erare fu maza ije no Jesuna oenoeva ijia fu noena oenoema no e ije abeke.

Ekisi 10:22

Fu ijiege kiamoga bu kuae, No Koniriasi e azo kevo ijiebuo e ireobo ijare kuomo no ruae. Ro e ije fuka e be mukoreigia kenoeno ijadufuo e Jiusi boeje buka fu aguaevo. Ro kuke fuka e be Godi ma vierafemo. Ro maza be Godido anera ijare e Koniriasi kuae, Ni e bino kiaga bu ro a mesira vaga a are fuone ijia vua kuaraga fu fieno kuae.

Ekisi 15:23

Areme bune uri fasi ijiege isoena miae. Fasi ige no isoena E Afasero ijiakiro e sosi ijiebuo e mamekanu ije ja nijiave. Noeje no jaena besu Jesu Kuraesi ma vierafevo. Ijadufuo nore fasi ige isoena e Jiusi baki ije ja sidove Enitiokikiro sakae Siria ro Sirisia ijia karina Godi ma vierafevo ije nijiana anadiave.

Ekisi 16:2

Ro e Godi ma vierafevo are Risiturakiro Ikoniamu kariva ije e Timoti buka dabe nidoevo.

Ekisi 2:4

Ijiege rekoga Godido Kavene fu e boeje ijiebuo oe ijia arina nirokiamoga bu uri isama bino bu fievo baki ijia nanuamena kuae.

Ekisi 22:12

Ro are Damasikasi ijia e Ananaeasi kuavo ije fu ijia fino. Ro e ije fuka e be Godi mukoe vierafekinu akae fuone boeje iriniamo. Ro kuke e boeje are Damasikasi ijia kariva ije buka fu mukoreigia aguaevo.

Ekisi 28:14

No ijia usiaevoga e Godi ma vierafevo bino bu ijia karido bune kaenamuovoga no va buina mu sibaneke ijia kari. Areme none urina diake sidove ireobo Romu ijia vae.

Ekisi 6:2

Ijadufuo e Afasero tuero ije bune uri e boeje Jesu ma vierafevo ije kumevo bu una besu afui. Areme bu uri kiae, No Godido vua ije no dabe e nijasianoejo ije aregaro una ire karina e ifejianoekuva no vierafe fuka naebe marei.

Ekisi 6:5

E Afasero bu ijiege kuariavoga e boeje bu vua ije fievo buka oemadiae. Ijadufuo bu uri e Sitivini e ka Godi ma vierafemo ro kuke Kavene Akae oe fuone ijia iraraema ijene abei. Areme bune kuke uri e Firifikiro Furakorasi ro e Nikenokiro e Timoti ijene kei. Ro kuke e Famenasikiro Nikorosi e are Enitiokiko fu una e Jiusi ijiena maziema ijene kei.

Ekisi 6:6

Bu e ije kena una e Afasero ije uniaejiavoga bu ke Godido baname isoema areme umui nigofo naejiae.

1 Koriniti 12:8

Ijadufuo na vame izege Kavene Akae fu i meno na ije nijasiako ni fiefo. Fune Godido Kavene ijare e bino daro miako bu Godido vierafe ije giana una e gue kuariave. Ro fune Kavene Akae besu ijare e gue daro miako bu Godido vua maeje mukoe vierafena una e gue nijasiakinu ifejiave.

1 Koriniti 16:3

Ro kuke na vierafe jaka kojo e ma bino ijia kekina bure moni jone ja afuivo ije kena sidove Jerusareme ijia vadufuo. Ro na vuakuva na fasi bino isoena e ije ja keva ije vajiaga bure moni ijiakuma kena va Godido e ije bu are Jerusareme sidove ijia kariva ije vajiake. Bu vajiaga bu vierafero e ije bu jone akaegue ijia moni ije kena vaevaro bu ijiege vierafeke.

Ifisiani 5:18

Ro jade do kugi ina nigofo isereve. Ijadufuo maeje do kugi ije fuka vame jone ja ma karinoevo ije kame arafiriamo. Ijadufuo ni Kavene Akae ije abega fure maza boeje oe jone foteke ijia fikinu samuagiafo.

1 Timoti 5:10

Ro fuje fuka bara be fune mukoreigia kenoeko e boeje bune gana vierafeva ijare buina imeke. Ro bara ije vame fuone maeje gue fu renoeno ije fuka anafa fuone mukoreigia samuagiamo. Ro kuke fu e sumiki ifejiana samuagiakinu ro kabuaekabuaeki Godido e ije ifejiamo. Ro kuke fu Godido e ije isejavaevo ije oe ma ijiakuma ifejiakinu ro vame ma binobino e guebuo remo ijare buina imeke.

Jemisi 1:17

Ijadufuo maeje ire boeje Godi fu vajuomo ije buka ma ijiaru. Ro ire maeje boeje fuka e ije saove gufe sanaema ije amaerima ijare kena no vajuome. Fu maza boeje fuka ijiege remo ro fu no ijuegafuona vakoke no titutema ijia karinoevo baki.

3 Joni 1:12

Ro igia fie, e boeje buka Dimiturasido vame mukore fu kenoeno ije dabe aroena fuesina kuaenoeve. E boeje bu vierafega fuje fuka vua ma ijiaru kuaemo. Ro nodua no vierafega irere Dimiturasi fu renoeno ije fuka vame mukore ijiaru renoene. Ro jane vierafe no maza boeje no vua kufui kuaenoevo baki ijadufuo irere no fuesina kuaevo ije noka ma kuariave.