Ekisi 13:5 - Godido Vua Maeje

⁵ Bune vakuma aesakae Saefurasi ijia arina bune va are Saramisi ijia usiae. Areme maza gue bune va e Jiusi ijiebuo are bu afuina vua kuaevo ijia aruna Godido vua ije dabe e ije kuariae. Ro e Joni Maki fudua fu buina vaema ijadufuo fu ifejiana vua ijene kuariae.

Ekisi 13:5 ပူးပေါင်းရင်းမြစ်များ

Ekisi 13:14

Areme bune are Fega arena nana vakuma are Enitioki aesakae Fisidia guove ijia usiae. Areme maza ije e Jiusi bu mauike karijo ijia bune e Jiusibuo are bu afuina vua kuaevo ijia aru va buina kari.

Ekisi 13:46

Ijadufuo Forukiro Banabasi buka urina vua ije dabe darokuma e Jiusi ije kuariae. Bu kuariana kiae, Ja Godido vua maeje ige no abe ja kuariavo ije jaka ijuoneve. Ja vierafero jabite ja vame ma karivako ije ja abedufuo ije fuka naebe manimaro ja ijiege vierafe? Rove jane kojo ijuonevo ijadufuo none ja arena una e Jiusi baki ijiebuo vake.

Ekisi 19:8

Areme e Foru fune va e Jiusi ijiebuo are bu afuina vua kuaevo ijia aruna vua e ije vua nijasiae. Fu asame inokube ijia buina finoekinu vua maeje Godi fu izege e fuone ijiebuo oe ije samuagiamo ijene mukoreigia darokuma kuariakinu nijasiae.

Ekisi 18:4

Ro Foru maza boeje fu maza ije bu mauike karivo ijia va e Jiusi ijiebuo are bu afuina vua kuaevo ijia vua kuariamo. Fu vierafe fuka e Jiusi ijiakiro e Jiusi baki ije oe buone kame kuderiaga bu vua fuone ije fiena Godi ma vierafekiro fu ije vierafei.

Ekisi 17:17

Ijadufuo fu va e Jiusi ijiebuo are bu afuina vua kuaevo ijia aruna e Jiusi baki ijiakiro e Jiusi ije Godi ma vierafevo ije vua uruvana kuariae. Ro maza boeje fu va sidove makave bu ire fuaevevo ijia e ije ruovo ije vua kuariae.

Ekisi 14:1

Ijiege rekoga Forukiro Banabasi bu vakuma are Ikoniamu ijia usiae. Areme bune va are e Jiusi bu afuina vua kuaevo ijia aruna e ije Godido vua maeje dabe darokuma kuariae. Bu ijiege kuariavoga e Jiusi ije abero e Jiusi baki boeje buka Godi ma vierafevoga ire ije are Enitioki ijia rema ije fu una kuke Ikoniamu ijia rei.

Ekisi 12:12

Areme fune va bara Meri e Joni Makedo asie ijadufuo are ijia kekei. Ro are guove ije buka e uruvana ijia afuina baname isoeve. Ijadufuo Fita fu viene ijia manina kanakanamoga bara Rodano kuavo ije fu kekena e ije gakiro ruae.

Ekisi 9:20

E Soru ude fu va e Jiusi ijiebuo are bu afuina vua kuaevo ijia aruna e ije vua kuariana kiae, E Jesu ije fu ma Godido farino kiae.

2 Timoti 4:11

Ro iviama fu Rukire fuosukua uria igia nosiki fine. Ijadufuo a ruakuma ni e Maki mesirina roga fure ifejiena i ige mene.

Korosiani 4:10

Ro Arisitasi e ije fu nosiki dibure fino ije fu ja anadiae. Ro kuke e Maki e Banabasido vienefuo ije fu ja anadiae. Ro fu ijia vuakuma ni oemarekinu samuafo ijadufuo maeje na fuesina nane ude fasi isoena kuariae.

Ekisi 15:37

Fu ijiege kuamoga Banabasi fune uri e Joni Maki mesiri buina vakiro vierafe rove Foru fu vierafega fu naebe marei. Ijadufuo maeje e Joni Maki fu naebe buina ime vakuma ubine ijia keke. Ro fume are Femefiria ijia uniana una ruaema ijadufuo fu ije ijuonei.

Ekisi 12:25

Ijiege rekoga e Banabasikiro Soru bune i buone ije mena furi areme bune e Joni Maki mesiri una sidove Jerusareme ijia vae.

Matiu 20:26

Ro igia fie, jaeje jade vame ije bu kevo ijiege kenoevo. Erare fu uve jone ijia e anuigi rekiro vierafekuma e ije fuka una joefuo imedufuo. Ro erare fu e nigofo rekiro vierafekuma e ije funika una joefuo imedufuo. Ijiege ro Ema ijiebuo Fari ige na ruaeva ije na e ireobo rekiro ruaeva baki. Ro name e be fu e befuo imeno na ijiege rekiro ruae. Ro kuke na ruaeva ije na kurosi ijia baronena kavuane none ijia usiaena e boeje karauniakiro ruae.

Una Kaenamiae 24:13

Ijadufuo Mosisi fune urina Josua e ije fu ifejamo ije kuana bune uruo ijia ajia vakuae Mosisi fune uri e mamekanu ije ijiege kuariae. Fu kia, Janika igia karike no vaekina una ruafo. Ro e eranebe bu irufui bino biediakuva ije Eronikiro Eri bu jaena iji kariva ijadufuo nine buone vaga bure ifejiana dasumiano kiae.

Ekisi 19:22

Ijadufuo fune e inokiro fu ifejavo e Timotikiro Erasitasi ije kiavo bune Mesedonia ijia vae. Bu vakoga fuje fu una maza sibaneke aesakae Esia guove ijia oenoe.

Ekisi 19:29

Bu ijiege kumevoga e boeje sidove guove ijia kariva ije buka ma ireobo de farudiae. Ijadufuo bu uri e Geasikiro Arisitasi e Mesedoniako ije bu Foruna oenoejo ijene kame maniaeruna are ije e bu afuivo ijia vae.