2 Timoti 4:3 - Godido Vua Maeje

³ Ro maza be ruakuma e boeje buka vua maeje ijuonena bube mukoreigia fiedufuo. Ro buka una vajaema ijadufuo ire ije bu vierafeva ije kenoedufuo. Ro buka una e ije bu vua kufui nijasianoevo ijiebuo vaga bu vua irere bu fiekuae vierafevo ije nijasiadufuo.

2 Timoti 4:3 ပူးပေါင်းရင်းမြစ်များ

Una Kaenamiae 32:33

Rove E Ireobo fu una kuae, Ije ane ma kuarieme rove na vierafe name e ije erare bu none ise reva na ive buone ijiaru masi koreke.

Ruki 20:19

Ijadufuo e vua akae nijasiavo ije abero e Godi zinone ifaejavo ijiebuo e mamekanu ije bu vierafe buka migegire Jesu fare tokuae vierafe. Ijadufuo maeje bu vierafega vua ije fu mena kuaema ije fu buesina kuae. Rove bu una e ijia ruaeva ije jumei.

Ruki 6:26

Ro e ije eranebe e bu ja kame aroriana vua joesina mukoreigia kuaenoevo ije nika jumefo. Ijadufuo maeje bune asaerafa buone ijiebe e ije bu vua kufuimena e gue kuaria ruaeva ije aroriana vua maeje buesina ijiege kuae. Rove bu naebe una e ije Godido vua maeje abe ruaeva ije iriniae.

Joni 8:45

Na vua ige naka ma kuariave rove jaka na ma vierafevo baki.

Ekisi 17:21

Ijadufuo maeje e Atenesiko abero e ae binoko buina sidove ijia kariva ije buka maza boeje vua iviaeko kuaenoekinu ro fiekuae vierafevo.

1 Koriniti 2:1

Ro kairafano iko na jone vuaeva na Godido vua maeje no abe ja kuariadufuo fu abe muema na ije abe kuariakiro vuae. Ro kuke na naebe uri e ije bu vua mukoe vierafena kuaevo ijiege kuariae.

1 Koriniti 2:4

Ro kuke nidua jone ijia na manina Godido vua maeje na kuariaeva ije na naebe vua jiagadogo kuariae. Ro kuke na naebe e vua mukoe vierafena kuaevo ijiege manina kuariae. Ijiege naka baki ro name vierafero ja Godido Kavene ije fu ire sumiki gue jone remo ja ije giana Godi ma vierafekiro na ijene kuariae.

Garesiani 4:16

Ja vua maege na kuariavo ije fu samadukua ise jone ije visu kuariamo ijadufuo ja vierafe naeje nate na e ani jone?

1 Timoti 1:10

Ro akae ije fu kuke e ije bu barubara fudaenamina ise revo ro e fari una fari guena fudaenamivo ijiebuo nijae. Ro kuke fu e ije bu e gue mauike tonamiana vaga bu buefuo imejo ijiakina e ije bu vua kufuimejo ijiebuo nijae. Ro kuke fu e ije bu koto guove ijia vua kufuimevo ijiakina e ije bu Godido akae maeje kena tuasevo fu ijiebuo nijae.

2 Timoti 1:13

Ijadufuo ni vua maeje na nijasavo a fiema ijene kena mukoreigia faradiana samuagiane. Ro kuke giriesana Godi ma vierafekinu e boeje oetuane. Ijadufuo maeje no Jesu Kuraesina besu revo ijia no ire inokiro ije kevo.

Judi 1:18

Bu kuariana kia, Maza radekuma ije ruakuma e buka usiaena vame jone maeje ja kenoevo ije kame varaemena kisiadufuo. Areme bu uri vame buone ise ije Godi fu naebe oemaremo ije renoeke.